Just In
- 2 hrs ago ಗುರು ಸಂಚಾರ 2024: ಕನ್ಯಾ ರಾಶಿಯಲ್ಲಿ 12 ತಿಂಗಳು ಗುರುವಿನ ಪ್ರಭಾವ ಹೇಗಿರಲಿದೆ?
- 11 hrs ago ವಾರ ಭವಿಷ್ಯ: ಸಂಖ್ಯಾಶಾಸ್ತ್ರ ಪ್ರಕಾರ ಈ 7 ದಿನಗಳು ನಿಮಗೆ ಹೇಗಿರಲಿದೆ?
- 12 hrs ago ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ
- 13 hrs ago ಪರಿಸರ ದಿನ: ಇಂದು ನೀವು ಹೀಗೆ ಮಾಡಿದರೆ ಮುಂದಿನ ಪೀಳಿಗೆಗೆ ನೀಡುವ ದೊಡ್ಡ ಆಸ್ತಿ
Don't Miss
- News Soumya Reddy in Tirupati:ಸೌಮ್ಯ ರೆಡ್ಡಿ ಫೋಟೋ ಹಿಡಿದು ತಿರುಪತಿ ದೇವಸ್ಥಾನದ ಮುಂದೆ ಫೋಸ್ ಕೊಟ್ಟ ಭಕ್ತ!
- Finance Bengaluru Rain:ಬಿಸಿಗಾಳಿ ಹೆಚ್ಚಳದಿಂದ ಬೆಂಗಳೂರು ನಗರಕ್ಕೆ ಅಧಿಕ ಮಳೆ, ಐಎಂಡಿ ಹೇಳಿದ್ದೇನು?
- Automobiles ಬೈಕಿನಂತೆ ಮೈಲೇಜ್ ಕೊಡೋದ್ರಿಂದ ಈ ಹ್ಯುಂಡೈ ಕಾರಿನ ಮಾಲೀಕರು ಫುಲ್ ಖುಷ್
- Sports LSG vs CSK IPL 2024: ಐಪಿಎಲ್ನಲ್ಲಿ ಇತಿಹಾಸ ಸೃಷ್ಟಿಸಿದ ಎಂಎಸ್ ಧೋನಿ
- Movies ಹಳೇ ಟ್ವೀಟ್ ಹಾಕಿ ರಕ್ಷಿತ್ ಶೆಟ್ಟಿ ಹೇಳಿದ್ದೇನು? 'ರಿಚರ್ಡ್ ಆಂಟನಿ' ಕಥೆ ಏನಾಯ್ತು?
- Technology Samsung: ಭಾರತದಲ್ಲಿ ಹೊಸ ವೇರಿಯಂಟ್ನಲ್ಲಿ ಸ್ಯಾಮ್ಸಂಗ್ ಗ್ಯಾಲಕ್ಸಿ F15 5G! ಬೆಲೆ ಎಷ್ಟು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಬಾಯಲ್ಲಿ ಹೇಳದೆಯೇ, ಒಬ್ಬರ ಮೇಲೆ ಪ್ರೀತಿ ಇದೆಯೆಂಬುದನ್ನು ತಿಳಿಸುವ ಮಾರ್ಗಗಳಿವು
ಸಂಬಂಧದಲ್ಲಿ, ನಿಮ್ಮ ಸಂಗಾತಿಗೆ ಪ್ರೀತಿ ವ್ಯಕ್ತಪಡಿಸುವುದು ಬಹಳ ಮುಖ್ಯ. ಕೆಲವೊಮ್ಮೆ, ವಿವಿಧ ಕಾರಣಗಳಿಂದಾಗಿ, ತನ್ನ ಸಂಗಾತಿಗೆ ತನ್ನ ಪ್ರೀತಿಯನ್ನು ವ್ಯಕ್ತಪಡಿಸಲು ಸಾಧ್ಯವಾಗುವುದಿಲ್ಲ. ಆದರೆ, ಇದು ಹೆಚ್ಚು ಚಿಂತೆ ಮಾಡುವ ವಿಷಯವಲ್ಲ. ಕೆಲಸಗಳು ಪದಗಳಿಗಿಂತ ಹೆಚ್ಚು ಪವರ್ ಫುಲ್ ಎಂಬುದು ನಮಗೆಲ್ಲರಿಗೂ ತಿಳಿದಿದೆ. ಇದು ಸಂಬಂಧಗಳಲ್ಲಿಯೂ ಕಾರ್ಯನಿರ್ವಹಿಸುತ್ತದೆ.
ನಿಮ್ಮ ಸಂಗಾತಿಗೆ "ನಾನು ನಿನ್ನನ್ನು ಪ್ರೀತಿಸುತ್ತೇನೆ" ಎಂದು ಹೇಳುವ ಬದಲು, ನಿಮ್ಮ ಕಾರ್ಯಗಳ ಮೂಲಕ ಅವರ ಮೇಲಿರುವ ಪ್ರೀತಿಯನ್ನು ವ್ಯಕ್ತಪಡಿಸಿ. ಹೀಗೆ ವ್ಯಕ್ತಪಡಿಸಲು ಇರುವ ವಿವಿಧ ಮಾರ್ಗಗಳನ್ನು ಈ ಲೇಖನದಲ್ಲಿ ಹೇಳಿದ್ದೇವೆ.
ಪ್ರೀತಿಯನ್ನ ವ್ಯಕ್ತಪಡಿಸುವ ವಿವಿಧ ಮಾರ್ಗಗಳನ್ನು ಈ ಕೆಳಗೆ ನೀಡಲಾಗಿದೆ:
ಸಕ್ರಿಯ ಕೇಳುಗರಾಗಿರಿ:
ಕೇಳುವುದು ಮತ್ತು ಸಕ್ರಿಯವಾಗಿ ಕೇಳುವುದು ನಡುವೆ ದೊಡ್ಡ ವ್ಯತ್ಯಾಸವಿದೆ. ಬೇರೆ ರೀತಿಯಲ್ಲಿ ಹೇಳುವುದಾದರೆ, ಉತ್ತಮ ಕೇಳುಗನು ಇತರ ವ್ಯಕ್ತಿಯನ್ನು ಅರ್ಥಮಾಡಿಕೊಳ್ಳುವ ಉದ್ದೇಶದಿಂದ ಗಮನ ಕೊಡುತ್ತಾನೆ. ಇದು ಚಿಂತನಶೀಲ ಪ್ರಶ್ನೆಗಳನ್ನು ಕೇಳುವ ಮೂಲಕ ಸಂವಾದದಲ್ಲಿ ಸಕ್ರಿಯವಾಗಿ ಭಾಗವಹಿಸುವುದನ್ನು ಒಳಗೊಂಡಿರುತ್ತದೆ. ಆದ್ದರಿಂದ ನಿಮ್ಮ ಸಂಗಾತಿ ಹೇಳುವ ಪ್ರತಿ ವಿಷಯವನ್ನು ಗಮನವಿಟ್ಟು ಕೇಳಿಸಿಕೊಮಡು ಅದಕ್ಕೆ ತಕ್ಕ ಹಾಗೇ ಪ್ರತಿಕ್ರಿಯಿಸಿ.
ದಯೆಯನ್ನ ತೋರುವ ಕಾರ್ಯಗಳನ್ನು ಮಾಡಿ:
ಪ್ರೀತಿಯ ವಿಷಯ ಬಂದಾಗ ದಯೆ ಅಥವಾ ಕರುಣೆ ಬಹಳ ದೂರ ಹೋಗಬಹುದು. ಕೆಲಸಕ್ಕೆ ಹೊರಡುವ ಮೊದಲು ನಿಮ್ಮ ಸಂಗಾತಿಗೆ ಸಣ್ಣ ಪ್ರೀತಿಯ ಮಾತಗಳನ್ನು ಹೇಳುವುದರಿಂದ ಅವರ ಇಡೀ ದಿನವೇ ಬದಲಾಗಬಹುದು. ಅಥವಾ ಕೆಲಸದಿಂದ ಮನೆಗೆ ಹೋಗುವಾಗ ನಿಮ್ಮ ಸಂಗಾತಿಯ ನೆಚ್ಚಿನ ಸಿಹಿತಿಂಡಿ ಖರೀದಿಸುವುದು ಅತ್ಯಂತ ಸಿಹಿಯಾದ ವಿಷಯವಾಗಿದೆ. ದಯೆಯಿಂದ ವರ್ತಿಸಿ ಮತ್ತು ನಿಮ್ಮ ಪ್ರೀತಿ ತನ್ನಷ್ಟಕ್ಕೆ ವ್ಯಕ್ತವಾಗುತ್ತದೆ.
ಅವರ ಸ್ನೇಹಿತರನ್ನು ದೂರಮಾಡಬೇಡಿ:
ನೀವು ಸಂಬಂಧದಲ್ಲಿರುವಾಗ, ನೀವು ಮಾಡಲೇಬಾರದ ಕೆಲಸವೆಂದರೆ ನಿಮ್ಮ ಸಂಗಾತಿಯನ್ನು ನಿಮ್ಮ ಆಸ್ತಿಯನ್ನಾಗಿ ಪರಿವರ್ತಿಸುವುದು. ಪ್ರತಿಯೊಬ್ಬ ವ್ಯಕ್ತಿಗೆ ಖಾಸಗಿ ಸ್ಥಳ ಮತ್ತು ಸ್ನೇಹಿತರೊಂದಿಗೆ ಕಳೆಯುವ ಸಮಯ ಬೇಕಾಗುತ್ತದೆ. ಆದ್ದರಿಂದ ಮುಂದಿನ ಬಾರಿ ನಿಮ್ಮ ಸಂಗಾತಿ ತನ್ನ / ಅವಳ ಸ್ನೇಹಿತರೊಂದಿಗೆ ಸ್ವಲ್ಪ ಸಮಯ ಕಳೆಯಲು ಬಯಸಿದರೆ, ಕೋಪಗೊಳ್ಳಬೇಡಿ. ಅವರನ್ನು ಹೋಗಲು ಬಿಡಿ.
ಸಹಾಯ ಹಸ್ತ ನೀಡಿ:
ನಿಮ್ಮ ಸಂಗಾತಿಗೆ ಅಗತ್ಯವಿದ್ದರೆ ಸಹಾಯ ಹಸ್ತ ನೀಡಿ. ನಿಮ್ಮ ಗೆಳೆಯನಿಗೆ ತನ್ನ ಕಾರನ್ನು ತೊಳೆಯಲು ಸಮಯವಿಲ್ಲದಿರಬಹುದು, ಆದ್ದರಿಂದ ನೀವು ಕೆಲಸದಿಂದ ಬೇಗನೆ ಬಂದಾಗ ಅದನ್ನು ಮಾಡಿ. ಅಥವಾ, ನಿಮ್ಮ ಗೆಳತಿಗೆ ಅವಳ ಡ್ರಾಯರ್ ಶೆಲ್ಫ್ ಅನ್ನು ಸರಿಪಡಿಸಲು ಸಹಾಯ ಬೇಕಾಗಬಹುದು ಮತ್ತು ಅವರು ನಿಮ್ಮ ಸಹಾಯವನ್ನು ಕೇಳುವ ಮೊದಲು ನೀವು ಅದನ್ನು ಸರಿಪಡಿಸಿರಿ. ಈ ಎಲ್ಲಾ ಸನ್ನೆಗಳು ಬಹಳ ಅರ್ಥಪೂರ್ಣವಾಗಿವೆ.
ಮುದ್ದಾದ ಸಂದೇಶಗಳನ್ನು ಅವರಿಗೆ ಕಳುಹಿಸಿ:
ತಮಾಷೆಯ ಜಿಐಎಫ್ಗಳು, ಮುದ್ದಾದ ಎಮೋಜಿಗಳು ಅಥವಾ ಅವರ ಬಗ್ಗೆ ಯೋಚಿಸುತ್ತಿರುವಂತಹ ಮುದ್ದಾದ ಸಂದೇಶಗಳನ್ನು ನಿಮ್ಮ ಸಂಗಾತಿಗೆ ಕಳುಹಿಸುತ್ತಿರಿ.ಇದು ನಿಮ್ಮ ಮನಸ್ಸಿನಲ್ಲಿ ಆಕೆಯ ಅಥವಾ ಆತನ ಯೋಚನೆಯಿರುವುದನ್ನು ತೋರಿಸುವ ಉತ್ತಮ ಮಾರ್ಗವಾಗಿದೆ.
ದಿನಾಂಕಗಳನ್ನು ನೆನಪಿಡಿ:
ಪ್ರಮುಖ ದಿನಾಂಕಗಳು ಮತ್ತು ವಿವರಗಳನ್ನು ನೆನಪಿಟ್ಟುಕೊಳ್ಳುವುದರಿಂದ ನೀವು ವ್ಯಕ್ತಿಯನ್ನು ಎಷ್ಟು ಪ್ರೀತಿಸುತ್ತೀರಿ ಎಂಬುದನ್ನು ನಿಜವಾಗಿಯೂ ತೋರಿಸುತ್ತದೆ. ಆದ್ದರಿಂದ ಆ ದಿನಗಳನ್ನು ನೆನಪಿಟ್ಟುಕೊಂಡು, ಆಕೆಗೆ ಉಡುಗೊರೆಗಳನ್ನು ನೀಡುವ ಮೂಲಕ ಸರ್ಪೈಸ್ ನೀಡಿ.
"ಧನ್ಯವಾದಗಳು" ಎಂದು ಹೇಳಿ:
ಪ್ರತಿಯೊಬ್ಬರೂ ಮೆಚ್ಚುಗೆಯನ್ನು ಅನುಭವಿಸಲು ಇಷ್ಟಪಡುತ್ತಾರೆ. ಲಘುವಾಗಿ ತೆಗೆದುಕೊಂಡ ಭಾವನೆಯನ್ನು ಯಾರೂ ಇಷ್ಟಪಡುವುದಿಲ್ಲ. ನಿಮ್ಮ ಪ್ರೀತಿಪಾತ್ರರು ನಿಮಗಾಗಿ ಏನಾದರೂ ಒಳ್ಳೆಯದನ್ನು ಮಾಡಿದಾಗ ಅವರಿಗೆ ಧನ್ಯವಾದ ತಿಳಿಸುವುದನ್ನು ಮರೆಯದಿರಿ. ಸರಳವಾದ ಸ್ಮೈಲ್ ಅಥವಾ "ಧನ್ಯವಾದಗಳು" ಸಾಕಷ್ಟು ಮ್ಯಾಜಿಕ್ ಮಾಡುತ್ತದೆ.