ಡೇಟಿಂಗ್ ವಿಷಯದಲ್ಲಿ ಪುರುಷರನ್ನು ಮಾತ್ರ ನಂಬಬೇಡಿ!

ಕೇವಲ ಹೆಚ್ಚಿನ ಮೋಜಿಗಾಗಿ

ಸಾಮಾನ್ಯವಾಗಿ ಪುರುಷರು ಕೇವಲ ಮೋಜಿಗಾಗಿ ಡೇಟಿಂಗ್ ಮಾಡುತ್ತಾರೆ. ಈ ಮೋಜಿನ ಮಜಲನ್ನು ಕೊಂಚ ಹೆಚ್ಚಿಸಲು ಎರಡನೆಯ ಡೇಟಿಂಗ್ ಗೆ ವಿಸ್ತರಿಸುತ್ತಾರೆಯೇ ವಿನಃ ಈ ಸಂಬಂಧಗಳನ್ನು ಜೀವನಪರ್ಯಂತ ಸಾಗಿಸುವ ನಿಟ್ಟಿನ ಯಾವುದೇ ಇರಾದೆ ಅವರಲ್ಲಿ ಇರುವುದಿಲ್ಲ. ಆದರೆ ಹೆಚ್ಚಿನ ಸಂದರ್ಭಗಳಲ್ಲಿ ಈ ಇಬ್ಬಗೆಯ ಮೋಜಿನ ಧಾವಂತದಲ್ಲಿ ಎರಡೂ ದೋಣಿಗಳು ವಿರುದ್ಧ ದಿಕ್ಕಿನಲ್ಲಿ ತಿರುಗಿ ಪುರುಷ ನದಿಯಲ್ಲಿ ಮುಳುಗುವ ಸಂಭವವೇ ಹೆಚ್ಚು.

ಅತ್ಯುತ್ತಮ ಸಂಗಾತಿಯನ್ನು ಆರಿಸಲು

ಪುರುಷರು ತಮಗೆ ಸಂಗಾತಿಯಾಗಿ ಬರುವವಳು ಎಲ್ಲಾ ರೀತಿಯಿಂದಲೂ ಸೂಕ್ತಳಿರಬೇಕು ಎಂದು ನಿರೀಕ್ಷಿಸುತ್ತಾರೆ. ಈ ನಿಟ್ಟಿನಲ್ಲಿ ಅತಿ ಸೂಕ್ತ ಮಹಿಳೆಗಾಗಿ ಹುಡುಕಾಟ ನಡೆಸುತ್ತಾರೆ. ಪರಿಣಾಮವಾಗಿ ಡಬ್ಬಲ್, ತ್ರಿಬ್ಬಲ್ ಡೇಟಿಂಗ್ ಅನಿವಾರ್ಯವಾಗುತ್ತದೆ.

ತಮ್ಮ ಆಯ್ಕೆಯ ಸಂಖ್ಯೆಯನ್ನು ಹೆಚ್ಚಿಸಲು

ಕೆಲವು ಪುರುಷರು ಯಾವುದೊಂದು ವಸ್ತುವನ್ನು ಕೊಂಡುಕೊಳ್ಳುವ ಮುನ್ನ ಹೆಚ್ಚಿನ ಆಯ್ಕೆಗಳಿರಬೇಕು ಎಂದು ಬಯಸುತ್ತಾರೆ. ಇದೇ ಗುಣ ಜೀವನಸಂಗಾತಿಯ ಆಯ್ಕೆಯಲ್ಲಿಯೂ ನಡೆಯುತ್ತದೆ. ಈ ನಿಟ್ಟಿನಲ್ಲಿ ಮುಂದುವರೆದವರಿಗೆ ಏಕಕಾಲದಲ್ಲಿ ವಿವಿಧ ಮಹಿಳೆಯರೊಂದಿಗೆ ಡೇಟಿಂಗ್ ಮಾಡಬೇಕಾಗಿ ಬರುತ್ತದೆ. ಕಾಲಕ್ರಮೇಣ ಇಬ್ಬರು ಮಹಿಳೆಯೊಂದಿಗಿನ ಸರಸ ಎಂತಹ ಅಪಾಯದ ಕೆಲಸ ಎಂಬುದು ಅರಿವಾಗುತ್ತದೆ.

ಮಹಿಳೆಯರನ್ನು ಇನ್ನೂ ಆಳವಾಗಿ ಅರಿಯಲು

ಮಹಿಳೆಯನ್ನು ಅರಿಯಲು ಸೃಷ್ಟಿಕರ್ತ ಬ್ರಹ್ಮನಿಗೇ ಸಾಧ್ಯವಾಗದಿರುವಾಗ ಇಬ್ಬರು ಮಹಿಳೆಯರನ್ನು ಏಕಕಾಲದಲ್ಲಿ ಒರೆಹಚ್ಚಿ ಇನ್ನೂ ಆಳವಾಗಿ ಅರಿಯುವ ಪ್ರಯತ್ನವನ್ನು ಕೆಲವು ತಿಳಿಗೇಡಿ ಪುರುಷರು ನಡೆಸುತ್ತಾರೆ. ತಮ್ಮನ್ನು ಆಳವಾಗಿ ಅರಿಯಲು ಯತ್ನಿಸುತಿದ್ದಾನೆಂದರೆ ಅರಿತ ಕೂಡಲೇ ಮಹಿಳೆಯರು ಈತನನ್ನೇ ಆಳವಾದ ಗೊಂದಲದಲ್ಲಿ ಮುಳುಗಿಸಿಬಿಡುತ್ತಾರೆ.

ಈಗಿರುವುದಕ್ಕಿಂತ ಚೆನ್ನಾಗಿರುವ ಅನುಭವ ಪಡೆಯಲು

ಕೆಲವು ಪುರುಷರು ತಮ್ಮ ಹಿಂದಿನ ದಿನಗಳಲ್ಲಿ ಮೋಸ ಹೋಗಿರುವುದು, ತಿರಸ್ಕರಿಸಲ್ಪಟ್ಟಿರುವುದು ಮೊದಲಾದ ಕಾರಣದಿಂದ ಖಿನ್ನತೆ ಅನುಭವಿಸುತ್ತಿರುತ್ತಾರೆ. ಒಂದು ಸಂಬಂಧದ ಮೂಲಕ ಈ ಖಿನ್ನತೆಯಿಂದ ಹೊರಬಂದು ಹಿಂದಿನ ದಿನಕ್ಕಿಂತ ಚೆನ್ನಾಗಿರುವ ಅನುಭವ ಪಡೆಯಲು ಡಬ್ಬಲ್ ಡೇಟಿಂಗ್ ಮೊರೆ ಹೋಗುತ್ತಾರೆ. ಮೊದಮೊದಲು ಚೆನ್ನಾಗಿರುವ ಅನುಭವ ಪಡೆದರೂ ಕಾಲಕ್ರಮೇಣ ಇದರ ಪರಿಣಾಮವಾಗಿ ಹಿಂದಿಗಿಂತಲೂ ಹೆಚ್ಚಿನ ಖಿನ್ನತೆಗೆ ಒಳಗಾಗುವ ಸಂಭವ ಹೆಚ್ಚು.

ಕೊಂಚ ಕಾಲ ಟೈಂ ಪಾಸ್ ಮಾಡಲು

ಬಸ್ಸಿಗೆ ಕಾಯುತ್ತಿರುವಾಗ ಕಾಲ ಕಳೆಯಲು ಸಾಧ್ಯವಾಗದೇ ಇರುವವರಿಗೆ ಕಡ್ಲೆಕಾಯಿ ತಿನ್ನುವುದು ಒಂದು ಉತ್ತಮ ಪರಿಹಾರವಾಗಿದೆ. ಇದೇ ರೀತಿ ಕೇವಲ ಸಮಯಹರಣಕ್ಕಾಗಿ ಡೇಟಿಂಗ್ ಅನ್ನು ಕೆಲವರು ಒಂದು ಆಯ್ಕೆಯಾಗಿ ಪರಿಗಣಿಸುತ್ತಾರೆ. ಆದರೆ ಮಹಿಳೆಯರು ಇದರ ಬಗ್ಗೆ ತಿಳಿದುಬರುತ್ತಿದ್ದಂತೆಯೇ ಇಂತಹವರಿಗೆ ಚೆನ್ನಾಗಿ ಬುದ್ಧಿ ಕಲಿಸುತ್ತಾರೆ.