ಮಾತು ಬೆಳ್ಳಿ ಮೌನ ಬಂಗಾರ, ಇದು ಸುಖಿ ಸಂಸಾರಕ್ಕೆ ರಹದಾರಿ!

ನಿಮಗೆ ಗೊತ್ತೆ ಬಹುತೇಕ ಸಂಬಂಧಗಳು ಒಬ್ಬರನ್ನೊಬ್ಬರು ನಿಂದಿಸುವಂತಹ ಪದಗಳ ಮೂಲಕ ಹಾಗು ಕೊನೆಯಿಲ್ಲದ ವಾದಗಳ ಮೂಲಕ ಅಂತ್ಯಗೊಳ್ಳುತ್ತದೆ ಎಂದು? ನಿಮ್ಮ ಸಂಬಂಧ ಅಂತ್ಯವಾಗುವುದನ್ಜು ತಡೆಯಲು ನೀವು ಏನು ಮಾಡಬಹುದು. ಅದಕ್ಕಾಗಿ ನೀವು ನಿಮ್ಮ ಸಂಗಾತಿಯನ್ನು ನೋಯಿಸುವಂತಹ ಮತ್ತು ಅವರ ಭಾವನೆಗಳನ್ನು ಘಾಸಿಗೊಳಿಸಬಹುದಾದ ಪದಗಳನ್ನು ಮತ್ತು ವಾದಗಳನ್ನು ಮಾಡಾಬಾರದು.

ಅದಕ್ಕಾಗಿ ನೀವು ನಿಮ್ಮ ನಾಲಿಗೆಯನ್ನು ಹಿಡಿತದಲ್ಲಿಟ್ಟುಕೊಳ್ಳಬೇಕು, ಆಗ ನೀವು ನಿಮ್ಮ ಸಂಗಾತಿಯ ಪ್ರೀತಿಗೆ ಪಾತ್ರರಾಗುತ್ತೀರಿ. ಒಂದು ವೇಳೆ ನೀವು ನಿಮ್ಮ ನಾಲಿಗೆಯ ಮೇಲಿನ ಹಿಡಿತವನ್ನು ಕಳೆದುಕೊಳ್ಳದಿದ್ದಲ್ಲಿ, ಆಗ ನಿಮ್ಮ ಸಂಗಾತಿ ನಿಮ್ಮನ್ನು ಮತ್ತೂ ಪ್ರೀತಿ ಮಾಡುತ್ತಾರೆ. ಆದರೆ ನಿಮ್ಮ ನಾಲಿಗೆ ಮೇಲಿನ ಹಿಡಿತ ಕಳೆದುಕೊಂಡಲ್ಲಿ, ಆಗ ನಿಮ್ಮ ಸಂಬಂಧದಲ್ಲಿ ಕೋಪ, ತಾಪ ಮತ್ತು ನೋವು ಬಂದು ಸೇರಿಕೊಳ್ಳುತ್ತದೆ.

ಇತರರಿಗೆ ಘಾಸಿಯಾಗದಂತೆ, ನಿಮ್ಮ ಅಸಮಾಧಾನವನ್ನು ತೋರಿಸಲು ಹಲವಾರು ದಾರಿಗಳು ಇವೆ. ನಿಮ್ಮ ಮಾತುಗಳನ್ನು ತುಂಬಾ ಜಾಗರೂಕತೆಯಿಂದ ಬಳಸುವ ದಾರಿ ಯಾವುದು ಎಂಬುದಕ್ಕೆ ನಾವು ಇಲ್ಲಿ ನಿಮಗೆ ಕೆಲವೊಂದು ಸಲಹೆಗಳನ್ನು ನೀಡುತ್ತಿದ್ದೇವೆ. ಮುಂದೆ ಓದಿ....

ನೀವು ಮಾತನಾಡುವ ಮೊದಲು ಆಲೋಚಿಸಿ
ನಾಲಿಗೆಯನ್ನು ಹಿಡಿತದಲ್ಲಿಡುವ ಬಗೆ ಹೇಗೆ? ಅಷ್ಟೇನು ಹಿತಕರವಲ್ಲದ ಮಾತುಗಳನ್ನು ನಿಮ್ಮ ಸಂಗಾತಿಯ ಜೊತೆಗೆ ಮಾತನಾಡುವ ಮುನ್ನ ಮೊದಲು ಎರಡು ಬಾರಿ ಆಲೋಚಿಸಿ. ಏನಾದರು ಒಳ್ಳೆಯದನ್ನು ಮಾತನಾಡುವಂತಿದ್ದರೆ, ಮಾತನಾಡಲು ಮುಂದುವರಿಯಿರಿ: ಇಲ್ಲವಾದಲ್ಲಿ ಸುಮ್ಮನೆ ಮೌನವನ್ನು ವಹಿಸಿ. ಹೇಗಿದ್ದರು ನೀವು ಹಿತಕರವಲ್ಲದ್ದನ್ನೆ ಮಾತನಾಡುತ್ತೀರಿ, ಆದರೆ ಅದಕ್ಕೂ ಸಮಯ ಸಂದರ್ಭ ಎಂಬುದು ಇರುತ್ತದೆ. ಅದನ್ನು ನೋಡಿಕೊಂಡು ಮಾತನಾಡುವುದರಿಂದ ಸಂಬಂಧವನ್ನು ಉಳಿಸಿಕೊಳ್ಳಬಹುದು. ಅಷ್ಟಕ್ಕೂ ಸುಖಿ ಸಂಸಾರದ ಹಿಂದಿರುವ ಯಶಸ್ಸಿನ ಗುಟ್ಟೇನು?

ಕ್ಷಮೆ ಕೇಳಿ!
ನಿಮ್ಮ ಸಂಗಾತಿಯನ್ನು ನೋಯಿಸಿದ್ದರೆ ಅದಕ್ಕಾಗಿ ಕ್ಷಮೆ ಕೇಳುವುದರಲ್ಲಿ ತಪ್ಪೇನಿಲ್ಲ! ನೀವು ಏನಾದರು ಅಪ್ಪಿ ತಪ್ಪಿ ಕೆಟ್ಟದಾಗಿ ಮಾತನಾಡಿದ್ದರೆ, ನಿಮ್ಮ ಸಂಗಾತಿಗೆ ಅದರ ಕುರಿತಾಗಿ ಕ್ಷಮೆ ಕೇಳಿ, ಇದರಿಂದ ನಿಮ್ಮ ಮನಸ್ಸಿಗೆ ನೆಮ್ಮದಿ ಆಗುತ್ತದೆ ಮತ್ತು ನಿಮ್ಮ ಸಂಗಾತಿಗೆ ಸಂತೋಷ ಸಹ ಆಗುತ್ತದೆ.

ಧನಾತ್ಮಕ ಕಂಪನಗಳು
ನಿಮ್ಮ ಸುತ್ತಲೂ ಧನಾತ್ಮಕ ವ್ಯಕ್ತಿಗಳು, ಧನಾತ್ಮಕ ಸ್ಥಳಗಳು ಮತ್ತು ಜನಗಳನ್ನು ಇರಿಸಿಕೊಳ್ಳುವುದು ಉತ್ತಮ. ಆಗ ನಿಮ್ಮ ಪದಗಳು, ಕೆಲಸಗಳು ಮತ್ತು ಆಲೋಚನೆಗಳಲ್ಲಿ ಧನಾತ್ಮಕತೆ ಬರುತ್ತದೆ. ಯಾವಾಗ ನಿಮ್ಮ ಜೀವನದಲ್ಲಿ ಧನಾತ್ಮಕತೆಯು ಬಂದು ನಿಲ್ಲುತ್ತದೆಯೋ, ಆಗ ನಿಮ್ಮ ಸಂಬಂಧದಲ್ಲಿ ಋಣಾತ್ಮಕತೆ ಇರುವುದಿಲ್ಲ. ಆಗ ನೀವು ನಿಮ್ಮ ನಾಲಿಗೆಯನ್ನು ಹಿಡಿತದಲ್ಲಿರಿಸಿಕೊಳ್ಳಬೇಕೆಂಬ ಪ್ರಮೇಯವೇ ಬರುವುದಿಲ್ಲ. ಹಾಲು- ಜೇನಿನಂತಹ ಸುಖ ಸಂಸಾರಕ್ಕೆ ಸರಳ ಸೂತ್ರಗಳು

ನಿಮ್ಮ ಭಾವನೆಗಳನ್ನು ಹಿಡಿತದಲ್ಲಿಡಿ
ನಿಮ್ಮ ಭಾವನೆಗಳು ಸಹ ಸೂಚನೆಗಳೇ! ನಿಮ್ಮ ಮನಸ್ಸಿನ ಮೇಲೆ ಬೀರಿದ ಪ್ರಚೋದನೆಗಳಿಗೆ ಅದು ತಕ್ಕ ಪ್ರತಿಕ್ರಿಯೆಯನ್ನು ನೀಡುತ್ತದೆ. ನಿಮಗೆ ಬರುವ ಎಲ್ಲಾ ಭಾವನೆಗಳಿಗೆ ನೀವು ಪ್ರತಿಕ್ರಿಯಿಸಲು ಹೋಗಬೇಡಿ. ಅದರಲ್ಲೂ ಕೆಟ್ಟದಾಗಿ ಪ್ರತಿಕ್ರಿಯಿಸುವುದನ್ನು ಮಾಡಲು ಹೋಗಬೇಡಿ. ಪ್ರತಿಕ್ರಿಯೆಗೆ ಮೊದಲು ಒಮ್ಮೆ ಆಲೋಚಿಸಿ. ಇದರಿಂದ ನಿಮ್ಮ ಸಂಬಂಧ ಉಳಿಯುತ್ತದೆ.