ಪ್ರೀತಿ ವಿಫಲವಾದ್ರೆ ಸ್ನೇಹಕ್ಕೂ ಕೊಳ್ಳಿಯಿಟ್ಟುಬಿಡಿ..

Relationship

oi-Reena

By ಮಂಜು

Published: Wednesday, March 28, 2012, 15:01 [IST]

ಪ್ರೀತಿಸಿದ ವ್ಯಕ್ತಿ ಜೊತೆ ಬಾಳ್ವೆ ಸಿಗುವ ಅದೃಷ್ಟ ಶಾಲಿಗಳು ತುಂಬಾ ಕಡಿಮೆ. ಒಂದಲ್ಲಾ ಒಂದು ಕಾರಣಗಳಿಂದ ದೂರವಾಗಿರುವ ಪ್ರೇಮಿಗಳೆ ಹೆಚ್ಚು. ಪ್ರೀತಿಯ ಕೊಂಡಿ ನಾನಾ ಕಾರಣಗಳಿಂದ ಕಳಚಿ ಕೊಂಡಿರುತ್ತದೆ. ಈ ರೀತಿ ದೂರವಾದವರೂ ಮತ್ತೆ ಒಂದಾಗುವುದು, ಬಿಡುವುದು ಅವರವರ ಇಷ್ಟ ಮತ್ತು ಅದೃಷ್ಟ. ಆದರೆ ಪ್ರೀತಿ ಮುರಿದು ಬಿದ್ದ ಮೇಲೆ ಪ್ರೀತಿಸಿದ ವ್ಯಕ್ತಿ ಜೊತೆ ಗೆಳತನ ಮಾತ್ರ ಇಟ್ಟುಕೊಳ್ಳದಿರುವುದೇ ಒಳ್ಳೆಯದು!

ಒಬ್ಬ ಒಳ್ಳೆಯ ಫ್ರೆಂಡ್ ಪ್ರೇಮಿ ಆಗಬಹುದು. ಆದರೆ ಪ್ರೇಮಿ ಪುನಃ ಒಳ್ಳೆಯ ಗೆಳಯರಾಗಲು ಸಾಧ್ಯನೆ ಇಲ್ಲ. ಪ್ರೇಮಕ್ಕೂ ಗೆಳತನಕ್ಕೂ ಅಜ-ಗಜಾಂತರ ವ್ಯತ್ಯಾಸ ಮತ್ತು ಇತಿ ಮಿತಿಗಳಿರುತ್ತವೆ. ಗೆಳತನ ಅನ್ನುವುದರಲ್ಲಿ ಪರಿಶುದ್ಧತೆ ಇದ್ದರೆ ಪ್ರೇಮದಲ್ಲಿ ತನ್ನದು, ನನ್ನವಳು/ನನ್ನವನು ಎಂಬ ಸ್ವಾರ್ಥ ಇರುತ್ತದೆ.

ಪ್ರೀತಿ ಮುರಿದ ಮೇಲೆ ಗೆಳೆಯರಾದರೆ ಆ ಗೆಳತನದಲ್ಲಿ ನಿಷ್ಕಲ್ಮಶವಾಗಲಿ, ಸಂತೋಷವಾಗಲಿ ಇರುವುದಿಲ್ಲ, ಅಲ್ಲದೆ ಹಳೆ ನೆನಪುಗಳು ಮತ್ತೆ-ಮತ್ತೆ ಚುಚ್ಚುತ್ತಾ ಇರುತ್ತದೆ.

ಅದೇ, ದೂರ ಹೋದರೆ ಆ ಸಂಬಂಧಗಳು ಮನಸ್ಸಿನಿಂದ ಮರೆಯಾಗುವುದು, ಇಲ್ಲದಿದ್ದರೆ ಹಳೆ ಹೊಸ ಬದುಕಿನ ಸಂತೋಷವನ್ನು ಕಿತ್ತು ಕೊಳ್ಳುವುದು. ಹಳೆ ಸಂಬಂಧದ ಜೊತೆ ಗೆಳತನವಿದ್ದು ಮುಂದೆ ನಿಮ್ಮ ಬಾಳ ಸಂಗಾತಿಗೆ ನಿಮ್ಮ ಹಳೆಯ ಪ್ರೇಮದ ಬಗ್ಗೆ ಗೊತ್ತಾಗಿ 'ಈಗ ಬರೀ ಫ್ರೆಂಡ್ ಅಷ್ಟೆ' ಎಂದು ಹೇಳಿದರೂ ಬಾಳ ಸಂಗಾತಿಯಾದವರು ನಂಬಲು ತಯಾರಿರುವುದಿಲ್ಲ.

ಪರಸ್ಪರ ಹೊಂದಾಣಿಕೆಯಾಗದೆ ದೂರವಾದರೆ ಸುಲಭವಾಗಿ ದೂರ ಆಗುತ್ತಾರೆ. ಆದರೆ ಒಬ್ಬರನ್ನೊಬ್ಬರು ತುಂಬಾ ಇಷ್ಟ ಪಟ್ಟು ನಂತರ ಮನೆಯವರ ಕಾರಣಕ್ಕೆ ಅಥವಾ ಮತ್ಯಾವುದೊ ಕಾರಣಕ್ಕೆ ದೂರವಾಗುವ ಅನಿವಾರ್ಯ ಬಂದರೆ ಅಂತಹವರು ತಮ್ಮ ಸಂಬಂಧವನ್ನು ಮುರಿಯಲು ಬಯಸುವುದಿಲ್ಲ. ಈ ರೀತಿಯ ಅಗುಲುವಿಕೆ ತುಂಬಾ ನೋವು ತರುವುದಾದರೂ , ಅವರಿಗೆ ಹಿತವನ್ನು ಬಯಸಿ ದೂರ ಹೋಗುವುದೇ ಇಬ್ಬರ ಜೀವನಕ್ಕೂ ನೆಮ್ಮದಿಯನ್ನು ತರುವುದು.

ಗೆಳತನದ ಮುಖವಾಡದಲ್ಲಿ ಹಳೆಯ ನೆನಪಿನಿಂದ ನೋವನ್ನು ನುಂಗುವುದಕ್ಕಿಂತ, ದೂರ ಹೋಗಿ ನೋವನ್ನು ಮರೆಯುವುದರಿಂದ ಇಬ್ಬರೂ ಬಾಳಲ್ಲಿ ಸಂತೋಷವನ್ನು ಕಾಣಬಹುದು.