ಹೆಣ್ಣಿನ ಬಗ್ಗೆ ಪುರುಷರು ಕೇಳುವ ಪ್ರಶ್ನೆಗಳಿವು!

Published: Friday, March 9, 2012, 13:46 [IST]

ಗಂಡು-ಹೆಣ್ಣು ಶಾರೀರಿಕವಾಗಿ ಮಾತ್ರವಲ್ಲ ಆಲೋಚನೆ ಮತ್ತು ಭಾವನಾತ್ಮಕ ವಿಷಯಗಳಲ್ಲಿ ಕೂಡ ಸಂಪೂರ್ಣ ಭಿನ್ನವಾಗಿದ್ದಾರೆ. ಆದ್ದರಿಂದಲೆ ಸಾಕಷ್ಟು ಬಾರಿ ಪುರುಷರಿಗೆ ಹೆಣ್ಣನ್ನು ಅರ್ಥ ಮಾಡಿಕೊಳ್ಳಲು ಸಾಧ್ಯವಾಗುವುದಿಲ್ಲ.

ಆದ್ದರಿಂದಲೆ ಪುರುಷರು ಮೀನಿನ ಹೆಜ್ಜೆಯನ್ನು ಮತ್ತು ಹೆಣ್ಣಿನ ಮನಸ್ಸನ್ನು ಅರಿಯಲು ಸಾಧ್ಯವಿಲ್ಲವೆಂದು ಹೇಳುತ್ತಾರೆ. ಗಂಡು ಹೆಣ್ಣಿನ ನಡವಳಿಕೆಯನ್ನು ಅರ್ಥ ಮಾಡಿಕೊಳ್ಳಲು ವಿಫಲರಾದಾಗ ಕೇಳುವ ಪ್ರಶ್ನೆಗಳು ನೋಡಿ ಇಲ್ಲಿದೆ:

1. ಅವರು ನಾಟಕ ಏಕೆ ಆಡುತ್ತಾರೆ?
ಹೆಣ್ಣು ಸಣ್ಣ ವಿಷಯಕ್ಕೆ ಬೇಸರ ಮಾಡಿಕೊಂಡು ಕಣ್ಣೀರು ಸುರಿಸುವುದು ಸಹಜ. ಆದರೆ ಈ ರೀತಿ ಕಣ್ಣೀರನ್ನು ನಾಟಕ ಅನ್ನುತ್ತಾರೆ. ಕೆಲವೊಂದು ವಿಷಯಗಳನ್ನು ಹೇಳುವಾಗ ತುಂಬಾ ಎಮೋಷನಲ್ ಆಗುತ್ತಾರೆ. ಆದರೆ ಇದನ್ನು ಪುರುಷರು ಡ್ರಾಮ ಅನ್ನುತ್ತಾರೆ.

2. ವಿಷಯವನ್ನು ಸ್ಪಷ್ಟವಾಗಿ ಹೇಳುವುದಿಲ್ಲ ಏಕೆ?
ಹೆಣ್ಣು ಮಕ್ಕಳು ತಮ್ಮ ಅನಿಸಿಕೆ, ಭಾವನೆಗಳನ್ನು ಬಾಯಿ ಬಿಟ್ಟು ಹೇಳುವುದು ಕಡಿಮೆ. ಪ್ರತಿಯೊಂದು ಹೆಣ್ಣು ತನ್ನ ಭಾವನೆಗಳನ್ನು ಗಂಡು ಅರ್ಥೈಹಿಸಿಕೊಳ್ಳಲಿ ಎಂದು ಬಯಸುತ್ತಾಳೆ. ಆದರೆ ಗಂಡು ಎಲ್ಲವನ್ನು ಪ್ರಾಕ್ಟಿಕಲ್ ಆಗಿ ಯೋಚಿಸುತ್ತಾನೆ. ಹೆಣ್ಣಿಗೆ ಭಾವನ್ಮಾಕ ವಿಷಯಗಳನ್ನು ಪ್ರಾಕ್ಟಿಕಲ್ ಆಗಿ ನೋಡಲು ಇಷ್ಟವಿರುವುದಿಲ್ಲ.

3. ಹೆಣ್ಣು ಮಕ್ಕಳು ಬೇಗನೆ ಮದುವೆಯಾಗಲು ಬಯಸುವುದೇಕೆ?
ಇದು ಎಲ್ಲಾ ಪುರುಷರು ಕೇಳುವ ಪ್ರಶ್ನೆ. ಆದರೆ ನಿಜವಾದ ವಿಷಯವೆಂದರೆ ಅವಳು ಸುರಕ್ಷತೆಯನ್ನು ಬಯಸುತ್ತಾಳೆ. ಆದರೆ ಪುರುಷರಿಗೆ ಹೆಣ್ಣು ಮಕ್ಕಳಿಗಿಂತ ಅಧಿಕ ಜವಬ್ದಾರಿ ಇರುವುದರಿಂದ ನಿಧಾನವಾಗಿ ಮದುವೆಯಾಗುತ್ತಾರೆ.

4. ಹೆಣ್ಣು ಮಕ್ಕಳು ಹೊರಡಲು ತುಂಬಾ ಸಮಯ ತೆಗೆದುಕೊಳ್ಳುವುದೇಕೆ?
ಇದು ತುಂಬಾ ಪುರುಷರಿಗೆ ಅಸಮಧಾನವನ್ನು ತರುತ್ತದೆ. ಆದರೆ ಹೆಣ್ಣು ತಾನು ಅಕರ್ಷಕವಾಗಿ ಕಾಣಬೇಕೆಂದು ಬಯಸುತ್ತಾಳೆ. ಆದ್ದರಿಂದಲೆ ತನ್ನ ಡ್ರೆಸ್ಸಿಂಗ್ ಬಗ್ಗೆ ತುಂಬಾ ಎಚ್ಚರಿಕೆವಹಿಸುತ್ತಾಳೆ.

5. ಶಾಪಿಂಗ್ ನಲ್ಲಿ ಹೆಚ್ಚಿನ ಸಮಯ ತೆಗೆದುಕೊಳ್ಳುವುದು ಏಕೆ?
ಮಹಿಳೆಯರ ಜೊತೆ ಶಾಪಿಂಗ್ ಹೋಗಲು ಪುರುಷರು ಹಿಂದೆ-ಮುಂದೆ ನೋಡುತ್ತಾರೆ. ಅಂಗಡಿಯಲ್ಲಿರುವ ಅಷ್ಟೂ ಬಟ್ಟೆಗಳನ್ನು ಎಳೆದು ಹಾಕಿಸಿ ಇಷ್ಟವಾಗದಿದ್ದರೆ ಬೇರೆ ಅಂಗಡಿಗೆ ನಡೆಯುತ್ತಾರೆ. ಇವರ ಜೊತೆಗೆ ಹೋದ ಪುರುಷರಿಗೆ ಈ ರೀತಿಯ ನಡುವಳಿಕೆ ಕಿರಿಕಿರಿ ಉಂಟು ಮಾಡುತ್ತದೆ. ಆದರೆ ಹೆಣ್ಣು ಮಕ್ಕಳು ವಸ್ತುಗಳನ್ನು ಕೊಳ್ಳುವಾಗ ತಮ್ಮ ಮನಸ್ಸಿಗೆ ಇಷ್ಟವಾಗಿದ್ದರಷ್ಟೆ ಕೊಳ್ಳುತ್ತಾರೆ.