ಆಹಾರವನ್ನು ರುಚಿಕರವಾಗಿ ಫ್ರೈ ಮಾಡಲು ಸಲಹೆಗಳು

Tips

oi-Reena

By Hema S

Published: Wednesday, February 15, 2012, 18:02 [IST]

ಪಕೋಡ, ಪೂರಿಯಂತಹ ಪದಾರ್ಥಗಳನ್ನು ಎಣ್ಣೆಯಲ್ಲಿ ಫ್ರೈ ಮಾಡಿ ತಿನ್ನುತ್ತೇವೆ. ಹೀಗೆ ಫ್ರೈ ಮಾಡುವಾಗ ಕೆಲವೊಂದು ಸರಳ ವಿಧಾನ ಅನುಸರಿಸಿದರೆ ಅಡುಗೆ ಮತ್ತಷ್ಟು ರುಚಿಕರವಾಗಿರುತ್ತದೆ. ಈ ಕೆಳಗೆ ಕೆಲವೊಂದು ಪದಾರ್ಥಗಳನ್ನು ಫ್ರೈ ಮಾಡುವ ವಿಧಾನ ನೀಡಲಾಗಿದೆ.

ಫ್ರೈ ಮಾಡುವ ವಿಧಾನ:

* ಬಾಣಲೆಯಲ್ಲಿ ಎಣ್ಣೆಯನ್ನು ಚೆನ್ನಾಗಿ ಕುದಿಸಬೇಕು.

1. ಪಕೋಡ ಮಾಡುವಾಗ ಅದರ ಮಿಶ್ರಣಕ್ಕೆ 2 ಚಮಚ ಬಿಸಿ ಎಣ್ಣೆ ಮತ್ತು 1/2 ಚಮಚ ಅಡುಗೆ ಸೋಡಾ ಸೇರಿಸಿ.

2. ಮಸಾಲವನ್ನು ಅರೆಯುವಾಗ ಕೊಬ್ಬರಿಯನ್ನು ಬಳಸುವುದಾದರೆ ತುಂಬಾ ಹೊತ್ತು ಕೊಬ್ಬರಿಯನ್ನು ಹುರಿಯಬೇಡಿ.

3. ಟಿಕ್ಕಿ ಮಾಡುವಾಗ ಆಲೂಗೆಡ್ಡೆಯನ್ನು ಮೊದಲೇ ಬೇಯಿಸಿ ಸಿಪ್ಪೆ ತೆಗೆದು ತಣ್ಣಗಾಗಲು ಇಡಬೇಕು.

4. ಪೂರಿ ಹಿಟ್ಟನ್ನು ಪೂರಿ ಮಾಡುವ ಒಂದು ಗಂಟೆ ಮೊದಲು ಮಸ್ಲೀನ್ ಬಟ್ಟೆಯಲ್ಲಿ ಸುತ್ತಿಡುವುದು ಒಳ್ಳೆಯದು.

5. ಪೂರಿ ಮತ್ತಷ್ಟು ಮತ್ತು ಗರಿಗರಿಯಾಗಲು ಗೋಧಿ ಹಿಟ್ಟಿಗೆ ಸ್ವಲ್ಪ ಅಕ್ಕಿ ಹಿಟ್ಟು ಸೇರಿಸಿ.

6. ಪಕೋಡ ಹಿಟ್ಟಿಗೆ ಸ್ವಲ್ಪ ಜೋಳದ ಪುಡಿ ಸೇರಿಸಿದರೆ ಪಕೋಡ ಗರಿಗರಿಯಾಗಿರುತ್ತದೆ.

7. ಬಾಣಲೆಯಲ್ಲಿ ಕುದಿಯುತ್ತಿರುವ ಎಣ್ಣಗೆ ಸ್ವಲ್ಪ ಉಪ್ಪು ಹಾಕಿ ನಂತರ ಬೇಯಿಸಬೇಕಾದ ಪದಾರ್ಥ ಹಾಕಿದರೆ ಎಣ್ಣೆ ಅಷ್ಟಾಗಿ ಮೈ ಮೇಲೆ ಬೀಳುವುದಿಲ್ಲ.

8. ಮಾಂಸವನ್ನು ಫ್ರೈ ಮಾಡಲು ದೊಡ್ಡ ಬಾಣಲೆಯನ್ನು ಉಪಯೋಗಿಸಿ. ಇದರಿಂದ ಬೇಗನೆ ಫ್ರೈ ಮಾಡಬಹುದು.