ಸಂಕ್ರಾಂತಿ ಸ್ಪೆಷಲ್: ಎಳ್ಳು ಚಿಕ್ಕಿ ರೆಸಿಪಿ

Name: ಸಂಕ್ರಾಂತಿ ಸ್ಪೆಷಲ್: ಎಳ್ಳು ಚಿಕ್ಕಿ ರೆಸಿಪಿ
Prep time: 15 min
Cook time: 15 min
Total time: 30 min
Yield: 8

Posted By: Reena TK

| Updated: Tuesday, January 12, 2021, 10:05 [IST]

ಸಂಕ್ರಾಂತಿ ಹಬ್ಬವೆಂದ ಮೇಲೆ ಎಳ್ಳು-ಬೆಲ್ಲ ಇರಲೇಬೇಕು, ಈ ದಿನ ಎಳ್ಳು- ಬೆಲ್ಲ ಹಂಚಿ ಬಾಯಿ ಸಿಹಿ ಮಾಡಿ, ಒಳ್ಳೆಯ ಮಾತುಗಳನ್ನಾಡಬೇಕು ಎಂಬ ಮಾತಿದೆ.

ಈ ದಿನ ಎಳ್ಳು ದಾನ ಮಾಡಿದರೆ ಪುಣ್ಯ ಸಿಗುತ್ತದೆ ಎಂದು ಹೇಳಲಾಗುವುದು, ಅಲ್ಲದೆ ವೈಜ್ಞಾನಿಕ ದೃಷ್ಟಿಯಿಂದಲೂ ಸಂಕ್ರಾಂತಿಗೆ ಎಳ್ಳು ಸವಿಯುವುದಕ್ಕೆ ಒಂದು ಕಾರಣವಿದೆ. ಚಳಿಯಲ್ಲಿ ಎಳ್ಳು ಮೈಯನ್ನು ಬೆಚ್ಚಗೆ ಇಡುತ್ತದೆ ಎಂದು ಹೇಳಲಾಗುವುದು.

ನಾವಿಲ್ಲಿ ಸಂಕ್ರಾಂತಿ ಸ್ಪೆಷಲ್ ಆಗಿ ಎಳ್ಳು ಚಿಕ್ಕಿ ರೆಸಿಪಿ ನೀಡಿದ್ದೇವೆ. ನೀವು ಈ ಸಂಕ್ರಾಂತಿಗೆ ಎಳ್ಳು-ಬೆಲ್ಲದ ಜೊತೆ ಈ ಚಿಕ್ಕಿಯನ್ನೂ ಮಾಡಿ ಸವಿಯಿರಿ. ಇದನ್ನು ಮಾಡಿ ತಿಂಗಳವರೆಗೆ ಇಡಬಹುದು, ಆದ್ದರಿಂದ ಒಂದೊಂದು ಚಿಕ್ಕಿ ಪ್ರತಿದಿನ ತಿನ್ನಿ ಆರೋಗ್ಯಕ್ಕೂ ಒಳ್ಳೆಯದು.

til chikki recipe,ಎಳ್ಳು ಚಿಕ್ಕಿ ರೆಸಿಪಿ

Prep Time

15 Mins

Cook Time

15M

Total Time

30 Mins

Recipe By: Reena TK

Recipe Type: sweet

Serves: depends

Ingredients

ಬೇಕಾಗುವ ಸಾಮಗ್ರಿ

1 ಕಪ್ ಎಳ್ಳು

1 ಚಮಚ ತುಪ್ಪ

1 ಕಪ್ ಬೆಲ್ಲ / ಸಕ್ಕರೆ

How to Prepare

ಮಾಡುವ ವಿಧಾನ

* ಮೊದಲಿಗೆ ಪ್ಯಾನ್ ಬಿಸಿ ಮಾಡಿ ಅದರಲ್ಲಿ 1 ಕಪ್ ಎಳ್ಳು ಹಾಕಿ ಕಡಿಮೆ ಉರಿಯಲ್ಲಿ ಹುರಿಯಿರಿ. (ಎಳ್ಳು ತುಂಬಾ ಹುರಿ ಬೇಡಿ, ಕಹಿ ಟೇಸ್ಟ್ ಬರುತ್ತದೆ)

* ಈಗ ಮತ್ತೊಂದು ಪಾತ್ರೆಗೆ 1 ಚಮಚ ತುಪ್ಪ ಹಾಕಿ ನಂತರ 1 ಕಪ್ ಬೆಲ್ಲ ಹಾಕಿ.

* ಬೆಲ್ಲ ಚೆನ್ನಾಗಿ ಕರಗುವಷ್ಟು ಹೊತ್ತು ತಿರುಗಿಸುತ್ತಾ ಬಿಸಿ ಮಾಡಿ. ಬೆಲ್ಲ ಅಥವಾ ಸಕ್ಕರೆ ನಿಮ್ಮ ಆಯ್ಕೆಗೆ ಬಿಟ್ಟದ್ದು.

* ಬೆಲ್ಲದ ಪಾಕವನ್ನು ಕಡಿಮೆ ಉರಿಯಲ್ಲಿ ಕುದಿಸಿ, ನಂತರ ಹುರಿದ ಎಳ್ಳು ಹಾಕಿ ಮಿಶ್ರ ಮಾಡಿ. ತಕ್ಷಣವೇ ತುಪ್ಪ ಸವರಿದ ಸ್ಟೀಲ್‌ ಪ್ಲೇಟ್‌ಗೆ ಹಾಕಿ, ಸಮವಾಗಿ ಸ್ಪೂನ್‌ ಅಥವಾ ದೋಸೆ ತೆಗೆಯುವ ಸೌಟ್‌ನಿಂದ ತಟ್ಟಿ.

* ಸ್ವಲ್ಪ ಹೊತ್ತು ಹೊತ್ತು ಬಿಟ್ಟು ಬಿಸಿ-ಬಿಸಿ ಇರುವಾಗಲೇ ನಿಮಗೆ ಬೇಕಾದ ಶೇಪ್‌ಗೆ ಕತ್ತರಿಸಿ.

* ರೆಡಿಯಾದ ಎಳ್ಳು ಚಿಕ್ಕಿಯನ್ನು ನೀವು ತಿಂಗಳುಗಟ್ಟಲೆ ಇಡಬಹುದು.

Instructions