ತುಂಬಾ ರುಚಿಯಾಗಿರುತ್ತೆ ಕೋಕನೆಟ್ ರೋಲ್

ಪತಿಶಪ್ತ ಪ್ರಸಿದ್ಧವಾದ ಬೆಂಗಾಲಿ ಅಡುಗೆಯಾಗಿದೆ. ಇದನ್ನು ಕೋಕನೆಟ್ ರೋಲ್ ಎಂದು ಕೂಡ ಕರೆಯುತ್ತಾರೆ. ಅಕ್ಕಿ ಹಿಟ್ಟಿಗೆ ಬೆಲ್ಲದ ತುರಿ ಹಾಗೂ ತೆಂಗಿನ ಕಾಯಿ ಹಾಕಿ ತಯಾರಿಸುವ ಈ ಅಡುಗೆ ತಿನ್ನಲು ತುಂಬಾ ರುಚಿಕರವಾಗಿರುತ್ತದೆ.

ಈ ಪತಿಶಪ್ತ ಮಾಡಿದರೆ ಅದಕ್ಕೆ ಚಟ್ನಿ ಅಥವಾ ಸಾರು ಮಾಡಬೇಕಾಗಿಲ್ಲ, ಸಿಹಿಯಾದ ಈ ಪತಿಶಪ್ತವನ್ನು ಟೀ ಅಥವಾ ಹಾಲು ಜೊತೆ ಹಾಗೇ ಸವೆಯಬಹುದಾಗಿದ್ದು ಇದನ್ನು ಮಾಡುವ ರೆಸಿಪಿ ನೋಡಿ ಇಲ್ಲಿದೆ.

ಬೇಕಾಗುವ ಸಾಮಾಗ್ರಿಗಳು:
* ಅಕ್ಕಿ 3 ಕಪ್
* ತುರಿದ ಬೆಲ್ಲ 3/4 ಕಪ್
* ತೆಂಗಿನ ತುರಿ ಒಂದೂವರೆ ಕಪ್
* ಏಲಕ್ಕಿ ಪುಡಿ ಒಂದೂವರೆ ಚಮಚ
* ತುಪ್ಪ ಅರ್ಧ ಕಪ್

* ರುಚಿಗೆ ತಕ್ಕ ಉಪ್ಪು

ತಯಾರಿಸುವ ವಿಧಾನ:

* ಅಕ್ಕಿಯನ್ನು ಒಂದು ರಾತ್ರಿ ನೀರಿನಲ್ಲಿ ನೆನೆ ಹಾಕಬೇಕು. ನಂತರ ಅದನ್ನು ರುಚಿಗೆ ತಕ್ಕ ಉಪ್ಪು ಹಾಕಿ ನುಣ್ಣನೆ ಮಿಕ್ಸಿಯಲ್ಲಿ ಅರೆಯಬೇಕು (ಹಿಟ್ಟು ಗಟ್ಟಿಯಾಗಿರಬೇಕು).

* ಈಗ ಬೆಲ್ಲದ ಪಾನಕ ತಯಾರಿಸಿ ಅದರಲ್ಲಿ ತೆಂಗಿನ ತುರಿ ಹಾಗೂ ತೆಂಗಿನ ತುರಿ ಸೇರಿಸಬೇಕು. ನಂತರ ಚೆನ್ನಾಗಿ ತಿರುಗಿಸಬೇಕು. ಈಗ ಉರಿಯಿಂದ ತೆಗೆದ ತಣ್ಣಗಾಗಲು ಇಡಬೇಕು.

* ಈಗ ತವಾವನ್ನು ಬಿಸಿ ಮಾಡಿ ಗ್ಯಾಸ್ ಉರಿಯನ್ನು ಕಡಿಮೆ ಉರಿಯಲ್ಲಿಟ್ಟು ತವಾಕ್ಕೆ ತುಪ್ಪವನ್ನು ಹಾಕಿ ಅದಕ್ಕೆ ಹಿಟ್ಟನ್ನು ಹಾಕಬೇಕು. ದೋಸೆಯ ಮೇಲೆ ಬೆಲ್ಲ ಮತ್ತು ತೆಂಗಿನ ತುರಿ ಹಾಕಿ ನಂತರ ದೋಸೆಯನ್ನು ಮಡಚಿದರೆ ಸವೆಯಲು ರುಚಿಕರವಾದ ಪತಿಶಪ್ತ ರೆಡಿ.