ಸುಲಭವಾಗಿ ತಯಾರಿಸಬಹುದು ಬ್ರೆಡ್ ಜಾಮೂನು

ಬ್ರೆಡ್ ನಿಂದ ಉಪ್ಪಿಟ್ಟು, ಸ್ಯಾಂಡ್ ವಿಚ್, ಬ್ರೆಡ್ ಜಾಮ್ ಈ ರೀತಿಯ ಅಡುಗೆಗಳನ್ನು ಸಾಮಾನ್ಯವಾಗಿ ತಯಾರಿಸಲಾಗುವುದು. ಇವತ್ತು ಬ್ರೆಡ್ ನ ದಿನವಾಗಿರುವುದರಿಂದ ಬ್ರೆಡ್ ಜಾಮೂನು ಮಾಡುವ ವಿಧಾನದ ರೆಸಿಪಿ ನೀಡಲಾಗಿದೆ ನೋಡಿ.

ನವರಾತ್ರಿ ಹಬ್ಬಕ್ಕೆ ಸಿಹಿತಿಂಡಿಯಾಗಿ ಸುಲಭದಲ್ಲಿ ತಯಾರಿಸಬಹುದಾದ ಬ್ರೆಡ್ ಜಾಮೂನು ರೆಸಿಪಿ ಮಾಡಬಹುದು.

ಬೇಕಾಗುವ ಸಾಮಾಗ್ರಿಗಳು:
ಬ್ರೆಡ್ ತುಂಡುಗಳು 6-8
ಹಾಲು 1 ಕಪ್
ಸಕ್ಕರೆ 1 ಕಪ್
ಏಲಕ್ಕಿ 1 ಚಮಚ
ನೀರು ಅರ್ಧ ಕಪ್

ತಯಾರಿಸುವ ವಿಧಾನ

1. ಬ್ರೆಡ್ ಸುತ್ತವಿರುವ ಕಂದು ಬಣ್ಣವನ್ನು ತೆಗೆದು ಅದನ್ನು ಪುಡಿಪುಡಿ ಮಾಡಿ ಹಾಲಿನಲ್ಲಿ ಹಾಕಬೇಕು. ಬ್ರೆಡ್ ಮೆತ್ತಗಾಗಿ ಪೇಸ್ಟ್ ರೀತಿ ಆಗುತ್ತದೆ. ಈ ಮಿಶ್ರಣ ಗಟ್ಟಿಯಾಗಿರಬೇಕು. ನಂತರ ಅದರಿಂದ ಉಂಡೆ ಕಟ್ಟಬೇಕು.

2. ನಂತರ ಇದರಿಂದ ಚಿಕ್ಕ-ಚಿಕ್ಕ ಉಂಡೆಗಳನ್ನು ತಯಾರಿಸಬೇಕು.

3. ನಂತರ ಅದನ್ನು ಎಣ್ಣೆಯಲ್ಲಿ ಕಂದು ಬಣ್ಣ ಬರುವವರೆಗೆ ಹುರಿಯಬೇಕು.

4. ನಂತರ ಸಕ್ಕರೆ, ಏಲಕ್ಕಿ ಹಾಕಿ ಸಕ್ಕರೆ ಪಾಕ ತಯಾರಿಸಬೇಕು. ನಂತರ ಕರಿದ ಉಂಡೆಯನ್ನು ಸಕ್ಕರೆ ಪಾಕದಲ್ಲಿ ಹಾಕಿದರೆ ಬ್ರೆಡ್ ಜಾಮೂನು ರೆಡಿ.