ನವರಾತ್ರಿಗೆ ಸ್ಪೆಷೆಲ್ ಬಾದಾಮಿ ಪಾಯಸ

ನವರಾತ್ರಿಗೆ ಹೆಚ್ಚಿನ ಮನೆಗಳಲ್ಲಿ ವಿಶೇಷ ಅಡುಗೆಯಾಗಿ ಪಾಯಸ ಮಾಡಲಾಗುವುದು. ಶ್ಯಾವಿಗೆ ಪಾಯಸ, ಅಕ್ಕಿ ಪಾಯಸ, ಬೇಳೆ ಪಾಯಸ, ಹೆಸರು ಬೇಳೆಯ ಪಾಯಸ ಈ ರೀತಿಯ ಪಾಯಸ ಹೆಚ್ಚಾಗಿ ಮಾಡಲಾಗುವುದು.

ಈ ಬಾರಿಯ ನವರಾತ್ರಿಗೆ ವಿಶೇಷ ಪಾಯಸ ಮಾಡಬಯಸುವವರು ಬಾದಾಮಿ ಪಾಯಸ ಟ್ರೈ ಮಾಡಬಹುದು. ಮಾಡಲು ಸುಲಭವಾದ, ತಿನ್ನಲು ರುಚಿಕರವಾದ ಬಾದಾಮಿ ಪಾಯಸದ ರೆಸಿಪಿ ನೋಡಿ ಇಲ್ಲಿದೆ.

ಬೇಕಾಗುವ ಸಾಮಾಗ್ರಿಗಳು:

* 2 ಕಪ್ ಬಾದಾಮಿ (ಸಿಪ್ಪೆ ಸುಲಿದ ಬಾದಾಮಿ)
* 1/4 ಕಪ್ ಸಕ್ಕರೆ(ಸಿಹಿಗೆ ತಕ್ಕಷ್ಟು)
* ಹಾಲು 2 ಕಪ್
* 1/4 ಕಪ್ ತುಪ್ಪ
* 1 ಚಮಚ ಏಲಕ್ಕಿ
* ಸ್ವಲ್ಪ ಕೇಸರಿ
* ಸ್ವಲ್ಪ ಪುಡಿ ಮಾಡಿದ ಬಾದಾಮಿ

ತಯಾರಿಸುವ ವಿಧಾನ:

1. ಹಾಲನ್ನು ಕುದಿಸಿ ಇಡಬೇಕು.

2. ಸಿಪ್ಪೆ ಸುಲಿದ ಬಾದಾಮಿಗೆ ಸ್ವಲ್ಪ ಹಾಲು ಹಾಕಿ ನುಣ್ಣನೆ ರುಬ್ಬಬೇಕು.

3. ಈಗ ಬಾಣಲೆಗೆ ತುಪ್ಪ ಹಾಕಿ ಅದರಲ್ಲಿ ಬಾದಾಮಿ ಪೇಸ್ಟ್ ಹಾಕಿ ಆ ಪೇಸ್ಟ್ ಗಟ್ಟಿಯಾಗುವವರೆಗೆ ಸೌಟ್ ನಿಂದ ತಿರುಗಿಸುತ್ತಾ ಬೇಯಿಸಬೇಕು.

4. ನಂತರ ಉಳಿದ ಹಾಲನ್ನು ಈ ಮಿಶ್ರಣಕ್ಕೆ ನಿಧಾನವಾಗಿ ಸುರಿಯಬೇಕು. ಈಗ ಅದಕ್ಕೆ ಸಕ್ಕರೆ ಮತ್ತು ಏಲಕ್ಕಿ ಹಾಕಿ ಚೆನ್ನಾಗಿ ಕುದಿಸಬೇಕು.

5. ನಂತರ ಉರಿಯಿಂದ ತೆಗೆದು ಪುಡಿ ಮಾಡಿದ ಬಾದಾಮಿ ಹಾಗೂ ಕೇಸರಿಯಿಂದ ಅಲಂಕರಿಸಿದರೆ ಬಾದಾಮಿ ಪಾಯಸ ರೆಡಿ.

ನವರಾತ್ರಿಗೆ ಒಂಬತ್ತು ಬಗೆಯ ರೆಸಿಪಿ ತಿಳಿಯಲು ಮುಂದೆ ನೋಡಿ.