ಇದು ಸತ್ಯವಾಗಿಯೂ ಪುಳಿ, ಬದನೆಕಾಯಿಹುಳಿ!

ಹುಣಿಸೆ ಹಣ್ಣಿನ ನೀರಿನಲ್ಲಿ ತಯಾರಿಸುವ ಬದನೆ ಹುಳಿ ರುಚಿನೋಡಿ.. ಇಂಥ ಅಡುಗೆ ನಿಮಗೆ ಗೊತ್ತಿದ್ದರೆ ನಮಗೆ ಬರೆದು ತಿಳಿಸಿ..

ಬೇಕಾಗುವ ಪದಾರ್ಥ :

ಒಂದು ದೊಡ್ಡಗಾತ್ರದ ಬದನೆಕಾಯಿ
ಎರಡು ಟೊಮೆಟೊ
ಕಾಯಿತುರಿ ಒಂದು ಮುಷ್ಟಿ
ಹುಣಿಸೆಹಣ್ಣು ಹಿಡಿ
ಸಾರಿನಾ ಪುಡಿ

ತಯಾರಿಸುವ ವಿಧಾನ :

ಮೊದಲು ಒಗ್ಗರಣೆ ಮಾಡಿಕೊಳ್ಳಿ. ಅದಕ್ಕೆ ಹುಣಿಸೆಹಣ್ಣಿನ ನೀರು ಎರಡು ಲೋಟದಷ್ಟು ಬೆರೆಸಿ. ಉಪ್ಪು, ಅರಿಶಿನ ಹಾಕಿ. ಆನಂತರ ಬದನೆಕಾಯಿಯನ್ನು ಹಾಕಿ ಬೇಯಿಸಿರಿ. ಬದನೆ ಬೆಂದಮೇಲೆ ಟೊಮೆಟೊ ಹಾಕಿ ಮತ್ತಷ್ಟು ಹೊತ್ತು ಬೇಯಿಸಿ. ಈಗ ಒಂದು ಚಮಚೆ ಸಾರಿನ ಪುಡಿ ಹಾಕಿ ಪಾತ್ರೆಯನ್ನು ಕೆಳಗಿಳಿಸಿ. ಕೊನೆಯಲ್ಲಿ ಕಾಯಿ ತುರಿ ಚಿಮುಕಿಸಿ.

ಹುಳಿಹುಳಿ ರುಚಿ ಇಷ್ಟಪಡುವವರಿಗೆ ಇದು ಹೆಚ್ಚು ತೃಪ್ತಿ ಕೊಡುತ್ತದೆ. ಹುಳಿ ಬೇಗ ತಯಾರಾಗುತ್ತದೆ. ಅನ್ನಕ್ಕೆ ಜತೆಯಾಗುತ್ತದೆ.