ಮಕ್ಕಳ ಅಚ್ಚುಮೆಚ್ಚಿನ ಸ್ಟ್ರಾಬೆರಿ ಜಾಮ್ ನೀವೇ ಮಾಡಿ

Sweets

oi-Sumalatha

By Sumalatha

Published: Wednesday, December 7, 2011, 17:23 [IST]

ಮಕ್ಕಳಿಗೆ ಜಾಮ್ ಎಂದರೆ ತುಂಬಾ ಇಷ್ಟ. ಆದರೆ ಅಂಗಡಿಯಲ್ಲಿನ ಜಾಮ್ ಗಳಲ್ಲಿ ಪೆಕ್ಟಿನ್, ಕೃತಕ ಸ್ವಾದ ಮತ್ತು ಬಣ್ಣ ಬೆರೆಸಿರಲಾಗುತ್ತೆ. ಜಾಮನ್ನು ಹೆಚ್ಚು ಕಾಲ ಕೆಡದಂತಿರಲು ಅದರಲ್ಲಿ ಬೆರೆಸಿರುವ ಹೆಚ್ಚಿನ ಸಕ್ಕರೆ ಅಂಶ ಮಕ್ಕಳ ಆರೋಗ್ಯಕ್ಕಂತೂ ತುಂಬಾ ಕೆಟ್ಟದ್ದು. ಆದ್ದರಿಂದ ಮನೆಯಲ್ಲೇ ಆರೋಗ್ಯಕರವಾಗಿ ಸ್ಟ್ರಾಬೆರಿ ಜಾಮ್ ತಯಾರಿಸುವುದು ಹೇಗೆ ಎಂದು ಇಲ್ಲಿ ತಿಳಿದುಕೊಳ್ಳಿ.

ಸ್ಟ್ರಾಬೆರಿ ಜ್ಯಾಮ್ ಉಪಯೋಗ: ಸ್ಟ್ರಾಬೆರಿ ಜಾಮ್ ನಿಂದ ವಿಟಮಿನ್, ಪೊಟಾಶಿಯಂ, ಕ್ಯಾಲ್ಸಿಯಂ ಮತ್ತು ಫಾಸ್ಪರಸ್ ಸಿಗುತ್ತದೆ. ಇದು ರಕ್ತವನ್ನು ಶುದ್ಧೀಕರಣಗೊಳಿಸಿ ಒಸಡನ್ನೂ ಗಟ್ಟಿಗೊಳಿಸುತ್ತೆ.

ಸ್ಟ್ರಾಬೆರಿ ಜಾಮ್ ಗೆ ಏನೇನು ಬೇಕು?
* 2 ಪೌಂಡ್ ತಾಜಾ ಸ್ಟ್ರಾಬೆರಿ (ಸಿಪ್ಪೆ ಸುಲಿದಿರಬೇಕು)
* 4 ಕಪ್ ಸಕ್ಕರೆ ಪುಡಿ
* 1/4 ಕಪ್ ನಿಂಬೆರಸ
* ಸ್ವಲ್ಪ ಉಪ್ಪು

ಸ್ಟ್ರಾಬೆರಿ ಜಾಮ್ ತಯಾರಿಸುವ ವಿಧಾನ:

* ಮಿಕ್ಸಿ ಜಾರಿನಲ್ಲಿ ಸ್ಟ್ರಾಬೆರಿಯನ್ನು ರುಬ್ಬಿಕೊಳ್ಳಬೇಕು. (ಕೈನಲ್ಲಿಯೇ ಕಿವುಚಬಹುದು).

* ತಳಗಟ್ಟಿಯಿರುವ ಬಾಣಲೆಯಲ್ಲಿ ಸ್ಟ್ರಾಬೆರಿ, ಸಕ್ಕರೆ ಮತ್ತು ನಿಂಬೆರಸ ಮಿಶ್ರಣ ಸ್ವಲ್ಪ ಗಟ್ಟಿಯಾಗುವವರೆಗೂ ಬೇಯಿಸಬೇಕು. ನಂತರ ಉರಿಯನ್ನು ಆರಿಸಬೇಕು.

* ಗಾಳಿಯಾಡದ ಗಟ್ಟಿ ಮುಚ್ಚುಳವಿರುವ ಗಾಜಿನ ಡಬ್ಬಕ್ಕೆ ಮಿಶ್ರಣವನ್ನು ಹಾಕಬೇಕು.

* 10 ನಿಮಿಷ ಈ ಡಬ್ಬವನ್ನು ಫ್ರಿಡ್ಜ್ ನಲ್ಲಿಟ್ಟರೆ ರುಚಿಕರ ಸ್ಟ್ರಾಬೆರಿ ಜಾಮ್ ತಿನ್ನಲು ಸಿದ್ಧವಾಗಿರುತ್ತೆ.

ಬ್ರೆಡ್, ಚಪಾತಿ ಅಥವಾ ರೋಟಿಗೆ ಇದು ಬೆಸ್ಟ್ ಕಾಂಬಿನೇಶನ್. ಮಕ್ಕಳಂತೂ ಇದನ್ನು ತುಂಬಾ ಇಷ್ಟಪಟ್ಟು ತಿನ್ನುತ್ತಾರೆ.