ಬಾಯಲ್ಲಿ ನೀರೂರಿಸುವ ಚಾಕಲೇಟ್ ಬರ್ಫಿ

Sweets

oi-Reena

By Hema S

Published: Monday, November 7, 2011, 12:08 [IST]

ಸಿಹಿ ಅಂದರೆ ಮಕ್ಕಳಿ ಮಕ್ಕಳಿಗೆ ಪಂಚಪ್ರಾಣ ಅದರಲ್ಲೂ ಚಾಕಲೇಟ್ ಫ್ಲೇವರ್ ಇದ್ದರಂತು ಮಕ್ಕಳು ತುಂಬಾನೆ ಇಷ್ಟಪಟ್ಟು ತಿನ್ನುತ್ತಾರೆ. ಬೆಲ್ಲ ಅಥವಾ ಜೇನು ಹಾಕಿ ಮಾಡುವ ಚಾಕಲೇಟ್ ಬರ್ಫಿ ತುಂಬಾ ರುಚಿಕರವಾಗಿದ್ದು ಮಾಡುವ ವಿಧಾನ ನೋಡಿ ಇಲ್ಲಿದೆ.
ಬೇಕಾಗುವ ಸಾಮಾಗ್ರಿಗಳು:

1. ಕೋಕಾ ಪುಡಿ 250 ಗ್ರಾಂ
2. ಬೆಲ್ಲದ ಪುಡಿ 1 ಕಪ್
3. ತುಪ್ಪ 3-4 ದೊಡ್ಡ ಚಮಚದಲ್ಲಿ
4. ಉಪ್ಪಿಟ್ಟು ರವೆ 1 ಚಮಚ
5. ಕುದಿಸಿ ಗಟ್ಟಿ ಮಾಡಿದ ಹಾಲು 1/2 ಕಪ್
6. ತೆಂಗಿನ ತುರಿ 1 ಕಪ್
7. 1/2 ಕಪ್ ಗೋಡಂಬಿ ಮತ್ತು ಬದಾಮಿ
8. ಏಲಕ್ಕಿ 2

ಮಾಡುವ ವಿಧಾನ:

1. ಹಾಲಿನಲ್ಲಿ ಕೋಕಾ ಪುಡಿಯನ್ನು ಹಾಕಿ ಬೆರೆಸಬೇಕು.

2. ಈಗ ಬಾಣಲೆಗೆ ಹಾಲು ಮತ್ತು ಕೋಕಾಗ ಪುಡಿಯ ಮಿಶ್ರಣ, ರವೆ, ತೆಂಗಿನ ತುರಿ, ಬೆಲ್ಲ, ಏಲಕ್ಕಿ, ತುಪ್ಪ ಹಾಕಿ ಮಿಶ್ರಣ ಗಟ್ಟಿಯಾಗುವರೆಗೆ ಬೇಯಿಸಬೇಕು, ಈ ಮಿಶ್ರಣವನ್ನು ಆಗಾಗ ತಿರುಗಿಸುತ್ತಾ ಇರಬೇಕು.

3. ನಂತರ ಈ ಮಿಶ್ರಣವನ್ನು ಒಂದು ಪ್ಲೇಟ್ ಗೆ ಸುರಿದು ಅದರ ಮೇಲೆ ಗೋಡಂಬಿ ಮತ್ತು ಬಾದಾಮಿ ಹಾಕಿ ಆರಲು ಬಿಡಬೇಕು.

ನಂತರ ಅದನ್ನು ಬೇಕಾದ ಆಕಾರದಲ್ಲಿ ಕತ್ತರಿಸಿದರೆ ಚಾಕಲೇಟ್ ಬರ್ಫಿ ರೆಡಿ.