ಮಾಡಲು ಸುಲಭ ಈ ಎಗ್ ಲೆಸ್ ಕೇಕ್ !

Sweets

oi-Reena

By Hema S

Published: Monday, October 24, 2011, 10:48 [IST]

ಕೇಕ್ ಮಾಡುವಾಗ ಮೊಟ್ಟೆ ಹಾಕದಿದ್ದರೆ ಮೃದು ಮತ್ತು ಅಷ್ಟು ರುಚಿ ಇರುವುದಿಲ್ಲ, ಆದರೆ ಇಲ್ಲಿ ಕೊಟ್ಟಿರುವ ಕೇಕ್ ಮಾಡಲು ಮೊಟ್ಟೆ ಹಾಕಬೇಕಾಗಿಲ್ಲ ಅಲ್ಲದೆ ಬೇಕರಿಯಲ್ಲಿ ಸಿಗುವ ಕೇಕ್ ಹಾಗೆ ರುಚಿಕರವಾಗಿರುತ್ತದೆ. ಈ ಕೇಕ್ ಮಾಡುವ ವಿಧಾನ ಕೂಡ ಸುಲಭವಾಗಿದ್ದು ಮನೆಯಲ್ಲೆಯೆ ತಯಾರಿಸಬಹುದಾಗಿದೆ.

ಬೇಕಾಗುವ ಸಾಮಗ್ರಿಗಳು:

1. ಮೈದಾ 2 ಕಪ್
2. ಒಂದು ಚಿಟುಕಿನಷ್ಟು ಅಡುಗೆ ಸೋಡಾ
3. ಮೊಸರು 1/2 ಕಪ್
4. ಜೇನು 1/4 ಕಪ್
5. ಸಕ್ಕರೆ ಪುಡಿ 1/2 ಕಪ್
6. ಕರಗಿರುವ ತುಪ್ಪ 1/2 ಕಪ್
7. ಸಿಹಿಯಿಲ್ಲದ ಕೋಕಾ ಪುಡಿ 2 ಚಮಚ

ಮಾಡುವ ವಿಧಾನ:

1. 175 ಡಿಗ್ರಿ ಸೆಲ್ಸಿಯಸ್ ಉಷ್ಣತೆಯಲ್ಲಿ ಮೈಕ್ರೋವೇವ್ ಬಿಸಿಮಾಡಬೇಕು.

2. ಕೇಕ್ ಮಾಡುವ ಬಾಲೆಯನ್ನು ತೆಗೆದು ಒರೆಸಿ ಅದಕ್ಕೆ ತುಪ್ಪ ಸವರಬೇಕು.

3. ಒಂದು ಪಾತ್ರೆಯಲ್ಲಿ ಮೈದಾ, ಅಡುಗೆ ಸೋಡಾ, ಜೇನು ಮತ್ತು ತುಪ್ಪ ಹಾಕಿ ಬೆರೆಸ ಬೇಕು.

4. ಮತ್ತೊಂದು ಪಾತ್ರೆಯಲ್ಲಿ ಮೊಸರು, ಕೋಕಾ ಪುಡಿ, ಸಕ್ಕರೆ ಹಾಕಿ ಚೆನ್ನಾಗಿ ಕಲೆಸಬೇಕು.

5. ನಂತರ ಈ ಎರಡು ಪಾತ್ರೆಯ ಮಿಶ್ರಣವನ್ನು ಒಂದು ಪಾತ್ರೆಯಲ್ಲಿ ಬೆರೆಸಿ ನಂತರ ಅದನ್ನು ಕೇಕ್ ಬಾಣಲೆಗೆ ಹಾಕ ಬೇಕು.

6. ಆ ಮಿಶ್ರಣ ಸೆಟ್ ಆಗುವರೆಗೂ ಕಾಯಬೇಕು.

7. ನಂತರ ಕೇಕ್ ಅನ್ನು 6 ನಿಮಿಷ ಬೇಯಿಸಿ ತಣ್ಣಗಾಗಲು ಬಿಡಬೇಕು.

8. ನಂತರ ಫ್ರಿಜ್ ನಲ್ಲಿ ಅರ್ಧ ಗಂಟೆ ಕಾಲ ಇಡಬೇಕು.

9. ಬಾಣಲೆಯಲ್ಲಿ ನೀರನ್ನು ಹಾಕಿ ಅದರಲ್ಲಿ ಬ್ರಾಸಿಲ್ ಬೌಲ್ ಇಟ್ಟು ಅದರಲ್ಲಿ ಕ್ಯಾಡ್ ಬರಿ ಬಾಕಲೇಟ್ ಹಾಕಿ ಕರಗಿಸ ಬೇಕು.

10. ಕರಗಿದ ಚಾಕಲೇಟ್ ಗೆ ಒಂದು ಚಮಚ ಹಾಲು ಹಾಕಿ ಬೆರೆಸಬೇಕು.

11. ಅದನ್ನು ತಣ್ಣನೆಯ ಕೇಕ್ ಮೇಲೆ ಸುರಿದು ಅದಕ್ಕೆ ಬಾದಾಮಿ ಮತ್ತು ಗೋಡಂಬಿಯಿಂದ ಅಲಂಕರಿಸಿದರೆ ಎಗ್ ಲೆಸ್ ಕೇಕ್ ರೆಡಿ.