ನವರಾತ್ರಿಗೆ ಹಲಸಿನ ಹಣ್ಣಿನ ಪಾಯಸ

Sweets

oi-Reena

By Hema S

Published: Tuesday, September 27, 2011, 15:55 [IST]

ನವರಾತ್ರಿ ಬಂತು ಅಂದರೆ ಸಾಕು ರುಚಿರುಚಿಯಾದ ಆಹಾರಗಳಿಂದ ಅಡುಗೆ ಮನೆಯು ಘಮ್ಮೆನ್ನುತ್ತಿರುತ್ತದೆ. ಬೇರೆ-ಬೇರೆ ರೀತಿಯ ಪಾಯಸ ನಿಮಗೆ ಗೊತ್ತು ಆದರೆ ಹಲಸಿನ ಹಣ್ಣಿನ ಪಾಯಸದ ರುಚಿ ನಿಮಗೆ ತಿಳಿದಿದೆಯೆ ?

ಈ ನವರಾತ್ರಿಗೆ ದಕ್ಷಿಣ ಭಾರತದಲ್ಲಿ ಅದರಲ್ಲೂ ಕರ್ನಾಟಕದಲ್ಲಿ ಹೆಚ್ಚಾಗಿ ಸಿಗುವ ಹಲಸಿನ ಹಣ್ಣಿನಿಂದ ಪಾಯಸ ಮಾಡಿ ಅದರ ರುಚಿಯನ್ನು ಸವಿಯಿರಿ.

ಬೇಕಾಗುವ ಸಾಮಾಗ್ರಿಗಳು

1.ಹಲಸಿನ ಹಣ್ಣಿನ ರಸ 1 ಕಪ್
2. ಬೆಲ್ಲ 1 ಕಪ್ ಅಥವಾ ಅದಕ್ಕಿಂತ ಸ್ವಲ್ಪ ಹೆಚ್ಚು
3. ತೆಂಗಿನ ಕಾಯಿ ಹಾಲು 1 ಕಪ್
4. ಒಂದು ಚೂರು ಏಲಕ್ಕಿ
5. ಸ್ವಲ್ಪ ಉಪ್ಪು
6. 2-3 ಚಮಚ ಅಕ್ಕಿ ಹಿಟ್ಟು
7. 8-10 ಗೇರು ಬೀಜ
8. 10-12 ಒಣ ದ್ರಾಕ್ಷಿ

ಮಾಡುವ ವಿಧಾನ:

1.ಒಂದು ಪಾತ್ರೆಗೆ ಪುಡಿ ಮಾಡಿದ ಬೆಲ್ಲವನ್ನು ಹಾಕಿ ಅದಕ್ಕೆ ಸ್ವಲ್ಪ ನೀರು ಸೇರಿಸಿ ಕುದಿಸಿ. ಈಗ ಬೆಲ್ಲದ ಪಾನಕ ರೆಡಿ.
2. ಬೆಲ್ಲದ ಪಾನಕಕ್ಕೆ ತೆಂಗಿನ ಕಾಯಿ ಹಾಲು ಹಾಕಿ ತಿರುಗಿಸಿ.
3. ಒಂದು ಚಮಚ ತುಪ್ಪ ಹಾಕಿ ಹಲಸಿನ ಹಣ್ಣನ್ನು ಅದರ ಬಣ್ಣ ಬದಲಾಗುವರೆಗೆ ಹುರಿಯಿರಿ
4. ಹಲಸಿನ ರಸವನ್ನು ಬೆಲ್ಲ ಹಾಗೂ ತೆಂಗಿನ ಕಾಯಿ ಮಿಶ್ರಣಕ್ಕೆ ಸುರಿದು ಚೆನ್ನಾಗಿ ತಿರುಗಿಸಿ. ಗಟ್ಟಿ ಪಾಯಾಸ ಬೇಕಾದರೆ ಸ್ವಲ್ಪ ಅಕ್ಕಿ ಪುಡಿ ಸೇರಿಸಿ.
5.ಅದರ ಮೇಲೆ ಗೋಡಂಬಿ ಹಾಗೂ ಒಣದ್ರಾಕ್ಷಿಯನ್ನು ಹಾಕಿ. ರುಚಿರುಚಿಯಾದ ಹಲಸಿನ ಹಣ್ಣಿನ ಪಾಯಸ ನವರಾತ್ರಿಯ ಹಬ್ಬದ ಊಟಕ್ಕೆ ರೆಡಿ.