ಕ್ಯಾರೆಟ್ ಖೀರ್ ಘಮಲು ಮನೆಯಲ್ಲಿ ಹರಡಲಿ

Sweets

oi-Staff

By Super

Published: Wednesday, January 18, 2012, 14:17 [IST]

ಕ್ಯಾರೆಟ್ ತಿಂದರೆ ದೇಹಕ್ಕೂ ತಂಪು, ಕಣ್ಣಿಗೂ ಹಿತ. ಕ್ಯಾರೆಟ್ ನಿಂದ ಹಲ್ವಾ ಮಾತ್ರವಲ್ಲ, ಖೀರ್ ಕೂಡ ತಯಾರಿಸಬಹುದು. ದೇಹಕ್ಕೆ ಮತ್ತು ಕಣ್ಣಿಗೆ ಅಗತ್ಯವಿರುವ ವಿಟಮಿನ್ ಹೇರಳವಾಗಿರುವ ಕ್ಯಾರೆಟ್ ಉಪಯೋಗಿಸಿಕೊಂಡು ಅತಿ ಸುಲಭವಾಗಿ ಖೀರ್ ತಯಾರಿಸುವುದು ಹೇಗೆ ಎಂದು ತಿಳಿದುಕೊಳ್ಳಿ.

ಕ್ಯಾರೆಟ್ ಖೀರ್ ಗೆ ಏನೇನು ಬೇಕು?
* 2 ಕ್ಯಾರೆಟ್
* 1 ಕಪ್ ಬಾದಾಮಿ (ನೆನೆಸಿದ್ದು)
* ರುಚಿಗೆ ತಕ್ಕಷ್ಟು ಸಕ್ಕರೆ
* ಸ್ವಲ್ಪ ಏಲಕ್ಕಿ
* 1 ಕಪ್ ಕುದಿಸಿ ಗಟ್ಟಿಗೊಳಿಸಿದ ಹಾಲು
* 1 ಕಪ್ ಹಾಲು

ಕ್ಯಾರೆಟ್ ಖೀರ್ ಮಾಡೋದು ಹೀಗೆ...
ಮೊದಲು ಕ್ಯಾರೆಟ್, ಬಾದಾಮಿಯನ್ನು ಸಕ್ಕರೆ ಮತ್ತು ಹಾಲು ಬೆರೆಸಿ ರುಬ್ಬಿಕೊಳ್ಳಬೇಕು. ಇದನ್ನು ಒಂದು ಪಾತ್ರೆಗೆ ಹಾಕಿ ಅದು ಸ್ವಲ್ಪ ಗಟ್ಟಿಯಾಗುವವರೆಗೂ ಸಣ್ಣ ಉರಿಯಲ್ಲಿ ಚೆನ್ನಾಗಿ ಕಾಯಿಸಬೇಕು. ನಂತರ ಇದಕ್ಕೆ ಗಟ್ಟಿಗೊಳಿಸಿದ ಹಾಲು, ಏಲಕ್ಕಿ ಹಾಕಿ ಚೆನ್ನಾಗಿ ತಿರುಗಿಸಬೇಕು.

ಈಗ ಕ್ಯಾರೆಟ್ ಖೀರ್ ಸವಿಯಲು ಸಿದ್ಧವಾಗಿದೆ. ಕ್ಯಾರೆಟ್ ಖೀರನ್ನು ಮಕ್ಕಳಿಗೆ ಕೊಟ್ಟರೆ ಬಾಯಿ ಚಪ್ಪರಿಸಿಕೊಂಡು ಸವಿಯುವುದು ಗ್ಯಾರಂಟಿ.