ಹಲ್ವಾಗಿಂತಾ ಹೆಚ್ಚು ರುಚಿ ಈ ಸ್ಪೆಷಲ್ ಕ್ಯಾರೆಟ್ ಸ್ವೀಟ್

Sweets

oi-Sumalatha N

By Sumalatha N

Published: Wednesday, September 7, 2011, 15:02 [IST]

ಕ್ಯಾರೆಟ್ ಎಂದರೆ ಮಕ್ಕಳಿಗೆ ತುಂಬಾ ಇಷ್ಟ. ಅದರಲ್ಲೂ ಸಿಹಿ ಎಂದರೆ ಇನ್ನೂ ಇಷ್ಟಪಟ್ಟು ತಿನ್ನತ್ತಾರೆ. ವಿಟಮಿನ್ ಪೂರಿತವಾಗಿರುವ ಈ ಕ್ಯಾರೆಟ್ ತಿಂದರೆ ಕಣ್ಣಿಗೂ ಹಿತ. ಆದ್ದರಿಂದ ಕ್ಯಾರೆಟ್ ಹಲ್ವಾಗಿಂತ ಹೆಚ್ಚು ರುಚಿ ಎನಿಸುವ ಈ ಕ್ಯಾರೆಟ್ ಸ್ಪೆಷಲ್ ಸ್ವೀಟ್ ಮಾಡುವುದನ್ನು ನೀವೂ ಕಲಿತು ತಯಾರಿಸಬಹುದು.

ಕ್ಯಾರೆಟ್ ಸ್ವೀಟ್ ಗೆ ಏನೇನು ಬೇಕು?
* 1/2 ಕಪ್ ಚಿರೋಟಿ ರವೆ
* 1/2 ಕಪ್ ಕ್ಯಾರೆಟ್ ತುರಿ
* 1/2 ಕಪ್ ಸಕ್ಕರೆ
* 1/2 ಕಪ್ ಒಣಕೊಬ್ಬರಿ
* 1 ಚಮಚ ಏಲಕ್ಕಿ ಪುಡಿ
* 5-6 ಗೋಡಂಬಿ, ಒಣದ್ರಾಕ್ಷಿ
* 2 ಚಮಚ ತುಪ್ಪ

ಕ್ಯಾರೆಟ್ ಸ್ವೀಟ್ ತಯಾರಿಸುವುದು ಹೇಗೆ?
ಅಗಲವಾದ ಬಾಣಲೆಗೆ ತುಪ್ಪ ಹಾಕಿ ಕಾಯಿಸಿ ಅದಕ್ಕೆ ಚಿರೋಟಿ ರೆವೆ ಹಾಕಿ ಹುರಿದುಕೊಳ್ಳಬೇಕು. ರವೆಯನ್ನು ತಟ್ಟೆಗೆ ಸುರಿದುಕೊಂಡು ಬಾಣಲೆಯಲ್ಲಿ ಕ್ಯಾರೆಟ್ ತುರಿ ಹಾಕಿ ಅದರಲ್ಲಿನ ನೀರಿನಂಶ ಕರಗುವವರೆಗೂ ಹುರಿದುಕೊಳ್ಳಬೇಕು. ಆದರೆ ಸೀದು ಹೋಗದಂತೆ ಎಚ್ಚರವಹಿಸಿ. ನಂತರ ಸಕ್ಕರೆ ಹಾಕಿ ತಿರುಗಿಸಬೇಕು.

ಸಕ್ಕರೆ ಕರಗಿದ ನಂತರ ಹುರಿದಿಟ್ಟ ಚಿರೋಟಿ ರೆವೆ, ಒಣಕೊಬ್ಬರಿ, ಏಲಕ್ಕಿ ಪುಡಿಯನ್ನು ಇದಕ್ಕೆ ಬೆರೆಸಬೇಕು. ಮತ್ತೊಂದೆಡೆ ಚಿಕ್ಕ ಬಾಣಲೆಗೆ ಸ್ವಲ್ಪ ತುಪ್ಪ ಹಾಕಿ ಕಾಯಿಸಿ ಅದರಲ್ಲಿ ಗೋಡಂಬಿ ಮತ್ತು ದ್ರಾಕ್ಷಿ ಹುರಿದುಕೊಂಡು ಎಲ್ಲವನ್ನೂ ಮಿಶ್ರಣ ಮಾಡಿ ಚೆನ್ನಾಗಿ ಕದಡಿಸಬೇಕು.

ಇದನ್ನು ಕೆಳಗಿಳಿಸಿ ಬಿಸಿ ಇರುವಾಗಲೆ ಉಂಡೆ ಕಟ್ಟಬೇಕು. ಈಗ ಕ್ಯಾರೆಟ್ ಸ್ಪೆಷಲ್ ಸ್ವೀಟ್ ಸವಿಯಲು ಸಿದ್ಧ. ಮಕ್ಕಳಂತೂ ಇದನ್ನು ಬಾಯಿ ಚಪ್ಪರಿಸಿಕೊಂಡು ತಿನ್ನುತ್ತಾರೆ.