ಹಬ್ಬಕ್ಕೆ ಸ್ಪೆಷಲ್ ಫ್ರೂಟ್ ಖೀರ್ ಕಮಾಲ್

ವಿವಿಧ ಹಣ್ಣುಗಳಿಂದ ತಯಾರಿಸಲಾಗುವ ಫ್ರೂಟ್ ಖೀರ್ ಮಾಡುವುದು ಹೇಗೆ ಎಂದು ತಿಳಿದುಕೊಳ್ಳಿ. ಹಬ್ಬದ ನಂತರವೂ ಹಣ್ಣುಗಳು ಉಳಿಯುವುದರಿಂದ ಇದನ್ನು ಸುಲಭವಾಗಿ ಮಾಡಿ ತಿನ್ನಬಹುದು.

ಫ್ರೂಟ್ ಖೀರ್ ಗೆ ಬೇಕಾಗುವ ಪದಾರ್ಥಗಳು:
* ಹಣ್ಣುಗಳು (ಸೇಬು, ದ್ರಾಕ್ಷಿ, ದಾಳಿಂಬೆ, ಅನಾನಸ್)
* ಚಿಕ್ಕದಾಗಿ ಕತ್ತರಿಸಿದ ಗೋಡಂಬಿ, ಪಿಸ್ತ, ಬಾದಾಮಿ
* 1 ಲೀಟರ್ ಹಾಲು
* 1/2 ಕಪ್ ಸಕ್ಕರೆ
* 1/4 ಚಮಚ ಏಲಕ್ಕಿ ಪುಡಿ

ಫ್ರೂಟ್ ಖೀರ್ ತಯಾರಿಸುವುದು ಹೇಗೆ?
1. ಮೊದಲು ಹಾಲನ್ನು ಚೆನ್ನಾಗಿ ಗಟ್ಟಿಯಾಗುವ ತನಕ ಕುದಿಸಬೇಕು. ಅದಕ್ಕೆ ಕತ್ತರಿಸಿಟ್ಟುಕೊಂಡ ಹಣ್ಣನ್ನು ಬೆರೆಸಿ ಕೆಲವು ನಿಮಿಷ ಬಿಸಿ ಮಾಡಬೇಕು.
2. ಸಕ್ಕರೆ ಬೆರೆಸಿ ಚೆನ್ನಾಗಿ ಕದಡಬೇಕು.
3. ನಂತರ ಇದಕ್ಕೆ ಬಾದಾಮಿ, ಗೋಡಂಬಿ ಮತ್ತು ಪಿಸ್ತಾ ಹಾಕಿ, ಏಲಕ್ಕಿ ಪುಡಿ ಬೆರೆಸಬೇಕು.
4. ಇದನ್ನು 2 ಗಂಟೆ ಫ್ರಿಡ್ಜ್ ನಲ್ಲಿಟ್ಟು ನಂತರ ತಿನ್ನಬಹುದು.