ಬಿಸಿಲಿನ ಬೇಗೆ ನೀಗಿಸಲು ಟೂಟಿ ಫ್ರೂಟಿ ಕುಲ್ಫಿ

ಹಿರಿ-ಕಿರಿಯರು ಎಂಬ ಭೇದಭಾವವಿಲ್ಲದೆ ಎಲ್ಲರ ಬಾಯಲ್ಲೂ ನೀರೂರಿಸುವ 'ಟೂಟಿ ಫ್ರೂಟಿ ಕುಲ್ಫಿ' ಮಾಡುವುದು ಹೇಗೆಂದು ತಿಳಿದುಕೊಳ್ಳೋಣ.

ಇವಿಷ್ಟನ್ನು ಹೊಂದಿಸಿಕೊಳ್ಳಿ:
ಹಾಲು: 1 ಲೀಟರ್
ಸಕ್ಕರೆ: 100 ಗ್ರಾಂ.
ಟೂಟಿ ಫ್ರೂಟಿ: 2 ಟೇಬಲ್ ಚಮಚ (ಬೇಕರಿಯಲ್ಲಿ ಸಿಗುತ್ತದೆ)

ತಯಾರಿ ತುಂಬಾ ಸುಲಭ:

ದಪ್ಪತಳದ ಅಗಲವಾದ ಪಾತ್ರೆಯಲ್ಲಿ ಹಾಲನ್ನು ಹಾಕಿ ಸಣ್ಣ ಉರಿಯಲ್ಲಿ ಕಾಯಿಸಿ. ಹಾಲು ಚೆನ್ನಾಗಿ ಕಾದ ನಂತರ ಸಕ್ಕರೆಯನ್ನು ಹಾಕಿ. ಹತ್ತು ನಿಮಿಷಗಳ ನಂತರ ಕೆಳಗಿಳಿಸಿ. ಹಾಲು ತಣ್ಣಗಾದ ನಂತರ ಟೂಟಿ ಫ್ರೂಟಿಯನ್ನು ಸೇರಿಸಬೇಕು. ಈ ಮಿಶ್ರಣವನ್ನು ಕುಲ್ಫಿ ಅಚ್ಚು ಅಥವಾ ಲೋಟದಲ್ಲಿ ಹಾಕಿ ಡೀಪ್ ಪ್ರೀಜರ್‌ನಲ್ಲಿ ಇಡಬೇಕು.

ಮಂಜುಗಡ್ಡೆ ತರಹ ಗಟ್ಟಿಯಾದ ನಂತರ ಫ್ರಿಜ್‌ನಿಂದ ಹೊರ ತೆಗೆದು ಲೋಟಾದಿಂದ ಅಚ್ಚನ್ನು ಬೇರ್ಪಡಿಸಿ. ಉಳಿದ ಟೂಟಿ ಫ್ರೂಟಿಯೊಂದಿಗೆ ಅಲಂಕರಿಸಿ ಸವಿಯಬಹುದು. ಬೇಕಿದ್ದರೆ ಮತ್ತಷ್ಟು ರುಚಿಗಾಗಿ ಡ್ರೈಫ್ರೋಟ್ಸ್‌ನ್ನು ಸೇರಿಸಬಹುದು.

(ದಟ್ಸ್‌ಕನ್ನಡ ಅಡುಗೆಮನೆ)