ಬಾಯಾಲ್ಲಿ ನೀರೂರಿಸುವ ಮಾವಿನ ಹಣ್ಣಿನ ಜೆಲ್ಲಿ

Sweets

oi-Reena

By Hema S

Published: Tuesday, April 3, 2012, 14:12 [IST]

ಈ ಹಿಂದೆ ಸೀಬೆ ಕಾಯಿ ಜೆಲ್ಲಿ ಮಾಡುವ ವಿಧಾನ ತಿಳಿದುಕೊಂಡಿದ್ದೆವು. ಬೇಸಿಗೆ ಕಾಲ ಅಂದರೆ ಮಕ್ಕಳಿಗೆ ಸುಗ್ಗಿಯ ಕಾಲ. ಅಜ್ಜಿ ಮನೆ, ಸಮ್ಮರ್ ಕೋರ್ಸ್ ಅದೂ ಇದೂ ಅಂತ ಓಡಾಡುತ್ತಿರುತ್ತಾರೆ. ಅಲ್ಲದೆ ಮನೆಯಲ್ಲಿ ವಿವಿಧ ರುಚಿಯ ತಿಂಡಿಗಳನ್ನು ಮಾಡು ಅಂತ ಅಮ್ಮನಿಗೆ ದುಂಬಾಲು ಬೀಳುವುದು ಸಾಮಾನ್ಯ. ಇದು ಮಾವಿನ ಹಣ್ಣಿನ ಸಮಯವಾಗಿರುವುದರಿಂದ ಮಾವಿನ ಹಣ್ಣಿನಿಂದ ಜೆಲ್ಲಿ ತಯಾರಿಸುವ ವಿಧಾನ ತಿಳಿಯೋಣ.

ಬೇಕಾಗುವ ಸಾಮಾಗ್ರಿಗಳು:
* 1/2 ಕೆಜಿ ಮಾವಿನ ಹಣ್ಣು (ಸ್ವಲ್ಪ ಹಣ್ಣಾಗಿರುವ)
* 3 ಕಪ್ ಸಕ್ಕರೆ
* 2 ಗ್ಲಾಸ್ ನೀರು
* ಒಂದು ನಿಂಬೆ ಹಣ್ಣು

ತಯಾರಿಸುವ ವಿಧಾನ:

1. ಸಿಪ್ಪೆ ತೆಗೆದು ಕತ್ತರಿಸಿದ ಮಾವಿನ ಹಣ್ಣಿಗೆ ನೀರು ಹಾಕಿ ಮಾವಿನ ತಿರಳು ಬೆಂದು ಸ್ವಲ್ಪ ಗಟ್ಟಿಯಾಗುವವರೆಗೆ ಬೇಯಿಸಬೇಕು.
2. ಈಗ ಉರಿಯಿಂದ ತೆಗೆಯಬೇಕು.
3. ಈಗ ಮಾವಿನ ಬೇಯಿಸಿದ ಹಣ್ಣಿನಿಂದ ಹಾಕಿ ರಸ ತೆಗೆಯಬೇಕು
4. ಮಾವಿನ ಹಣ್ಣಿನ ರಸವನ್ನು ಉರಿಯಲ್ಲಿಟ್ಟು ಸಕ್ಕರೆ ಮತ್ತು ನಿಂಬೆ ರಸ ಹಾಕಿ ಜೆಲ್ಲಿ ಸೆಟ್ ಆಗುವವರೆಗೆ ತಿರುಗಿಸುತ್ತಾ ಇರಬೇಕು.
5. ಸೆಟ್ ಆದ ಜೆಲ್ಲಿಯನ್ನು ಉರಿಯಿಂದ ತೆಗೆದು ತಣ್ಣಗಾದ ಮೇಲೆ ತಯಾರಾದ ಮಾವಿನ ಹಣ್ಣಿನ ಜೆಲ್ಲಿಯನ್ನು ಗಾಜಿನ ಡಬ್ಬದಲ್ಲಿ ಹಾಕಿ ಮುಚ್ಚಿಟ್ಟು ಬೇಕಾದಾಗ ಬಳಸಿಕೊಳ್ಳಬಹುದು.