ಬಾಳೆ ಹಣ್ಣಿನ ದೇಸಿ ಪುಡ್ಡಿಂಗ್

ಬೇಕಾದ ಸಾಮಗ್ರಿ :

ಹಣ್ಣಾದ ಬಾಳೆಹಣ್ಣು : 25
ಸಕ್ಕರೆ : 1/2 ಕೆ ಜಿ
ಏಲಕ್ಕಿ : 10
ತುಪ್ಪ : 1/4 ಕಪ್
ಜೇನುತುಪ್ಪ : 1/2 ಕಪ್
ತೆಂಗಿನಕಾಯಿತುರಿ : 1 ಕಪ್

ಮಾಡುವ ವಿಧಾನ :

ಬಾಳೆಹಣ್ಣನ್ನು ಸುಲಿದು ನಾಲ್ಕು ಸೀಳಿ ಸಣ್ಣಗೆ ಹೋಳುಗಳನ್ನು ಮಾಡಿಕೊಳ್ಳಿ. ಒಂದು ಸ್ಟೀಲ್ ಪಾತ್ರೆಯಲ್ಲಿಡಿ. ಸಕ್ಕರೆ , ಜೇನುತುಪ್ಪ, ತೆಂಗಿನಕಾಯಿ ತುರಿ, ಏಲಕ್ಕಿ ಪುಡಿ ಎಲ್ಲವನ್ನು ಒಟ್ಟಿಗೆ ಪಾತ್ರೆಗೆ ಹಾಕಿ ಚೆನ್ನಾಗಿ ಕಲಕಿ. ಒಂದರ್ಧ ಗಂಟೆ ಸಮಯದ ನಂತರ ತಿನ್ನಲು ಬಳಸಿ. ಫ್ರಿಜ್ ನಲ್ಲಿಟ್ಟು ನಂತರ ಬೇಕಾದರೂ ತಿನ್ನಬಹುದು. ಮಿಶ್ರಣಕ್ಕೆ ಜೊತೆಗೆ ಹಾಲು ಬೆರಸಿ ಕೂಡ ಉಪಯೋಗಿಸಬಹುದು. ಹಾಗೂ ದ್ರಾಕ್ಷಿ ಮುಂತಾದವುಗಳನ್ನು ಬಳಸಿ ಅಲಂಕಾರವಾಗಿಸಬಹುದು.

ಚಪಾತಿ, ದೋಸೆ, ಪೂರಿ ಯಾವುದೇ ಇರಲಿ ಪಲ್ಯ, ಚಟ್ನಿ ಜೊತೆಗೆ ಬಾಳೆಹಣ್ಣಿನ ಪುಡ್ಡಿಂಗನ್ನು ಕೂಡ ಬಳಸಬಹುದು. ರಾತ್ರಿ ಊಟವಾದನಂತರ ಅರ್ಧ ಗಂಟೆ ಬಿಟ್ಟು ಬನಾನಾ ಪುಡ್ಡಿಂಗ್ ತಿಂದು ಹತ್ತು ನಿಮಿಷ ವಾಕ್ ಮಾಡಿ ಬಂದರೆ ಜೀರ್ಣಕ್ರಿಯೆಗೂ ಸಹಾಯಕವಾದೀತು.