ಚಾಕಲೇಟ್ ಡೇಗೆ ಪ್ರೀತಿಯ ಉಡುಗೊರೆ

Sweets

oi-Reena

By Hema S

Published: Thursday, February 9, 2012, 14:55 [IST]

ಇವತ್ತು ಚಾಕಲೇಟ್ ಡೇ. ನಿಮ್ಮ ಪ್ರೇಮಿಗೆ ಇಷ್ಟವಾಗುವ ಚಾಕಲೇಟ್ ಕೊಂಡು, ಅದನ್ನು ನಿಮ್ಮ ಕೈಯಾರೆ ತಿನಿಸಬೇಕೆಂದು ಬಯಸುತ್ತಿದ್ದೀರಾ? ಹಾಗಾದರೆ ಅಂಗಡಿಯಿಂದ ಚಾಕಲೇಟ್ ಕೊಂಡು ತಿನಿಸುವುದಕ್ಕಿಂತ ಪ್ರೀತಿಯಿಂದ ನಿಮ್ಮ ಕೈಯಾರೆ ಮಾಡಿ ತಿನಿಸಿ.

ನೀವೇ ತಯಾರಿಸಿದ ಚಾಕಲೇಟ್ ಆದರೆ ಅವರಿಗೆ ನಿಮ್ಮ ಮೇಲೆ ಮತ್ತಷ್ಟು ಪ್ರೀತಿ ಮತ್ತಷ್ಟು ಹೆಚ್ಚಾಗುವುದು. ನಿಮ್ಮ ಪ್ರೀತಿಗೆ ಬೋಲ್ಡ್ ಸ್ಕೈ ಕೊಡುವ ಪುಟ್ಟ ಕಾಣಿಕೆಯೆಂದರೆ ಈ ಚಾಕಲೇಟ್ ಪೇಸ್ಟ್ರೀ ರೆಸಿಪಿ. ಈ ಪೇಸ್ಟ್ರೀ ಸವಿಯುತ್ತಾ ನಿಮ್ಮ ಪ್ರೀತಿಯ ಸವಿ ಮತ್ತಷ್ಟು ಹೆಚ್ಚಲಿ.

ಬೇಕಾಗುವ ಸಾಮಾಗ್ರಿಗಳು:
* ಕೇಕ್ ಮಿಕ್ಸ್ 1 ಪ್ಯಾಕ್ ( ಯಾವುದೇ ಕೇಕ್ ಮಿಕ್ಸ್ ಆಗಬಹುದು)
* ಬೆಣ್ಣೆ 50 ಗ್ರಾಂ
* ಕೋಕಾ ಪುಡಿ 2 ಚಮಚ
* ಚಾಕಲೇಟ್ ಡ್ರಿಂಕ್ ಪುಡಿ 2 ಚಮಚ
* ಮೊಟ್ಟೆ 2
* ಒಣ ದ್ರಾಕ್ಷಿ, ಬಾದಾಮಿ
* ಅಡುಗೆ ಸೋಡಾ ಒಂದ ಚಿಟಿಕೆ
* ಚಾಕಲೇಟ್ ಸಾಸ್ 1 ಕಪ್

ತಯಾರಿಸುವ ವಿಧಾನ:

1. ಒಂದು ಕಪ್ ನೀರಿನಲ್ಲಿ ಕೇಕ್ ಮಿಕ್ಸ್ ಹಾಕಿ ಅದಕ್ಕೆ ಕೋಕಾ ಪುಡಿ, ಚಾಕಲೇಟ್ ಡ್ರಿಂಕ್ ಪುಡಿ ಮತ್ತು ಸಕ್ಕರೆ ಸೇರಿಸಿ ಮಿಶ್ರ ಮಾಡಬೇಕು.
(ಕೇಕ್ ಮಿಕ್ಸ್ ನೀರಿನಲ್ಲಿ ಹಾಕಿ ಸಿಹಿ ಎಷ್ಟಿದೆ ಎಂದು ನೋಡಿ ನಂತರ ಸಕ್ಕರೆ ಹಾಕಬೇಕು. ಇಲ್ಲದಿದ್ದರೆ ಸಕ್ಕರೆ ಜಾಸ್ತಿಯಾಗುವುದು.)

2. ಈಗ ಬೆಣ್ಣೆ ಮತ್ತು ಮೊಟ್ಟೆಯನ್ನು ಸೇರಿಸಬೇಕು. ನಂತರ 5 ನಿಮಿಷ ಕಾಲ ಚೆನ್ನಾಗಿ ಕದಡಬೇಕು.

3. ಈ ಮಿಶ್ರಣಕ್ಕೆ ಒಣ ದ್ರಾಕ್ಷಿ ಮತ್ತು ನಟ್ಸ್( ಬಾದಾಮಿ) ಹಾಕಿ ಚಿಟಿಕೆ ಅಡುಗೆ ಸೋಡಾವನ್ನು ಸೇರಿಸಬೇಕು.

4.ಮೈಕ್ರೋವೇವ್ ಅನ್ನು 350 ಡಿಗ್ರಿಗೆ ಬಿಸಿ ಮಾಡಬೇಕು. ನಂತರ ಮೈಕ್ರೋವೇವ್ ಪಾತ್ರೆಯಲ್ಲಿ ಈ ಮಿಶ್ರಣವನ್ನು ಸುರಿದು 20 ನಿಮಿಷ ಬೇಯಿಸಬೇಕು.

5. ನಂತರ ಚಾಕಲೇಟ್ ಕೇಕ್ ತೆಗೆದು ಅದನ್ನು ಆಯಾತಾಕಾರದಲ್ಲಿ ಕತ್ತರಿಸಿ ಅದರ ಮೇಲೆ ಚಾಕಲೇಟ್ ಸಾಸ್ ಹಾಕಿದರೆ ಚಾಕಲೇಟ್ ಪೇಸ್ಟ್ರೀ ರೆಡಿ.