ರುಚಿಕರ ಚಾಕಲೇಟ್ ಫಿಡ್ಜ್ ರೆಸಿಪಿ

Sweets

oi-Reena

By Hema S

Published: Wednesday, February 8, 2012, 12:00 [IST]

ಮನೆಯಲ್ಲಿ ಮಕ್ಕಳಿಗೆ ಇಷ್ಟ ಎಂದು ತಯಾರಿಸುವ ಚಾಕಲೇಟ್ ಅನ್ನು ಮಕ್ಕಳಷ್ಟೇ ಇಷ್ಟಪಟ್ಟು ದೊಡ್ಡವರೂ ತಿನ್ನುತ್ತಾರೆ. ಸಿಹಿ ಇಷ್ಟಪಡುವವರಿಗಾಗಿ ಇಲ್ಲಿ ಚಾಕಲೇಟ್ ಫಿಡ್ಜ್ ರೆಸಿಪಿ ನೀಡಲಾಗಿದೆ. ಈ ರೆಸಿಪಿಯನ್ನು ತಯಾರಿಸಲು ಸ್ವಲ್ಪ ಸಮಯ ಸಾಕಾಗಿದ್ದು ಇದನ್ನು ತಯಾರಿಸುವ ವಿಧಾನ ನೋಡಿ ಇಲ್ಲಿದೆ.

ಬೇಕಾಗುವ ಸಾಮಗ್ರಿಗಳು:

* ಬಿಳಿ ಚಾಕಲೇಟ್ ಚಿಪ್ಸ್ 1 ಕಪ್ ಅಥವಾ ಬಿಳಿಯ ಚಾಕಲೇಟ್ ನ ಉದ್ದದ ತುಂಡು (ಬಾರ್)
* ಸಿಹಿ ಹಾಕಿದ ಗಟ್ಟಿಯಾದ ಹಾಲು ( ಸಿಹಿ ನಿಮಗೆ ಬೇಕಾದಷ್ಟು)
* ಬೆಣ್ಣೆ 1/2 ಕಪ್
* ಚಕ್ಕೆ 1 ಚಮಚ
* ವೆನಿಲ್ಲಾ ರಸ 2-3 ಹನಿ
* ಉಪ್ಪು ರುಚಿಗೆ ತಕ್ಕಷ್ಟು

ತಯಾರಿಸುವ ವಿಧಾನ:

1. ಚಾಕಲೇಟ್ ಚಿಪ್ಸ್ ಅನ್ನು ಮೈಕ್ರೋವೇವ್ ನಲ್ಲಿಟ್ಟು ಕರಗಿಸಬೇಕು.

2. ಈಗ ಕರಗಿದ ಚಾಕಲೇಟ್ ಚಿಪ್ಸ್ ಮಿಶ್ರಣಕ್ಕೆ ಹಾಲನ್ನು ಹಾಕಿ ಚೆನ್ನಾಗಿ ಮಿಶ್ರ ಮಾಡಬೇಕು.

3. ಮಿಶ್ರಣವು ಚೆನ್ನಾಗಿ ಬಿಸಿಯಾಗಿ ಗುಳ್ಳೆಗಳು ಬರಲಾರಂಭಿಸಿದಾಗ ಚಕ್ಕೆ ಪುಡಿಯನ್ನು ಹಾಕಬೇಕು. ನಂತರ ಬೆಣ್ಣೆಯನ್ನು ಸೇರಿಸಿ ರುಚಿಗೆ ಒಂದು ಚಿಟಿಕೆಉಪ್ಪು ಹಾಕಿ ಮತ್ತೊಮ್ಮೆ ಮಿಶ್ರ ಮಾಡಿ ಮೈಕ್ರೋವೇವ್ ನಲ್ಲಿ 2 ನಿಮಿಷ ಇಡಬೇಕು.

4. ಈಗ ಕುದಿಯುತ್ತಿರುವ ಈ ಮಿಶ್ರಣವನ್ನು ಅಗಲವಾದ ತಟ್ಟೆಯಲ್ಲಿ ಹಾಕಿ ಫ್ರಿಜ್ ನಲ್ಲಿಟ್ಟು ಒಂದು ಗಂಟೆ ನಂತರ ತೆಗೆದು ಬೇಕಾದ ಆಕಾರದಲ್ಲಿ ಕತ್ತರಿಸಿದರೆ ಚಾಕಲೇಟ್ ಫಿಡ್ಜ್ ರೆಡಿ.