ಐಸ್ಸಾ... ಐರಿಸ್ ಐಸ್ ಕ್ರೀಮ್ ಮಾಡಿ ನೋಡಿ

Sweets

oi-Reena

By Hema S

Published: Tuesday, January 24, 2012, 13:04 [IST]

ಐಸ್ ಕ್ರೀಮ್ ಪಾರ್ಲರ್ ಗಳಿಗೆ ಹೋದಾಗ ಹೊಸ ಬಗೆ-ಬಗೆಯ ಐಸ್ ಕ್ರೀಮ್ ನೋಡುತ್ತೇವೆ. ಕೆಲವೊಮ್ಮೆ ತಿಂದೆದ್ದೆ ತಿನ್ನವುದು ಏಕೆ ಎಂದು ಹೊಸ ರುಚಿಯ ಐಸ್ ಕ್ರೀಮ್ ಕೊಳ್ಳುತ್ತೇವೆ. ಈ ಐಸ್ ಕ್ರೀಮ್ ಮನೆಯಲ್ಲಿ ಕೂಡ ಸುಲಭವಾಗಿ ತಯಾರಿಸಬಹುದು. ಇವತ್ತು ಸ್ಟ್ರಾಬರಿ, ಚಾಕಲೇಟ್, ವೆನಿಲ್ಲಾ ಅಂತ ಗೊತ್ತಿರುವ ರುಚಿಯ ಬದಲು ಹೊಸ ರುಚಿಯ ಐರಿಸ್ ಐಸ್ ಕ್ರೀಮ್ ಮಾಡುವ ವಿಧಾನವನ್ನು ತಿಳಿಯೋಣ.

ಬೇಕಾಗುವ ಸಾಮಾಗ್ರಿಗಳು:

* 11/2 ಕಪ್ ಹಾಲು
* 21/2 ಚಮಚ ಎಸ್ ಪ್ರಸ್ಸೊ ಕಾಫಿ ಪುಡಿ
* 4 ಮೊಟ್ಟೆ
* 1/4 ಕಪ್ ಐರಿಸ್ ವಿಸ್ಕಿ
* 11/4 ಕಪ್ ಹಾಲಿನ ಕೆನೆ
* 1/2 ಕಪ್ ಸಕ್ಕರೆ( ಬ್ರೌನ್ ಶುಗರ್)
* ಉಪ್ಪು

ತಯಾರಿಸುವ ವಿಧಾನ:

1. ಬಾಣಲೆಯನ್ನು ಬಿಸಿ ಮಾಡಿ ಅದಕ್ಕೆ ಹಾಲು, ಬ್ರೌನ್ ಶುಗರ್ ಮತ್ತು ಕಾಫಿ ಪುಡಿಯನ್ನು ಹಾಲಿನಲ್ಲಿ ಮಿಶ್ರ ಮಾಡಬೇಕು. ಸ್ವಲ್ಪ ಉರಿಯಲ್ಲಿ ಸಕ್ಕರೆ ಮತ್ತು ಕಾಫಿ ಪುಡಿ ಹಾಲಿನಲ್ಲಿ ಕರಗುವವರೆಗೆ ಕಾಯಿಸಬೇಕು.

2. ನಂತರ ಅದನ್ನು ಉರಿಯಿಂದ ತೆಗೆದು ಆರಲು ಬಿಡಬೇಕು.

3. ಈ ಮಿಶ್ರಣದ ಜೊತೆ ಹಾಲಿನ ಕೆನೆ, ವಿಸ್ಕಿ, ಮೊಟ್ಟೆ ಮತ್ತು ಸ್ವಲ್ಪ ಉಪ್ಪು ಹಾಕಿ ಮಿಕ್ಸಿಯಲ್ಲಿ ಅರೆಯಬೇಕು.4. ಈ ಮಿಶ್ರಣವನ್ನು ಒಂದು ಬಟ್ಟಲಿನಲ್ಲಿ ಹಾಕಿ ಫ್ರಿಜ್ ನಲ್ಲಿ 3-4 ಗಂಟೆ ಇಡಬೇಕು. ನಂತರ ಅದನ್ನು ತೆಗೆದು ಸೌಟಿನಿಂದ ಚೆನ್ನಾಗಿ ಕದಡಿ ಐಸ್ ಕ್ರೀಮ್ ಮೇಕರ್ಸ್ ನಲ್ಲಿ ಹಾಕಿ 8-10 ಗಂಟೆ ಇಡಬೇಕು.

ಈಗ ರುಚಿಕರವಾದ ಐರಿಸ್ ಐಸ್ ಕ್ರೀಮ್ ತಿನ್ನಲು ರೆಡಿ.