ಕ್ಯಾಬೇಜ್ ಕಟ್ಲೇಟ್-ಸ್ನ್ಯಾಕ್ಸ್ ರೆಸಿಪಿ

ಮೃದುವಾದ ಬಿಸಿ-ಬಿಸಿ ಕಟ್ಲೇಟ್ ಅನ್ನು ಸವಿಯುವುದೇ ಚೆನ್ನ. ಈಗಾಗಲೇ ನಾನಾ ಬಗೆಯ ಕಟಗಲೇಟ್ ರೆಸಿಪಿ ನೀಡಿದ್ದೇವೆ. ಇಲ್ಲಿ ನಾವು ಕ್ಯಾಬೇಜ್ ಕಟ್ಲೇಟ್ ಮಾಡುವ ವಿಧಾನದ ಬಗ್ಗೆ ಹೇಳಿದ್ದೇವೆ.

ಕ್ಯಾಬೇಜ್ ಕಟ್ಲೇಟ್ ಅನ್ನು ಇತರ ಕಟ್ಲೇಟ್ ಗಳಂತೆ ಸುಲಭದಲ್ಲಿ ತಯಾರಿಸಬಹುದಾಗಿದ್ದು, ಈ ವಾರದ ವಿಶೇಷ ತಿಂಡಿಯಾಗಿ ಇದನ್ನು ಟ್ರೈ ಮಾಡಿ, ನಿಮ್ಮ ಅಭಿಪ್ರಾಯ ನಮಗೆ ತಿಳಿಸಿ.

ಬೇಕಾಗುವ ಸಾಮಾಗ್ರಿಗಳು
ಎಲೆಕೋಸು 1 ಕಪ್
ಆಲೂಗಡ್ಡೆ 2(ಬೇಯಿಸಿದ ಆಲೂಗಡ್ಡೆ)
ಹಸಿ ಮೆಣಸಿನಕಾಯಿ 2
ಕರಿ ಬೇವಿನ ಎಲೆ 5-6
ಕೊತ್ತಂಬರಿ ಸೊಪ್ಪು 2 ಚಮಚ
ಚಾಟ್ ಮಸಾಲ 1 ಚ,ಚ
ಮೈದಾ 2 ಚಮಚ
ಬ್ರೆಡ್ ಚುರುಗಳು ಅರ್ಧ ಕಪ್
ಎಣ್ಣೆ 1 ಕಪ್
ರುಚಿಗೆ ತಕ್ಕ ಉಪ್ಪು
ನೀರು ಅರ್ಧ ಕಪ್

ತಯಾರಿಸುವ ವಿಧಾನ:

1. ಚಿಕ್ಕದಾಗಿ ಕತ್ತರಿಸಿದ ಎಲೆಕೋಸು, ಹಸಿ ಮೆಣಸಿನಕಾಯಿ, ಕರಿ ಬೇವಿನ ಎಲೆ, ಕೊತ್ತಂಬರಿ ಸೊಪ್ಪು, ರುಚಿಗೆ ತಕ್ಕ ಉಪ್ಪು, ಚಾಟ್ ಮಸಾಲವನ್ನು ಒಂದು ಬಟ್ಟಲಿನಲ್ಲಿ ಹಾಕಿ ಮಿಕ್ಸ್ ಮಾಡಿ.

2. ನಂತರ ಅವುಗಳಿಂದ ಉಂಡೆ ಕಟ್ಟಿ, ಕೈಯಲ್ಲಿ ತಟ್ಟಿ.

3. ಮೈದಾಕ್ಕೆ ಸ್ವಲ್ಪ ನೀರು ಹಾಕಿ ಮಿಕ್ಸ್ ಮಾಡಿ. (ಮಿಶ್ರಣ ಗಟ್ಟಿಯಾಗಿರಲಿ).

4. ಈಗ ಎಣ್ಣೆಯನ್ನು ಬಾಣಲೆಗೆ ಹಾಕಿ ಕಾಯಿಸಿ, ನಂತರ ಕಾದ ಎಣ್ಣೆಗೆ ತಟ್ಟಿದ ಎಲೆಕೋಸು ಮಿಶ್ರಣವನ್ನು ಮೈದಾದಲ್ಲಿ ಅದ್ದಿ ಎಣ್ಣೆಯಲ್ಲಿ ಹಾಕಿ ಕಂದು ಬಣ್ಣ ಬರುವವರೆಗೆ ಕರಿಯಿರಿ.

ರೆಡಿಯಾದ ಕಟ್ಲೇಟ್ ಅನ್ನು ಪುದೀನಾ ಚಟ್ನಿ ಜೊತೆ ಸವಿಯಲು ರುಚಿಕರವಾಗಿರುತ್ತದೆ.