ಉದ್ದಿನ ಬೇಳೆಯ ಚಕ್ಕುಲಿ ರೆಸಿಪಿ

ಇಲ್ಲಿ ನಾವು ಉದ್ದಿನ ಬೇಳೆ ಬಳಸಿ ಮಾಡುವ ಚಕ್ಕುಲಿಯ ರೆಸಿಪಿ ನೀಡಿದ್ದೇವೆ. ಹೆಚ್ಚು ಸಾಮಗ್ರಿಗಳಾಗಲೀ, ಸಮಯವಾಗಲೀ ಇದನ್ನು ತಯಾರಿಸಲು ಬೇಕಾಗಿಲ್ಲ. ಮನೆಯಲ್ಲೇ ತಯಾರಿಸುವುದರಿಂದ ಆರೋಗ್ಯಕ್ಕೂ ಹಿತಕರ. ನಾಲಗೆಗೂ ರುಚಿಕರ.

ಉದ್ದಿನ ಬೇಳೆಯ ಚಕ್ಕುಲಿ

ಬೇಕಾಗುವ ಸಾಮಗ್ರಿಗಳು:
ಉದ್ದಿನಬೇಳೆ - 1/2 ಕಪ್
ಅಕ್ಕಿ ಹಿಟ್ಟು - ಎರಡೂವರೆ ಕಪ್
ಖಾರದ 2 ಚಮಚ
ಜೀರಿಗೆ 1 ಚಮಚ
ಎಣ್ಣೆ
ರುಚಿಗೆ ತಕ್ಕಷ್ಟು ಉಪ್ಪು

ಮಾಡುವ ವಿಧಾನ:

* ಉದ್ದಿನಬೇಳೆಯನ್ನು 1 ಕಪ್ ನೀರು ಸೇರಿಸಿ ಕುಕ್ಕರ್ ನಲ್ಲಿ ಬೇಯಿಸಿಕೊಂಡು, ತಣ್ಣಗಾದ ನಂತರ ಮಿಕ್ಸಿಯಲ್ಲಿ ನುಣ್ಣಗೆ ರುಬ್ಬಿಕೊಳ್ಳಬೇಕು.

* ರುಬ್ಬಿದ ಹಿಟ್ಟು ದೋಸೆ ಹಿಟ್ಟಿನ ಹದದಲ್ಲಿರಲಿ.

* ಈಗ ರುಬ್ಬಿಕೊಂಡ ಉದ್ದಿನ ಹಿಟ್ಟಿಗೆ ಉಪ್ಪು, ಖಾರದ ಪುಡಿ, ಜೀರಿಗೆ, ಅಕ್ಕಿಹಿಟ್ಟು ಸೇರಿಸಿ ಗಟ್ಟಿಯಾಗಿ ಕಲೆಸಿ. ಹಿಟ್ಟು ಸ್ವಲ್ಪ ನೀರು-ನೀರಾಗಿದ್ದರೆ ಇನ್ನೂ ಸ್ವಲ್ಪ ಅಕ್ಕಿ ಹಿಟ್ಟು ಹಾಕಿ ಕಲೆಸಿ.

* ಕಲೆಸಿಕೊಂಡ ಹಿಟ್ಟನ್ನು ಚಕ್ಕುಲಿ ಒರಳಿನಲ್ಲಿ ಒತ್ತಿ, ಚಕ್ಕುಲಿಗಳನ್ನು ತಯಾರಿಸಿ ಕಾದ ಎಣ್ಣೆಯಲ್ಲಿ ಗರಿಯಾಗಿ ಕರಿದರೆ ರುಚಿರುಚಿಯಾದ ಚಕ್ಕುಲಿ ರೆಡಿ.