ಗರಿಗರಿ ಮರಗೆಣಸಿನ ಚಿಪ್ಸ್ ಮಾಡಲು ಟಿಪ್ಸ್!

ಅದೇ ಸ್ವಲ್ಪ ಸಮಯ ಮತ್ತು 100-150 ರೂಪಾಯಿ ಖರ್ಚು ಮಾಡಿದರೆ ಅಂಗಡಿಯಲ್ಲಿ 1000 ರೂಪಾಯಿ ಕೊಟ್ಟರೆ ಸಿಗುವಷ್ಟು ಚಿಪ್ಸ್ ಮನೆಯಲ್ಲಿಯೇ ಸುಲಭವಾಗಿ ತಯಾರಿಸಬಹುದು. ಈ ಚಿಪ್ಸ್ ಅನ್ನು ಅಡುಗೆ ಬಗ್ಗೆ ಏನೂ ಗೊತ್ತಿಲ್ಲದವರು ಕೂಡ ತಯಾರಿಸಬಹುದಾಗಿದ್ದು ತಯಾರಿಸುವ ವಿಧಾನ ನೋಡಿ ಇಲ್ಲಿದೆ.

ಬೇಕಾಗುವ ಸಾಮಾಗ್ರಿಗಳು:
* ಮರಗೆಣಸು 1 ಕೆಜಿ
* ಚಿಪ್ಸ್ ಮಸಾಲಾ ಪುಡಿ ಒಂದು ಪ್ಯಾಕೆಟ್ ಅಥವಾ ಅರಿಶಿಣ ಪುಡಿ 1/ 2 ಚಮಚ, ಮೆಣಸಿನ ಪುಡಿ ಒಂದೂವರೆ ಚಮಚ
* ಕರಿಯಲು ಎಣ್ಣೆ

ತಯಾರಿಸುವ ವಿಧಾನ :

1. ಗೆಣಸಿನ ಸಿಪ್ಪೆ ತೆಗೆದು ಅದನ್ನು ಚೆನ್ನಾಗಿ ತೊಳೆದು ತೆಳ್ಳನೆಯ ಚಿಕ್ಕ -ಚಿಕ್ಕ ತುಂಡುಗಳಾಗಿ ಕತ್ತರಿಸಬೇಕು.

2. ನಂತರ ಇದಕ್ಕೆ ರುಚಿಗೆ ತಕ್ಕಷ್ಟು ಮಸಾಲಾ ಪುಡಿ ಸೇರಿಸಿ ಮಿಶ್ರ ಮಾಡಬೇಕು (ಚಿಪ್ಸ್ ಮಸಾಲಕ್ಕೆ ಉಪ್ಪು ಸೇರಿಸಬೇಕಾಗಿಲ್ಲ). ಚಿಪ್ಸ್ ಮಸಾಲ ಇಲ್ಲದಿದ್ದರೆ ರುಚಿಗೆ ತಕ್ಕ ಉಪ್ಪು, ಕೆಂಪು ಮೆಣಸಿನ ಪುಡಿ ಮತ್ತು ಅರಿಶಿಣ ಹಾಕಿ ಮಿಶ್ರ ಮಾಡಿ ಒಂದು ಗಂಟೆ ಕಾಲ ಇಡಬೇಕು.

3. ನಂತರ ಬಾಣಲೆಯಲ್ಲಿ ಎಣ್ಣೆ ಕಾಯಿಸಿಕೊಂಡು ಗೆಣಸಿನ ತೆಳುವಾದ ತುಂಡುಗಳನ್ನು ಕಂದು ಬಣ್ಣ ಬರುವವರೆಗೆಗೆ ಕರಿಯಿರಿ.

4. ಕರಿದ ಚಿಪ್ಸ್ ನ್ನು ಒಂದು ಒಂದು ಪೇಪರ್ ಮೇಲೆ ಹರವಿ ತಣ್ಣಗಾಗಲು ಬಿಡಬೇಕು.

ಈ ರೀತಿ ಕರಿದ ಚಿಪ್ಸ್ ಅನ್ನು ಗಾಳಿ ಸೇರದ ಡಬ್ಬದಲ್ಲಿ ಹಾಕಿಟ್ಟರೆ ತುಂಬಾ ಕಾಲ ಇಡಬಹುದಾಗಿದ್ದು, ಇದನ್ನು ಟೀ ಜೊತೆ ತಿನ್ನಲು ರುಚಿಕರವಾಗಿರುತ್ತದೆ.