ಸವಿಯಲು ಬಲು ರುಚಿ ಬಟಾಣಿ ಟಿಕ್ಕಿ

Snacks

oi-Reena

By Hema S

Updated: Tuesday, July 10, 2012, 17:26 [IST]

ಟಿಕ್ಕಿಯೆಂದರೆ ಮಕ್ಕಳು ಮಾತ್ರವಲ್ಲ, ದೊಡ್ಡವರು ಇಷ್ಟಪಟ್ಟು ತಿನ್ನುತ್ತಾರೆ. ಮಕ್ಕಳು ಸಾಯಾಂಕಾಲ ಶಾಲೆಯಿಂದ ಬರುವಾಗ ಏನಾದರೂ ತಿಂಡಿ ತಿನ್ನಬಯಸುತ್ತಾರೆ. ಈ ಸಮಯದಲ್ಲಿ ಅವರಿಗೆ ಈ ಟಿಕ್ಕಿ ಮಾಡಿಕೊಟ್ಟರೆ ತುಂಬಾ ಇಷ್ಟವಾಗುವುದು. ಅಲ್ಲದೆ ಹೊರಗಿನಿಂದ ತಂದ ತಿಂಡಿಗಳನ್ನು ಕೊಡುವುದಕ್ಕಿಂತ ಮನೆಯಲ್ಲಿಯೇ ಮಾಡಿದ ತಿಂಡಿ ಆರೋಗ್ಯಕ್ಕೆ ಒಳ್ಳೆಯದು. ಇದನ್ನು ಮಾಡುವ ವಿಧಾನ ತುಂಬಾ ಸರಳವಾಗಿದ್ದು ರೆಸಿಪಿ ನೋಡಿ ಇಲ್ಲಿದೆ.

ಬೇಕಾಗುವ ಸಾಮಗ್ರಿಗಳು :
* 1 ಕಪ್ ಬೇಯಿಸಿದ ಬಟಾಣಿ
* 1 ಕಪ್ ಬೇಯಿಸಿ ಪುಡಿ ಹಿಸುಕಿದ ಆಲೂಗಡ್ಡೆ
* 1 ಚಮಚ ನಿಂಬೆರಸ
* ಕಪ್ ಜೋಳದ ಹಿಟ್ಟು
* ಸ್ವಲ್ಪ ಎಣ್ಣೆ
* ರುಚಿಗೆ ತಕ್ಕ ಉಪ್ಪು,
* ಕತ್ತರಿಸಿದ ಕೊತ್ತಂಬರಿ ಸೊಪ್ಪು.

ಮಸಾಲೆಗೆ :
* 4 ಹಸಿಮೆಣಸಿನಕಾಯಿ
* 2 ಒಣಮೆಣಸಿನಕಾಯಿ
* 2 -4 ಕಾಳು ಕರಿಮೆಣಸು
* 1/2 ಚಮಚ ಜೀರಿಗೆ
* 1 ಚಮಚ ಶುಂಠಿ ತುರಿ
* 1/2 ಚಮಚ ಗರಂ ಮಸಲಾ ಪುಡಿ ಸೇರಿಸಿ
ಮೇಲಿನ ಸಾಮಾಗ್ರಿಯಲ್ಲಿ ಶುಂಟಿ ಬಿಟ್ಟು ಎಲ್ಲವನ್ನು ಹುರಿದು ನಂತರ ಶುಂಠಿ ಹಾಕಿ ಪುಡಿ ಮಾಡಬೇಕು.

ತಯಾರಿಸುವ ವಿಧಾನ:

1. ಬೆಂದ ಬಟಾಣಿಯನ್ನು ಹಿಸುಕಿ, ಅದಕ್ಕೆ ಜೋಳದ ಹಿಟ್ಟು ಬಿಟ್ಟು ಉಳಿದೆಲ್ಲಾ ಸಾಮಗ್ರಿಗಳನ್ನು ಸೇರಿಸಿ ಚೆನ್ನಾಗಿ ಮಿಶ್ರ ಮಾಡಿ, ದಪ್ಪ ನಿಂಬೆಗಾತ್ರದ ಉಂಡೆಗಳನ್ನಾಗಿ ಮಾಡಬೇಕು.

2. ದೋಸೆ ಮಾಡುವ ತವ ಕಾಯಿಸಿ ಸ್ವಲ್ಪ ಎಣ್ಣೆ ಹಾಕಿ ಈ ಉಂಡೆಗಳನ್ನು ಸ್ವಲ್ಪ ತಟ್ಟಿ ಚಪ್ಪಟೆ ಆಕಾರಕ್ಕೆ ಮಾಡಿ ಜೋಳದ ಪುಡಿಯಲ್ಲಿ ಹೊರಳಾಡಿಸಿ ಅದನ್ನು ಕಾವಲಿಗೆ ಹಾಕಿ ಎರಡು ಬದಿ ಕೆಂಪಾಗುವಂತೆ ಬೇಯಿಸಿದರೆ ಬಟಾಣಿ ಟಿಕ್ಕಿ ರೆಡಿ.

ಇದನ್ನು ಸಾಯಾಂಕಾಲ ಟೀಗೆ ಟೊಮೆಟೊ ಸಾಸ್ ಜೊತೆ ಸವಿಯಲು ತುಂಬಾ ಚೆನ್ನಾಗಿರುತ್ತದೆ.