ಸಾಯಾಂಕಾಲದ ತಿಂಡಿಗೆ-ಪಾಲಾಕ್ ಪಕೋಡ

Snacks

oi-Reena

By Hema S

Updated: Saturday, August 11, 2012, 17:20 [IST]

ಪಾಲಕ್ ಸೊಪ್ಪು ಹಾಕಿದರೆ ಆಹಾರದ ರುಚಿ ಹೆಚ್ಚುವುದು ಮತ್ತು ಈ ಸೊಪ್ಪು ಆರೋಗ್ಯಕ್ಕೆ ತುಂಬಾ ಒಳ್ಳೆಯದು. ಈರುಳ್ಳಿ ಪಕೋಡದ ರುಚಿ ಮತ್ತು ಅದನ್ನು ಮಾಡುವ ವಿಧಾನ ಸಾಮಾನ್ಯವಾಗಿ ಎಲ್ಲರಿಗೂ ಗೊತ್ತಿರುತ್ತದೆ. ಈರುಳ್ಳಿ ಪಕೋಡಕ್ಕಿಂತ ಸ್ವಲ್ಪ ಭಿನ್ನ ರುಚಿಯ ಪಾಲಕ್ ಪಕೋಡ ಮಾಡುವ ವಿಧಾನ ನೋಡಿ ಇಲ್ಲಿದೆ.

ಬೇಕಾಗುವ ಸಾಮಾಗ್ರಿಗಳು:

* ಪಾಲಕ್ ಸೊಪ್ಪು ಒಂದು ಕಟ್ಟು
* ಕಡಲೆ ಹಿಟ್ಟು 1 ಕಪ್
* ಈರುಳ್ಳಿ 2
* ಹಸಿಮೆಣಸಿನಕಾಯಿ 3-4
* ಅಜ್ವೈನ್ ಚಿಟಿಕೆಯಷ್ಟು
* ಕೆಂಪು ಮೆಣಸಿನ ಪುಡಿ 1 ಚಮಚ
* ರುಚಿಗೆ ತಕ್ಕ ಉಪ್ಪು
* ಎಣ್ಣೆ
* ನೀರು

ತಯಾರಿಸುವ ವಿಧಾನ:

1. ಪಾಲಾಕ್ ಸೊಪ್ಪನ್ನು ಚೆನ್ನಾಗಿ ತೊಳೆದು ಚಿಕ್ಕದಾಗಿ ಕತ್ತರಿಸಬೇಕು.

2. ನಂತರ ಉಳಿದ ಎಲ್ಲಾ ಸಾಮಾಗ್ರಿಗಳನ್ನು ಹಾಕಿ ಸ್ವಲ್ಪ ನೀರು ಹಾಕಿ ಕಲೆಸಬೇಕು. ಮಿಶ್ರಣ ತುಂಬಾ ಗಟ್ಟಿಯಾಗಿಯೂ ಇರಬಾರದು, ನೀರಾಗಿಯೂ ಇರಬಾರದು. ಈಗ ಈ ಮಿಶ್ರಣಕ್ಕೆ ಪಾಲಾಕ್ ಸೊಪ್ಪು ಹಾಕಿ ಮಿಶ್ರಣ ಮಾಡಬೇಕು.

3. ಬಾಣಲೆಯಲ್ಲಿ ಅರ್ಧದಷ್ಟು ಎಣ್ಣೆ ಹಾಕಿ ಕಾಯಿಸಬೇಕು.

4. ನಂತರ ಮಿಶ್ರಣವನ್ನು ಈರುಳ್ಳಿ ಪಕೋಡಕ್ಕೆ ಹಾಕುವ ರೀತಿಯಲ್ಲಿ ಕಾದಿರುವ ಎಣ್ಣೆಗೆ ಹಾಕಿ, ಕಂದು ಬಣ್ಣಕ್ಕೆ ಬಂದಾಗ ತೆಗೆಯಿರಿ. ಈಗ ರುಚಿಯಾದ ಪಾಲಕ್ ಪಕೋಡ ಸವಿಯಲು ಸಿದ್ಧ. ಇದನ್ನು ತೆಂಗಿನಕಾಯಿ ಚಟ್ನಿ ಜೊತೆ ತಿಂದರೆ ತುಂಬಾ ರುಚಿಯಾಗಿರುತ್ತದೆ.