ನಟ್ಸ್ ಕುಕ್ಕೀಸ್ - ವಿಶ್ವ ನಟ್ಸ್ ದಿನದ ಸ್ಪೆಷೆಲ್

ನಟ್ಸ್ ಆರೋಗ್ಯಕ್ಕೆ ತುಂಬಾ ಒಳ್ಳೆಯದು. ದೊಡ್ಡವರು ನಟ್ಸ್ ಅನ್ನು ಪ್ರತಿದಿನ ತಿನ್ನುವುದರಿಂದ ಹೃದಯ ಸ್ವಾಸ್ಥ್ಯವನ್ನು ಕಾಪಾಡಬಹುದು. ಆದರೆ ತುಂಬಾ ಚಿಕ್ಕ ಮಕ್ಕಳಿಗೆ ನಟ್ಸ್ ಕೊಡಬೇಡಿ, ಅಲರ್ಜಿ ಉಂಟಾಗಬಹುದು.

ನಿಮ್ಮ ಮನೆಯಲ್ಲಿ ಶಾಲೆಗೆ ಹೋಗುವ ಮಕ್ಕಳಿದ್ದರೆ ಅವರಿಗೆ ಸ್ನ್ಯಾಕ್ಸ್ ಬಾಕ್ಸ್ ಗೆ ನಟ್ಸ್ ಕುಕ್ಕೀಸ್ ಅನ್ನು ಬೇಕರಿಯಿಂದ ಕೊಳ್ಳುವ ಬದಲು ಮನೆಯಲ್ಲಿಯೇ ಮಾಡಿ. ಈ ನಟ್ಸ್ ಕುಕ್ಕೀಸ್ ಅನ್ನು ಸುಲಭವಾಗಿ ಮಾಡಬಹುದಾಗಿದ್ದು ರೆಸಿಪಿ ನೋಡಿ ಇಲ್ಲಿದೆ.

ಬೇಕಾಗುವ ಸಾಮಾಗ್ರಿಗಳು:
* ಗೋಧಿ ಹಿಟ್ಟು 2 ಕಪ್
* ಸಕ್ಕರೆ ಒಂದೂವರೆ ಕಪ್
* ಮೊಟ್ಟೆ 3
* ಒಣದ್ರಾಕ್ಷಿ 2 ಚಮಚ
* ಗೋಡಂಬಿ ಅರ್ಧ ಕಪ್
* ಅಡುಗೆ ಸೋಡಾ ಅರ್ಧ ಚಮಚ
* ವೆನಿಲ್ಲಾ ಎಸ್ಸೆನ್ಸ್
* ಎಣ್ಣೆ 1 ಕಪ್

ತಯಾರಿಸುವ ವಿಧಾನ:

1. ಓವನ್ ಅನ್ನು 350F ಉಷ್ಣತೆಯಲ್ಲಿ ಬಿಸಿ ಮಾಡಿರಬೇಕು.

2. ಈಗ ಒಂದು ಬಟ್ಟಲಿನಲ್ಲಿ ಸಕ್ಕರೆ, ಅಡುಗೆ ಸೋಡಾ, ನಟ್ಸ್, ಒಣ ದ್ರಾಕ್ಷಿ ಇವುಗಳನ್ನು ಗೋಧಿ ಹಿಟ್ಟಿನ ಜೊತೆ ಹಾಕಿ ಮಿಶ್ರಣ ಮಾಡಬೇಕು.

3. ಮತ್ತೊಂದು ಬಟ್ಟಲಿನಲ್ಲಿ ಮೊಟ್ಟೆಯನ್ನು ಒಡೆದು ಚೆನ್ನಾಗಿ ಕಲೆಸಬೇಕು, ಅದಕ್ಕೆ ಎಣ್ಣೆ, ಸಕ್ಕರೆ ಹಾಗೂ ವೆನಿಲ್ಲಾ ಎಸೆನ್ಸ್ ಹಾಕಿ ಚೆನ್ನಾಗಿ ಕಲೆಸಿ ಅದನ್ನು ಗೋಧಿ ಹಿಟ್ಟಿನ ಜೊತೆ ಹಾಕಿ ಚೆನ್ನಾಗಿ ಕಲೆಸಬೇಕು. ನಂತರ ಅದನ್ನು ಕುಕ್ಕೀಸ್ ಶೀಟ್ ನಲ್ಲಿಟ್ಟು ಬೇಯಿಸಿದರೆ ನಟ್ಸ್ ಕುಕ್ಕೀಸ್ ರೆಡಿ. ಅದನ್ನು ಕುಕ್ಕೀಸ್ ಸೀಟ್ ನಿಂದ ತೆಗೆದು ಕಟ್ ಮಾಡಿದರೆ ಆರೋಗ್ಯಕರವಾದ ಹಾಗೂ ಸವೆಯಲು ರುಚಿಕರವಾದ ನಟ್ಸ್ ಕುಕ್ಕೀಸ್ ರೆಡಿ.