ಟೊಮೆಟೊ ಸಾಸ್ ಜೊತೆ ಮ್ಯಾಗಿ ಕಟ್ಲೆಟ್ ವಾವ್!

Snacks

oi-Reena

By Hema S

Published: Thursday, May 17, 2012, 13:12 [IST]

ಮ್ಯಾಗಿ ಮಕ್ಕಳ ಅಚ್ಚುಮೆಚ್ಚಿನ ಆಹಾರವಾದರೆ, ಇದನ್ನು ತಯಾರಿಸಲು ಸ್ವಲ್ಪ ಸಮಯ ಸಾಕಾಗುವುದರಿಂದ ಕೆಲಸಕ್ಕೆ ಹೊರಡುವವರಿಗೆ ಆಪತ್ಬಾಂಧವ. ಮ್ಯಾಗಿಯನ್ನು ಬೇರೆ-ಬೇರೆ ರುಚಿಯಲ್ಲಿ ತಯಾರಿಸಬಹುದು. ಅದೇ ಸ್ವಲ್ಪ ಸಮಯವಿದ್ದರೆ ಮ್ಯಾಗಿ ಕಟ್ಲೆಟ್ ಮಾಡಬಹುದು. ಇವತ್ತು ನಾವು ಮ್ಯಾಗಿಯಿಂದ ಕಟ್ಲೆಟ್ ತಯಾರಿಸುವ ವಿಧಾನದ ಬಗ್ಗೆ ತಿಳಿಯೋಣ.

ಬೇಕಾಗುವ ಸಾಮಾಗ್ರಿಗಳು:
* 1 ಪ್ಯಾಕೆಟ್ ಮ್ಯಾಗಿ ನೂಡಲ್ಸ್
* ಬೇಯಿಸಿದ ತರಕಾರಿ 1/2 ಕಪ್ ( ಕ್ಯಾರೆಟ್, ಬೀನ್ಸ್, ಹೂಕೋಸು, ಬಟಾಣಿ ಇತ್ಯಾದಿ)
* 1/4 ಕಪ್ ಬೇಯಿಸಿ ಹಿಸುಕಿದ ಆಲೂಗೆಡ್ಡೆ
* ಖಾರಕ್ಕೆ ತಕ್ಕ ಹಸಿಮೆಣಸಿನ ಕಾಯಿ (ಕತ್ತರಿಸಿದ್ದು)
* 1 ಚಮಚ ಜೀರಿಗೆ
* 1 ಚಮಚ ಗರಂ ಮಸಾಲ
* ಕತ್ತರಿಸಿದ ಈರುಳ್ಳಿ 1 ಅಥವಾ 2
* ಗರಂ ಮಸಾಲ 1 ಚಮಚ
* ಅಮೆಚ್ಯೂರ್ ಪುಡಿ (ಬೇಕಿದ್ದರೆ ಹಾಕಬಹುದು)
* ರುಚಿಗೆ ತಕ್ಕ ಉಪ್ಪು
* ಎಣ್ಣೆ

ತಯಾರಿಸುವ ವಿಧಾನ:

1. ಬರೀ ನೂಡಲ್ಸ್ ಅನ್ನು ಬೇಯಿಸಬೇಕು (ಅದಕ್ಕೆ ಮಸಾಲೆ ಸೇರಿಸಬಾರದು). ನಂತರ ನೀರನ್ನು ಸೋಸಿ ನೂಡಲ್ಸ್ ಅನ್ನು ಒಂದು ತಟ್ಟೆಯಲ್ಲಿ ಹಾಕಬೇಕು.

2. ನಂತರ ಇದಕ್ಕೆ ಎಲ್ಲಾ ಸಾಮಾಗ್ರಿಗಳನ್ನು ಹಾಕಿ ಮಿಶ್ರ ಮಾಡಬೇಕು. ರುಚಿಗೆ ತಕ್ಕ ಉಪ್ಪು ಇದೆಯೇ ಎಂದು ನೋಡಿಕೊಳ್ಳಬೇಕು. ನಂತರ ಆ ಮಿಶ್ರಣದಿಂದ ಸ್ವಲ್ಪ-ಸ್ವಲ್ಪ ಮಿಶ್ರಣ ತೆಗೆದು ಕಟ್ಲೆಟ್‌ಗೆ ತಟ್ಟುವ ರೀತಿ ತಟ್ಟಬೇಕು.

3. ಬಾಣಲೆಯಲ್ಲಿ ಎಣ್ಣೆ ಕಾಯಿಸಿ ಅದರಲ್ಲಿ ಕಟ್ಲೇಟ್ ಹಾಕಿ ಕಂದು ಬಣ್ಣ ಬರುವಾಗ ತೆಗೆದರೆ ರುಚಿಯಾದ ಮ್ಯಾಗಿ ಕಟ್ಲೆಟ್ ರೆಡಿ. ಇದನ್ನು ಟೊಮೆಟೊ ಸಾಸ್ ಜೊತೆ ತಿನ್ನಲು ತುಂಬಾ ರುಚಿಯಾಗಿರುತ್ತದೆ.