ಸ್ಪೆಷಲ್ ಎಗ್ ಬೋಂಡಾ ರೆಸಿಪಿ

ಎಗ್ ಬೋಂಡಾ ರೆಸಿಪಿ ತುಂಬಾ ಸರಳವಾದ ಸ್ನ್ಯಾಕ್ಸ್ ರೆಸಿಪಿಯಾಗಿದೆ. ಮೊಟ್ಟೆಯನ್ನು ಮಸಾಲೆ ಮಿಕ್ಸ್ ಮಾಡಿದ ಕಡಲೆ ಹಿಟ್ಟಿನಲ್ಲಿ ಅದ್ದಿ ಫ್ರೈ ಮಾಡುವ ಎಗ್ ಬೋಂಡಾಕ್ಕಿಂತ ಇಲ್ಲಿ ನೀಡಿರುವ ಎಗ್ ಬೋಂಡಾ ತುಂಬಾ ರುಚಿಯಾಗಿರುತ್ತದೆ.

ಈ ರೆಸಿಪಿ ಟ್ರೈ ಮಾಡಬಯಸುವುದಾದರೆ ರೆಸಿಪಿ ನೋಡಿ ಇಲ್ಲಿದೆ:

ಬೇಕಾಗುವ ಪದಾರ್ಥಗಳು

ಬೇಯಿಸಿದ ಮೊಟ್ಟೆ 5
ಚಾಟ್ ಮಸಾಲ ಅರ್ಧ ಚಮಚ
ಈರುಳ್ಳಿ 2
ಟೊಮೆಟೊ 1
ಸ್ವಲ್ಪ ಕೊತ್ತಂಬರಿ ಸೊಪ್ಪು
1 ಚಮಚ ನಿಂಬೆ ರಸ
ಕಡಲೆ ಹಿಟ್ಟು ಅರ್ಧ ಕಪ್
ಕರಿ ಮೆಣಸಿನ ಪುಡಿ 1 + 1 ಚಮಚ
ರುಚಿಗೆ ತಕ್ಕ ಉಪ್ಪು
ಎಣ್ಣೆ

ಮಾಡುವ ವಿಧಾನ:

* ಕಡಲೆ ಹಿಟ್ಟಿಗೆ ಸ್ವಲ್ಪ ನೀರು ಹಾಕಿ 1 ಚಮಚ ಖಾರದ ಪುಡಿ ಮತ್ತು ರುಚಿಗೆ ತಕ್ಕ ಉಪ್ಪು ಹಾಕಿ ಕಲೆಸಿ(ಮಿಶ್ರಣ ತುಂಬಾ ನೀರು-ನೀರಾಗಿ ಇರಬಾರದು).

* ಈಗ ಮೊಟ್ಟೆಯನ್ನು ಸಮ ಅರ್ಧ ಭಾಗವಾಗಿ ಕತ್ತರಿಸಿ ಹಳದಿ ಭಾಗವನ್ನು ತೆಗೆದು ಒಂದು ಬಟ್ಟಲಿನಲ್ಲಿ ಹಾಕಿ, ಅದೇ ಬಟ್ಟಲಿಗೆ ಈರುಳ್ಳಿ ಮತ್ತು ಟೊಮೆಟೊ ಮತ್ತು ಕೊತ್ತಂಬರಿ ಸೊಪ್ಪನ್ನು ಚಿಕ್ಕದಾಗಿ ಕತ್ತರಿಸಿ ಹಾಕಿ, ಖಾರದ ಪುಡಿ ಚಿಟಿಕೆಯಷ್ಟು ಉಪ್ಪು, ಚಾಟ್ ಮಸಾಲ ಹಾಕಿ ಮಿಕ್ಸ್ ಮಾಡಿ.

* ಪ್ಯಾನ್ ನಲ್ಲಿ ಅರ್ಧದಷ್ಟು ಎಣ್ಣೆ ಹಾಕಿ ಕಾಯಿಸಿ.

* ಎಣ್ಣೆ ಕಾದಾಗ ಮೊಟ್ಟೆಯ ಬಿಳಿಯನ್ನು ತೆಗೆದುಕೊಂಡು ಅದರಲ್ಲಿ ಹಳದಿಯ ಮಿಶ್ರಣವನ್ನು ತುಂಬಿ, ಮತ್ತೊಂದು ಬಿಳಿಯಿಂದ ಕವರ್ ಮಾಡಿ , ನಂತರ ಕಡಲೆ ಹಿಟ್ಟಿನಲ್ಲಿ ಅದ್ದಿ ಎಣ್ಣೆಯಲ್ಲಿ ಹಾಕಿ ಕಂದು ಬಣ್ಣ ಬರುವವರೆಗೆ ಫ್ರೈ ಮಾಡಿ.

* ಇಷ್ಟು ಮಾಡಿದರೆ ಎಗ್ ಬೋಂಡಾ ರೆಡಿ.