ಕ್ಯಾರೆಟ್ ಮಂಚೂರಿಯನ್ ರುಚಿ ನೋಡಿದ್ದೀರಾ?

ಗೋಬಿ ಮಂಚೂರಿಯನ್, ಬೇಬಿ ಕಾರ್ನ್ ಮಂಚೂರಿಯನ್, ಮಶ್ರೂಮ್ ಮಂಚೂರಿಯನ್ ಇದೇ ಗುಂಪಿಗೆ ಸೇರುವ ಕ್ಯಾರೆಟ್ ಮಂಚೂರಿಯನ್ ನ ರುಚಿ ನೋಡಿದ್ದೀರಾ? ನಮ್ಮಲ್ಲಿ ಹೆಚ್ಚಿನವರು ಇದರ ರುಚಿ ನೋಡಿರುವುದಿಲ್ಲ, ಏಕೆಂದರೆ ಈ ಮಂಚೂರಿಯನ್ ಲಿಸ್ಟ್ ಹೋಟೆಲ್ ಗಳ ಮೆನುನಲ್ಲೂ ಕಾಣ ಸಿಗುವುದಿಲ್ಲ.

ಈ ಮಂಚೂರಿಯನ್ ರುಚಿ ನೋಡಿಲ್ಲವೆಂದರೆ ಇಂದೇ ಟ್ರೈ ಮಾಡಿ, ಇದನ್ನು ಸುಲಭವಾಗಿ ಮಾಡಬಹುದಾಗಿದ್ದು ರೆಸಿಪಿಗೆ ಮುಂದೆ ನೋಡಿ:

ಬೇಕಾಗುವ ಸಾಮಾಗ್ರಿಗಳು
ಕ್ಯಾರೆಟ್ 1/4 ಕೆಜಿ
ಬೆಳ್ಳುಳ್ಳಿ 4 ಎಸಳು
1 ಇಂಚಿನಷ್ಟು ದೊಡ್ಡದಿರುವ ಶುಂಠಿ (ಚಿಕ್ಕದಾಗಿ ಕತ್ತರಿಸಿ)
ಈರುಳ್ಳಿ1(ಕತ್ತರಿಸಿದ್ದು)
ಕ್ಯಾಪ್ಸಿಕಂ ಅರ್ಧದಷ್ಟು
ಟೊಮೆಟೊ ಪೇಸ್ಟ್ 5 ಚಮಚ
ಚಿಲ್ಲಿ ಸಾಸ್ ಅರ್ಧ ಚಮಚ
ಸೋಯಾ ಸಾಸ್ ಅರ್ಧ ಚಮಚ
ಜೋಳದ ಹಿಟ್ಟು 1 ಚಮಚ
ಕೊತ್ತಂಬರಿ ಸೊಪ್ಪು
ರುಚಿಗೆ ತಕ್ಕ ಉಪ್ಪು

ಎಣ್ಣೆ

ಹಿಟ್ಟಿಗೆ ಸಾಮಾಗ್ರಿಗಳು
ಮೈದಾ 1/4 ಕಪ್
ಜೋಳದ ಹಿಟ್ಟು 3 ಚಮಚ
ಖಾರದ ಪುಡಿ ಅರ್ಧ ಚಮಚ
ಕರಿ ಮೆಣಸಿನ ಪುಡಿ ಅರ್ಧ ಚಮಚ
ಶುಂಠಿ-ಬೆಳ್ಳುಳ್ಳಿ ಪೇಸ್ಟ್ ಅರ್ಧ ಚಮಚ
ರುಚಿಗೆ ತಕ್ಕ ಉಪ್ಪು

ತಯಾರಿಸುವ ವಿಧಾನ:

* ಹಿಟ್ಟಿಗೆ ಹೇಳಿರುವ ಸಾಮಾಗ್ರಿಗಳನ್ನು ಹಾಕಿ, ಅದಕ್ಕೆ ಸ್ವಲ್ಪ ನೀರು ಹಾಕಿ ಹಿಟ್ಟು ಸ್ವಲ್ಪ ಗಟ್ಟಿಯಾಗಿರುವಂತೆ ಕಲೆಸಿ.

* ಈಗ ಬಾಣಲೆಗೆ ಅರ್ಧದಷ್ಟು ಎಣ್ಣೆ ಹಾಕಿ ಕಾಯಿಸಿ.

* ಈಗ ಕ್ಯಾರೆಟ್ ತುಂಡುಗಳನ್ನು ಹಿಟ್ಟಿಗೆ ಅದ್ದಿ, ಅದನ್ನು ಎಣ್ಣೆಯಲ್ಲಿ ಹಾಕಿ ಗೋಲ್ಡನ್ ಬ್ರೌನ್ ಬಣ್ಣ ಬರುವವರೆಗೆ ಫ್ರೈ ಮಾಡಿ, ಒಂದು ಪಾತ್ರೆಯಲ್ಲಿ ಹಾಕಿ ಬದಿಯಲ್ಲಿಡಿ.

* ಈಗ ಸಾಸ್ ಗೆ 1 ಚಮಚ ಎಣ್ಣೆಯನ್ನು ಬಾಣಲೆಗೆ ಹಾಕಿ ಬಿಸಿ ಮಾಡಿ, ಅದಕ್ಕೆ ಶುಂಠಿ-ಬೆಳ್ಳುಳ್ಳಿ ಪೇಸ್ಟ್, ಹಸಿ ಮೆಣಸಿನಕಾಯಿ, ಕ್ಯಾಪ್ಸಿಕಂ, ಈರುಳ್ಳಿ ಹಾಕಿ, ಈರುಳ್ಳಿ ಕಂದು ಬಣ್ಣ ಬರುವವರೆಗೆ ಫ್ರೈ ಮಾಡಿ. ಈಗ ಟೊಮೆಟೊ ಸಾಸ್, ಚಿಲ್ಲಿ ಮತ್ತು ಸೋಯಾ ಸಾಸ್ ಹಾಕಿ, 1 ಗ್ಲಾಸ್ ನೀರು ತೆಗೆದುಕೊಂಡು ಅದರಲ್ಲಿ ಜೋಳದ ಹಿಟ್ಟು ಮಿಶ್ರಣ ಮಾಡಿ, ಅದನ್ನು ಪಾತ್ರೆಗೆ ಹಾಕಿ, ಸ್ವಲ್ಪ ಉಪ್ಪು ಸೇರಿಸಿ, ಫ್ರೈ ಮಾಡಿದ ಕ್ಯಾರೆಟ್ ಹಾಕಿ ಮಿಕ್ಸ್ ಮಾಡಿ, ಕೊತತ್ಂಬರಿ ಸೊಪ್ಪಿನಿಂದ ಅಲಂಕರಿಸಿದರೆ ಕ್ಯಾರೆಟ್ ಮಂಚೂರಿಯನ್ ರೆಡಿ.