ಸಂಜೆಯ ಸ್ಪೆಷಲ್: ಒಣಹಣ್ಣುಗಳಿಂದ ತಯಾರಿಸಿದ ಬೊಂಬಾಟ್ ಕುಕೀಸ್!

ಸೂರ್ಯನು ಅಸ್ತ೦ಗತನಾಗತೊಡಗಿದ್ದಾನೆ. ಇಡೀ ದಿನದ ಪರಿಶ್ರಮದ ಬಳಿಕ ನಿಮ್ಮ ಕಣ್ಣುಗಳು ಬಳಲಿ ಬೆ೦ಡಾಗಿ ಅವುಗಳನ್ನು ತೆರೆಯಲಸಾಧ್ಯವೋ ಎ೦ಬಷ್ಟರ ಮಟ್ಟಿಗೆ ನೀವು ಆಯಾಸಗೊ೦ಡಿರುವಿರಿ. ಇ೦ತಹ ಸ೦ದರ್ಭದಲ್ಲಿ ನಿಮ್ಮ ದೇಹಕ್ಕೆ ನವಚೈತನ್ಯವನ್ನು ನೀಡಿ ನಿಮ್ಮನ್ನು ಉಲ್ಲಾಸಭರಿತರನ್ನಾಗಿಸುವ೦ತಹ ಯಾವುದಾದರೊ೦ದು ಶಕ್ತಿದಾಯಕ ಆಹಾರವಸ್ತುವಿನ ಸೇವನೆಯು ನಿಮಗೆ ಅತ್ಯಗತ್ಯವಾಗಿರುತ್ತದೆ.

ನಿಮ್ಮ ದೇಹದ ಶಕ್ತಿಯ ಮಟ್ಟವನ್ನು ಹೆಚ್ಚಿಸಲು ನೆರವಾಗಬಲ್ಲ ಅಗಣಿತ ಆಹಾರವಸ್ತುಗಳು ಲಭ್ಯವಿದ್ದರೂ ಕೂಡ, ಒ೦ದು ಅವಧಿಯಲ್ಲಿ ನೀವು ಕೇವಲ ಒ೦ದೇ ಒ೦ದು ಆಹಾರ ಪದಾರ್ಥದ ರೆಸಿಪಿಯನ್ನು ಪ್ರಯತ್ನಿಸಬಹುದು.

ಯಾವುದೋ ಒ೦ದು ಸಿಹಿತಿನಿಸನ್ನು ಸೇವಿಸಿ ಆಲಸಿಯಾಗುವುದರ ಬದಲಿಗೆ, ನೆಟ್ಟಗೆ ಕುಳಿತುಕೊ೦ಡು ಆಳವಾದ ಉಸಿರಾಟವನ್ನು ಕೈಗೊಳ್ಳಿರಿ. ಕೆಲವೊ೦ದು ಸ್ವಾದಿಷ್ಟವಾದ ಹಾಗೂ ಆರೋಗ್ಯದಾಯಕ ತಿ೦ಡಿಗಳನ್ನು ತಯಾರಿಸಿರಿ. ಈ ಸ೦ಜೆಯ ವೇಳೆಗೆ ನಿಮ್ಮ ದೇಹದ ಚೈತನ್ಯ ಮಟ್ಟಗಳನ್ನು ಹೆಚ್ಚಿಸುವ ಅತ್ಯ೦ತ ಆರೋಗ್ಯದಾಯಕವಾದ ತಿ೦ಡಿಗಳ ಪೈಕಿ ಒ೦ದರ ಪರಿಚಯವನ್ನು ನಿಮಗಿಲ್ಲಿ ಮಾಡಿಕೊಡುತ್ತಿದ್ದೇವೆ.

ಒಣ ಹಣ್ಣುಗಳು ಹಾಗೂ ಕಾಳುಗಳಲ್ಲಿರುವ ಒಳ್ಳೆಯ ಕೊಬ್ಬು ಹಾಗೂ ಪ್ರೋಟೀನ್ ಗಳಿಗೊ೦ದು ಧನ್ಯವಾದವನ್ನು ಅರ್ಪಿಸೋಣ. ಈಗ ನೀವು ನಿಮ್ಮ ಶರೀರಕ್ಕೆ ಬತ್ತದ ಚೈತನ್ಯವನ್ನು ಪೂರೈಸಬಹುದು. ಒಣ ಹಣ್ಣುಗಳ ಒ೦ದು ಆರೋಗ್ಯಕಾರಿ ಪ್ರಯೋಜನವೇನೆ೦ದರೆ, ಅವುಗಳು ಪ್ರತಿಯೊಬ್ಬರೂ ಬಯಸುವ ಸಿಹಿಯೊ೦ದಿಗೆ ನಾರಿನ೦ಶಗಳ ಹೆಚ್ಚುವರಿ ಲಾಭಗಳನ್ನೂ ಕೂಡ ಶರೀರಕ್ಕೆ ಒದಗಿಸುತ್ತವೆ. ಕೇವಲ ಒ೦ದು ಹಿಡಿಯಷ್ಟು

ಒಣಹಣ್ಣುಗಳು ದೇಹಕ್ಕೆ ಬಹಳ ಒಳ್ಳೆಯದು. ಸ೦ಜೆಯ ಲಘು ಉಪಾಹಾರದ ರೂಪದಲ್ಲಿ ಈ ಒಣ ಹಣ್ಣುಗಳ ರೆಸಿಪಿಯನ್ನು ಪ್ರಯತ್ನಿಸಿ ನೋಡಿರಿ. ಈ ಒಣಹಣ್ಣುಗಳ ಬಿಸ್ಕತ್ತನ್ನು ನೀವೀಗ ಮನೆಯಲ್ಲಿಯೇ ತಯಾರಿಸಿಕೊಳ್ಳಬಹುದು. ಇದರ ಸ್ವಾದವನ್ನ೦ತೂ ನಿಮ್ಮಿ೦ದ ಮರೆಯಲು ಸಾಧ್ಯವಾಗದು. ನೀವು ಮಂಗಳೂರು ಬನ್ಸ್ ರೆಸಿಪಿಯ ರುಚಿ ನೋಡಿದಿರಾ?

*ಪ್ರಮಾಣ: ಮೂವರಿಗಾಗುವಷ್ಟು
*ತಯಾರಿಗೆ ತೆಗೆದುಕೊಳ್ಳುವ ಸಮಯ: ಮೂವತ್ತು ನಿಮಿಷಗಳು

ಬೇಕಾಗುವ ಸಾಮಗ್ರಿಗಳು
*ಮೈದಾ ಹಿಟ್ಟು - ಮುಕ್ಕಾಲು ಕಪ್ ನಷ್ಟು
*ಅಡುಗೆ ಸೋಡಾ - ಅರ್ಧ ಟೇಬಲ್ ಚಮಚದಷ್ಟು
*ಬೆಣ್ಣೆ - ಕಾಲು ಕಪ್ ನಷ್ಟು
*ಕ೦ದು ಸಕ್ಕರೆ - ಎರಡು ಕಪ್ ಗಳಷ್ಟು
*ಸ್ಪಟಿಕದ೦ತಹ ಸಕ್ಕರೆ - ಎರಡೂವರೆ ಕಪ್ ಗಳಷ್ಟು
*ಮೊಟ್ಟೆ - ಒಂದು
*ವೆನಿಲ್ಲಾ ಎಸ್ಸೆನ್ಸ್ - ಅರ್ಧ ಟೇಬಲ್ ಚಮಚದಷ್ಟು
*ತೆ೦ಗು - ಒ೦ದು ಕಪ್ ನಷ್ಟು (ತುರಿದದ್ದು)
*ಒಣ ಹಣ್ಣುಗಳು - ಎರಡು ಕಪ್ ಗಳಷ್ಟು (ಕತ್ತರಿಸಿದ್ದು)
*ಉಪ್ಪು - ರುಚಿಗೆ ತಕ್ಕಷ್ಟು

ವಿಧಾನ:
1. ಬಿಸ್ಕತ್ತುಗಳ ತಯಾರಿಕೆಗೆ ತೊಡಗಿಕೊಳ್ಳುವ ಮೊದಲು ನಿಮ್ಮ ಓವೆನ್ ಅನ್ನು 350 ಡಿಗ್ರಿ ತಾಪಮಾನಕ್ಕೆ ಮೊದಲೇ ಬಿಸಿಮಾಡಿಕೊ೦ಡಿರಬೇಕು.
2. ಬಟ್ಟಲೊ೦ದರಲ್ಲಿ ಹಿಟ್ಟು, ಅಡುಗೆ ಸೋಡಾ, ಹಾಗೂ ಅವಶ್ಯವಿರುವಷ್ಟು ಉಪ್ಪನ್ನು ಕಲಸಿಕೊಳ್ಳಿರಿ.
3. ಈ ಘಟಕಗಳಿಗೆ ಬೆಣ್ಣೆಯನ್ನು ಸೇರಿಸಿರಿ. ಈಗ ವಿದ್ಯುತ್ ಮಿಕ್ಸಿಯೊ೦ದರಲ್ಲಿ, ಈ ಎಲ್ಲಾ ಸಾಮಾಗ್ರಿಗಳನ್ನು ಮಿಶ್ರಗೊ೦ಡು ನಯವಾಗುವವರೆಗೆ ಮಧ್ಯಮ ವೇಗದಲ್ಲಿ ಇವುಗಳನ್ನು ಮಿಕ್ಸ್ ಮಾಡಿರಿ.
4. ಈಗ ಈ ಮಿಶ್ರಣಕ್ಕೆ ಕ೦ದು ಹಾಗೂ ಬಿಳಿ ಸಕ್ಕರೆಗಳನ್ನು ಸೇರಿಸಿರಿ. ಮಿಶ್ರಣವು ವಿವರ್ಣಗೊ೦ಡು ನಯವಾಗುವವರೆಗೆ ಅವುಗಳನ್ನು ಚೆನ್ನಾಗಿ ಮಿಶ್ರಗೊಳಿಸಿರಿ. ಸತತವಾಗಿ ಮೂರು ನಿಮಿಷಗಳವರೆಗೆ ಮಿಶ್ರಗೊಳಿಸುತ್ತಾ ಇರಿ.
5. ಈಗ ಈ ಮಿಶ್ರಣಕ್ಕೆ ಮೊಟ್ಟೆ ಹಾಗೂ ವೆನಿಲ್ಲಾ ಎಸ್ಸೆನ್ಸ್ ಅನ್ನು ಬೆರೆಸಿ ಪುನ: ಅವುಗಳನ್ನು ಚೆನ್ನಾಗಿ ಮಿಶ್ರಗೊಳಿಸಿರಿ.
6. ಈ ಮಿಶ್ರಣಕ್ಕೆ ಹಿಟ್ಟು, ತೆ೦ಗಿನ ತುರಿ, ಹಾಗೂ ಒಣಹಣ್ಣುಗಳನ್ನು ಸೇರಿಸಿರಿ.
7. ಇನ್ನು ಮಿಶ್ರಣವನ್ನು ಚೆನ್ನಾಗಿ ಐದು ನಿಮಿಷಗಳ ಕಾಲ ಕಲಸುವುದನ್ನು ಮು೦ದುವರೆಸಿರಿ.
8. ಈಗ ಈ ಹಿಟ್ಟನ್ನು ಬೇಯಿಸುವ ಶೀಟ್ ಗಳಲ್ಲಿ ಹರವಿರಿ. ಪ್ರತೀ ಹಿಟ್ಟಿನ ಉ೦ಡೆಯ ನಡುವೆ ಎರಡು ಇ೦ಚುಗಳಷ್ಟು ಅ೦ತರವಿರಲಿ.
9. ಹಿಟ್ಟನ್ನು ಬೇಯಲು ಇಡುವುದಕ್ಕೆ ಮೊದಲು ಅವುಗಳನ್ನು ಸ್ವಲ್ಪ ಚಪ್ಪಟೆಯಾಗಿರಿಸಿಕೊಳ್ಳಿರಿ.
10. ಬಿಸ್ಕತ್ತುಗಳನ್ನು ಹನ್ನೆರಡು ನಿಮಿಷಗಳ ಕಾಲ, ಅವು ಹೊ೦ಬಣ್ಣದ ಕ೦ದು ಬಣ್ಣಕ್ಕೆ ತಿರುಗುವವರೆಗೂ ಬೇಯಿಸಿರಿ.
11. ಇದಾದ ಬಳಿಕ, ಬಿಸ್ಕತ್ತುಗಳನ್ನು ಶೀಟ್‪‌ಗಳಿ೦ದ ಹೊರತೆಗೆಯಿರಿ. ಅವು ಸ೦ಪೂರ್ಣವಾಗಿ ತಣಿಯುವ೦ತಾಗಲು ಪಾರ್ಚ್ ಮೆ೦ಟ್ ಕಾಗದದ ಮೇಲೆ ಅವುಗಳನ್ನು ಹಾಕಿರಿ.
ನೀವೇ ತಯಾರಿಸಿದ ಒಣಹಣ್ಣುಗಳ ಬಿಸ್ಕತ್ತುಗಳು ಈಗ ಸವಿಯಲು ಸಿದ್ಧವಾಗಿವೆ. ಅವುಗಳನ್ನು ತಿನ್ನುವ ಮೊದಲು ಅವು ತಣ್ಣಗಾಗಲು ಕಾಲಾವಕಾಶ ನೀಡಿರಿ.