ಚೀಸ್ ಮತ್ತು ಜೋಳದ ಬೋಂಡಾ ರೆಸಿಪಿ

ಚಳಿಗಾಲದಲ್ಲಿ ಕುರುಕಲು ತಿಂಡಿಗಳನ್ನು ಹೆಚ್ಚಾಗಿ ತಿನ್ನುತ್ತೇವೆ. ಟೀ ಜೊತೆ ಬೋಂಡಾದಂತಹ ತಿಂಡಿಯನ್ನು ತಿನ್ನಬೇಕೆಂದು ಅನಿಸುವುದು ಸಹಜ ತಾನೇ? ಈರುಳ್ಳಿ ಪಕೋಡ, ಆಲೂಗೆಡ್ಡೆ ಬೋಂಡಾ ಈ ರೀತಿಯ ತಿಂಡಿಗಳನ್ನು ಸಾಮಾನ್ಯವಾಗಿ ತಯಾರಿಸುತ್ತಿರುತ್ತೇವೆ.

ಆದರೆ ಎಂದಾದರೂ ಈ ಚೀಸ್ ಮತ್ತು ಜೋಳ ಹಾಕಿ ತಯಾರಿಸಿದ ಬೋಂಡಾದ ರುಚಿ ನೋಡಿದ್ದೀರಾ? ಇಲ್ಲ ಅಂದರೆ ಈ ತಿಂಡಿಯನ್ನು ಮನೆಯಲ್ಲಿಯೇ ಮಾಡಿ ರುಚಿಯನ್ನು ಸವಿಯಬಹುದು.ಇದನ್ನು ಮಾಡುವ ವಿಧಾನ ಸುಲಭವಾಗಿದ್ದು ರೆಸಿಪಿ ನೋಡಿ ಇಲ್ಲಿದೆ.

ಬೇಕಾಗುವ ಸಾಮಾಗ್ರಿಗಳು:
* ಜೋಳ 1 ಕಪ್ (ಬೇಯಿಸಿದ್ದು)
* ಚೀಸ್ 1 ಕಪ್
* ದುಂಡು ಮೆಣಸಿನ ಕಾಯಿ ಅರ್ಧ ಕಪ್
* ಆಲೂಗೆಡ್ಡೆ 2 (ಬೇಯಿಸಿ ಹಿಸುಕಿದ್ದು)
* ಹಸಿ ಮೆಣಸಿನಕಾಯಿ 2(ಕತ್ತರಿಸಿದ್ದು)
* ಜೋಳದ ಪುಡಿ 1 ಚಮಚ
* ಮೈದಾ ಹಿಟ್ಟು 4 ಚಮಚ
* ಕರಿಮೆಣಸಿನ ಪುಡಿ 1 ಚಮಚ
* ಖಾರದ ಪುಡಿ 1 ಚಮಚ
* ಬ್ರೆಡ್ ಚೂರುಗಳು ಅರ್ಧ ಕಪ್
* ನೀರು 1 ಕಪ್
* ಎಣ್ಣೆ

ತಯಾರಿಸುವ ವಿಧಾನ:

1. ಒಂದು ಬಟ್ಟಲಿನಲ್ಲಿ ಬೇಯಿಸಿದ ಜೋಳ, ಚೀಸ್, ಆಲೂಗೆಡ್ಡೆ ಮತ್ತು ದುಂಡು ಮೆಣಸಿನಕಾಯಿ ಹಾಕಿ ಮಿಶ್ರಣ ಮಾಡಬೇಕು.

2. ಅದಕ್ಕೆ ಹಸಿ ಮೆಣಸಿನಕಾಯಿ, ಉಪ್ಪು ಹಾಕಿ ಚೆನ್ನಾಗಿ ಮಿಶ್ರಣ ಮಾಡಬೇಕು.

3. ಮತ್ತೊಂದು ಚಿಕ್ಕ ಬಟ್ಟಲಿನಲ್ಲಿ ಮೈದಾ ಹಾಗೂ ಜೋಳದ ಹಿಟ್ಟನ್ನು ಹಾಕಿ ಸ್ವಲ್ಪ ನೀರು ಹಾಕಿ ಕಲೆಸಬೇಕು. ಅದಕ್ಕೆ ಚಿಟಕೆಯಷ್ಟು ಉಪ್ಪು ಮತ್ತು ಖಾರದ ಪುಡಿ ಹಾಕಬೇಕು.

4. ಈಗ ಬಾಣಲೆಯಲ್ಲಿ ಅರ್ಧದಷ್ಟು ಎಣ್ಣೆ ಹಾಕಿ ಕಾಯಿಸಿ.

5. ಈಗ ಉಂಡೆಯನ್ನು ಮೈದಾ ಮಿಶ್ರಣದಲ್ಲಿ ಅದ್ದಿ , ಬ್ರೆಡ್ ಚೂರುಗಳಲ್ಲಿ ಹೊರಳಾಡಿಸಿ ಎಣ್ಣೆಯಲ್ಲಿ ಹಾಕಿ ಕಂಡು ಬಣ್ಣ ಬರುವವರೆಗೆ ಕರಿಯಿರಿ. ಇದನ್ನು ಬಿಸಿ-ಬಿಸಿ ಟೀ ಜೊತೆ ತಿನ್ನಲು ತುಂಬಾ ರುಚಿಯಾಗಿರುತ್ತದೆ.