ಉಳಿದ ಚಪಾತಿಯಿಂದ ಹೆಲ್ತಿ ಸ್ನ್ಯಾಕ್ಸ್-ಚಪಾತಿ ರೋಲ್

ಬೆಳಗ್ಗೆ ಚಪಾತಿ ಮಾಡಿದ್ದು ಉಳಿದಿದ್ದರೆ ಅವುಗಳಿಂದ ಸಂಜೆಗೆ ರುಚಿಕರವಾದ ಚಪಾತಿ ರೋಲ್ ಸ್ನ್ಯಾಕ್ಸ್ ಮಾಡಬಹುದು. ಈ ಚಪಾತಿ ರೋಲ್ ಮಕ್ಕಳಿಗಂತೂ ತುಂಬಾ ಇಷ್ಟವಾಗುವುದು.

ಈ ರೋಲ್ ಮಾಡುವುದೇನು ಕಷ್ಟವಲ್ಲ, ಚಪಾತಿ ಒಳಗೆ ತುಂಬಲು ಮಸಾಲೆ ರೆಡಿ ಮಾಡಿದರೆ ಸಾಕು, ಬನ್ನಿ ಸಂಜೆ ಟೀಗೆ ಚಪಾತಿ ರೋಲ್ ರೆಡಿ ಮಾಡುವುದು ಹೇಗೆ ಎಂದು ನೋಡೋಣ:

ಬೇಕಾಗುವ ಸಾಮಾಗ್ರಿಗಳು
ಚಪಾತಿ 4
ಈರುಳ್ಳಿ
ಈರುಳ್ಳಿ 2 ಎಸಳು
ಬೀನ್ಸ್ 5-6
ಕ್ಯಾರೆಟ್ 1, ಜೋಳ ಇದ್ದರೆ ಅರ್ಧ ಕಪ್ ಜೋಳ
ಎಲೆಕೋಸು ಅರ್ಧ ಕಪ್
ಖಾರದ ಪುಡಿ ಅರ್ಧ ಚಮಚ
ಕೊತ್ತಂಬರಿ ಪುಡಿ ಅರ್ಧ ಚಮಚ
ರುಚಿಗೆ ತಕ್ಕ ಉಪ್ಪು
ಎಣ್ಣೆ 2 ಚಮಚ

ತಯಾರಿಸುವ ವಿಧಾನ:

* ಪಾತ್ರೆಯಲ್ಲಿ ಎಣ್ಣೆ ಹಾಕಿ ಬಿಸಿ ಮಾಡಿ, ಈರುಳ್ಳಿ ಹಾಕಿ ಕಂದು ಬಣ್ಣ ಬರುವವರೆಗೆ ಹುರಿಯಿರಿ.

* ನಂತರ ಬೆಳ್ಳುಳ್ಳಿ 2 ನಿಮಿಷ ಹುರಿಯಿರಿ, ನಂತರ, ತರಕಾರಿ, ಜೋಳ ಹಾಕಿ 3-4 ನಿಮಿಷ ಹುರಿಯಿರಿ.

* ಈಗ ಕೊತ್ತಂಬರಿ ಪುಡಿ, ಖಾರದ ಪುಡಿ, ರುಚಿಗೆ ತಕ್ಕ ಉಪ್ಪು ಹಾಕಿ ಮಿಕ್ಸ್ ಮಾಡಿ ಸ್ವಲ್ಪ ನೀರು ಹಾಕಿ 10 ನಿಮಿಷ ಬೇಯಿಸಿ.

* ಈ ರೀತಿ ಬೇಯಿಸುವಾಗ ಆಗಾಗ ತಳ ಹಿಡಿಯದಿರಲು ಆಗಾಗ ಸೌಟ್ ನಿಂದ ಆಡಿಸಿ.

* ಈಗ ಗಟ್ಟಿಯಾದ ಮಸಾಲೆಯನ್ನು ಚಪಾತಿ ಒಳಗೆ ಹಾಕಿ ರೋಲ್ ಮಾಡಿ, ಅದನ್ನು silver foilನಲ್ಲಿ ಸುತ್ತಿದರೆ ಚಪಾತಿ ರೋಲ್ ರೆಡಿ.