ಇದು ಸವಿರುಚಿಯ ದಹಿ ಕಬಾಬ್ !

Snacks

oi-Reena

By Hema S

Published: Thursday, May 24, 2012, 10:17 [IST]

ಇದು ಸ್ವಲ್ಪ ವಿಶೇಷವಾದ ಅಡುಗೆಯಾಗಿದೆ. ಕಬಾಬ್ ಅಂದರೆ ಚಿಕನ್ ಅಥವಾ ವೆಜ್ ಕಬಾಬ್ ಬಗ್ಗೆ ಕೇಳಿದ್ದೇವೆ. ನಮ್ಮಲ್ಲಿ ಅನೇಕರು ರುಚಿ ಕೂಡ ನೋಡಿರುತ್ತೇವೆ. ಆದರೆ ದಹಿ ಅಂದರೆ ಮೊಸರಿನ ಕಬಾಬ್ ರುಚಿ ನೋಡಿದ್ದೀರಾ ಅಥವಾ ಕೇಳಿದ್ದೀರಾ? ಇಲ್ಲ ಅಂದರೆ ಅದರ ರೆಸಿಪಿ ನೋಡಿ ಇಲ್ಲಿದೆ. ಅಪರೂಪದ ಕಬಾಬ್ ಟ್ರೈ ಮಾಡಿ ನೋಡಿ. ಇದರ ರುಚಿ ನಿಮಗೆ ಇಷ್ಟವಾಗುವುದು.

ಬೇಕಾಗುವ ಸಾಮಾಗ್ರಿಗಳು:

* ಒಂದು ಲೀಟರ್ ಮೊಸರು
* 100 ಗ್ರಾಂ ತುರಿದ ಚೀಸ್
* ಕತ್ತರಿಸಿದ ಈರುಳ್ಳಿ 1
* ಶುಂಠಿ ಪೇಸ್ಟ್ 1 ಚಮಚ
* ಸ್ವಲ್ಪ ಕೊತ್ತಂಬರಿ ಸೊಪ್ಪು
* ಸ್ವಲ್ಪ ಹಿಟ್ಟು (ಗೋಧಿ ಅಥವಾ ಅಕ್ಕಿ ಹಿಟ್ಟು)
* ಕತ್ತರಿಸಿದ ಒಣದ್ರಾಕ್ಷಿ 30 ಗ್ರಾಂ
* ಕರಿಮೆಣಸಿನ ಪುಡಿ 1 ಚಮಚ
* ಏಲಕ್ಕಿ ಪುಡಿ 1 ಚಮಚ
* ರುಚಿಗೆ ತಕ್ಕ ಉಪ್ಪು
* ಎಣ್ಣೆ

ತಯಾರಿಸುವ ವಿಧಾನ:

1.ಮೊಸರನ್ನು ಒಂದು ರಾತ್ರಿ ಇಡಬೇಕು.
2. ಈರುಳ್ಳಿಯನ್ನು ಚಿಕ್ಕದಾಗಿ ಉದ್ದದ್ದವಾಗಿ ಕತ್ತರಿಸಿ ಮೊಸರಿಗೆ ಹಾಕಬೇಕು.
3.ಈಗ ಇತರ ಸಾಮಾಗ್ರಿಗಳನ್ನು ಹಾಕಬೇಕು. ನಂತರ ರುಚಿಗೆ ತಕ್ಕ ಉಪ್ಪು ಹಾಕಿ ಚೆನ್ನಾಗಿ ಮಿಶ್ರ ಮಾಡಬೇಕು.
4. ನಂತರ ಚಿಕ್ಕದಾಗಿ ಉಂಡೆಕಟ್ಟ ಬೇಕು. ಅದನ್ನು ಬೇಕಾದ ಆಕಾರದಲ್ಲಿ ತಟ್ಟಿಡಬೇಕು.
5. ನಂತರ ಅದನ್ನು ಕುದಿಯುವ ಎಣ್ಣೆಯಲ್ಲಿ ಹಾಕಿ ಕರೆಯಬೇಕು.
6. ಇದನ್ನು ಚಟ್ನಿ ಜೊತೆ ತಿನ್ನಲು ತುಂಬಾ ರುಚಿಕರವಾಗಿರುತ್ತದೆ.