ಕಾರ್ನ್ ಅಂಡ್ ಚೀಸ್ ಬಾಲ್ ರೆಸಿಪಿ

ಇಲ್ಲಿ ನಾನು ಕಾರ್ನ್ ಅಂಡ್ ಚೀಸ್ ಬಾಲ್ ಎಂಬ ಸ್ಪೆಷಲ್ ರೆಸಿಪಿ ಪರಿಚಯಿಸುತ್ತಿದ್ದೇನೆ. ನಾನು ಮೊದಲ ಸಲ ರೆಸಿಪಿ ಮಾಡಿದಾಗ ಮನೆಯಲ್ಲಿ ಎಲ್ಲರಿಗೂ ತುಂಬಾ ಇಷ್ಟವಾಯಿತು, ಆ ದಿನ ಮಗ, ಗಂಡ ಎಲ್ಲಾ ನನ್ನ ಹೊಗಳಿದ್ದೇ-ಹೊಗಳಿದ್ದು, ಅಲ್ಲಿಂದ ತುಂಬಾ ಸಲ ಈ ಸ್ನ್ಯಾಕ್ಸ್ ತಯಾರಿಸಿದ್ದೇನೆ.

ಈ ರುಚಿಕರವಾದ ಸ್ಪೆಷಲ್ ಸ್ನ್ಯಾಕ್ಸ್ ನ ರೆಸಿಪಿಯನ್ನು ನಿಮ್ಮೊಂದಿಗೆ ಹಂಚಿಕೊಳ್ಳಲು ಇಷ್ಟಪಡುತ್ತೇನೆ. ನೀವು ಇದನ್ನು ಟ್ರೈ ಮಾಡಿ, ಖಂಡಿತ ಇದರ ರುಚಿ ನಿಮಗೆ ಇಷ್ಟವಾಗುವುದು.

ಬೇಕಾಗುವ ಪದಾರ್ಥಗಳು
ಜೋಳ 1 ಕಪ್
ಪನೀರ್ 100 ಗ್ರಾಂ
ಚೀಸ್ 3/4 ಕಪ್
ಜೋಳದ ಹಿಟ್ಟು 2 ಚಮಚ
ಮೈದಾ 1/4 ಕಪ್
ರುಚಿಗೆ ತಕ್ಕ ಉಪ್ಪು
ಹಸಿ ಮೆಣಸಿನಕಾಯಿ 1
ಕೊತ್ತಂಬರಿ ಸೊಪ್ಪು 2 ಚಮಚ
ಅಡುಗೆ ಸೋಡಾ 1/2 ಚಮಚ
ಹಾಲು 1/4 ಕಪ್
ಬ್ರೆಡ್ ಚೂರು 1/4 ಕಪ್
ಡೀಪ್ ಫ್ರೈ ಮಾಡಲು ಎಣ್ಣೆ

ಮಾಡುವ ವಿಧಾನ:

ಮಾಡುವ ವಿಧಾನ:

* ಜೋಳವನ್ನು ಬೇಯಿಸಿ. ನಂತರ ನೀರನ್ನು ಬಸಿದು ತರಿತರಿಯಾಗಿ ರುಬ್ಬಿ.

* ಪನೀರ್ ಅನ್ನು ತರಿತರಿಯಾಗಿ ತುರಿಯಿರಿ. ಪನೀರ್ ಬದಲು ಆಲೂಗಡ್ಡೆಯನ್ನು ತುರಿದು ಹಾಕಬಹುದು.

* ಈಗ ಸ್ವಲ್ಪ ದೊಡ್ಡ ಬಟ್ಟಲಿನಲ್ಲಿ ರುಬ್ಬಿದ ಜೋಳ, ಪನೀರ್, ಚೀಸ್, ಜೋಳದ ಹಿಟ್ಟು, ಮೈದಾ, ರುಚಿಗೆ ತಕ್ಕ ಉಪ್ಪು, ಸಕ್ಕರೆ, ಹಸಿ ಮೆಣಸಿನಕಾಯಿ, ಕೊತ್ತಂಬರಿ ಸೊಪ್ಪು, ಅಡುಗೆ ಸೋಡಾ ಹಾಕಿ ಮಿಕ್ಸ್ ಮಾಡಿ.

* ನಂತರ ಇವುಗಳಿಂದ ಚಿಕ್ಕ-ಚಿಕ್ಕ ಉಂಡೆ ಕಟ್ಟಿ. ನಂತರ 20 ನಿಮಿಷ ಫ್ರಿಜ್ ನಲ್ಲಿಡಿ.

* ಉಂಡೆಯನ್ನು ಹಾಲಿನಲ್ಲಿ ಅದ್ದಿ, ನಂತರ ಬ್ರೆಡ್ ಚೂರುನಲ್ಲಿ ಹೊರಳಾಡಿಸಿ ಮತ್ತೆ ಫ್ರಿಜ್ ನಲ್ಲಿ 15 ನಿಮಿಷ ಇಡಿ.

* ಈಗ ಉಂಡೆಗಳನ್ನು ಫ್ರಿಜ್ ನಿಂದ ತೆಗೆದು ರೂಮಿನ ಉಷ್ಣತೆಯಲ್ಲಿ ಇಡಿ.

* ನಂತರ ಡೀಪ್ ಫ್ರೈ ಮಾಡಲು ಪ್ಯಾನ್ ಗೆ ಎಣ್ಣೆ ಹಾಕಿ ಗ್ಯಾಸ್ ಮೇಲೆ ಇಡಿ. ಎಣ್ಣೆ ಕಾದಾಗ ಉಂಡೆಗಳನ್ನು ಹಾಕಿ, ಕಂದು ಬಣ್ಣ ಬರುವವರೆಗೆ ಫ್ರೈ ಮಾಡಿದರೆ ಕಾರ್ನ್ ಅಂಡ್ ಚೀಸ್ ಬಾಲ್ ರೆಡಿ.

* ಕರಿದ ಉಂಡೆ ಬಿಸಿ-ಬಿಸಿ ಇರುವಾಗಲೇ ಟೊಮೆಟೊ ಕೆಚಪ್ ಜೊತೆ ಸವಿಯಿರಿ.