ಎಗ್ ಚೀಸ್ ಸ್ಯಾಂಡ್ ವಿಚ್ ರೆಸಿಪಿ

ಸ್ಯಾಂಡ್ ವಿಚ್ ಆರೋಗ್ಯಕರ, ಅನಾರೋಗ್ಯಕರ ಅನ್ನುವುದು ನೀವು ಮಾಡಿ ತಿನ್ನುವ ರೀತಿಯಲ್ಲಿದೆ. ಗೋಧಿ ಬ್ರೆಡ್, ಧಾನ್ಯದ ಬ್ರೆಡ್ ಬಳಸಿ ಸ್ಯಾಂಡ್ ವಿಚ್ ಮಾಡಿದರೆ ಆರೋಗ್ಯಕರ. ಇಲ್ಲಿ ನಾವು ತುಂಬಾ ಹೊಟ್ಟೆ ಹಸಿವು ಉಂಟಾದಾಗ ತಕ್ಷಣ ಮಾಡಿ ತಿನ್ನಬಹುದಾದ ಆರೋಗ್ಯಕರ ಸ್ಯಾಂಡ್ ವಿಚ್ ನ ಬಗ್ಗೆ ಹೇಳಿದ್ದೇವೆ.

ಬನ್ನಿ, ಆರೋಗ್ಯಕರವಾದ ಎಗ್ ಸ್ಯಾಂಡ್ ವಿಚ್ ಮಾಡುವುದು ಹೇಗೆ ಎಂದು ನೋಡೋಣ:

ಬೇಕಾಗುವ ಸಾಮಾಗ್ರಿಗಳು
ಬ್ರೆಡ್ ಪೀಸ್ 6
ಚೀಸ್ 500 ಗ್ರಾಂ
ಮೊಟ್ಟೆ 2 (ಚೆನ್ನಾಗಿ ಕದಡಿದ್ದು)
ಹಸಿ ಮೆಣಸಿನಕಾಯಿ ಪೇಸ್ಟ್ 2 ಚಮಚ
ಬೆಳ್ಳುಳ್ಳಿ ಪೇಸ್ಟ್ 1 ಚಮಚ
ರುಚಿಗೆ ತಕ್ಕ ಉಪ್ಪು

ತಯಾರಿಸುವ ವಿಧಾನ:

* ಒಂದು ಬಟ್ಟಲಿಗೆ ಮೊಟ್ಟೆ ಹಾಕಿ, ಹಸಿ ಮೆಣಸಿನಕಾಯಿ ಮತ್ತು ಬೆಳ್ಳುಳ್ಳಿ ಪೇಸ್ಟ್ , ಚೀಸ್ ಉಪ್ಪು ಹಾಕಿ ಚೆನ್ನಾಗಿ ಕದಡಬೇಕು.

* ಈಗ ಬ್ರೆಡ್ ಪೀಸ್ ಅನ್ನು ತವಾದಲ್ಲಿ ಹಾಕಿ ಅದರ ಎರಡೂ ಬದಿ ಕಂದು ಬಣ್ಣ ಬರುವವರೆಗೆ ರೋಸ್ಟ್ ಮಾಡಬೇಕು. ಈ ರೀತಿ ಉಳಿದ ಬ್ರೆಡ್ ಪೀಸ್ ಗಳನ್ನು ಮಾಡಬೇಕು.

* ಈಗ ತವಾದಲ್ಲಿ ಒಂದು ಬ್ರೆಡ್ ಇಟ್ಟು ಅದರ ಸ್ವಲ್ಪ ಮೊಟ್ಟೆಯ ಮಿಶ್ರಣವನ್ನು ಹಾಕಿ ಬೇಯಿಸಿ, ಮೊಟ್ಟೆ ಬೇಯುವಾಗ ಮತ್ತೊಂದು ರೋಸ್ಟ್ ಮಾಡಿದ ಬ್ರೆಡ್ ನಿಂದ ಮುಚ್ಚಿದರೆ ಎಗ್ ಬ್ರೆಡ್ ಟೋಸ್ಟ್ ರೆಡಿ. ಈ ರೀತಿ ಉಳಿದ ಎರಡು ಬ್ರೆಡ್ ಗಳನ್ನು ಮಾಡಿ.

ಹೊಟ್ಟೆ ಹಸಿದಾಗ ಬೇಗನೆ ಮಾಡಬಹುದಾದದ ಆರೋಗ್ಯಕರ ರೆಸಿಪಿ ಇದಾಗಿದೆ.