ಇದು ಚಪಾತಿಯಲ್ಲ, ಚಪಾತಿ ಕೇಸಡಿಯ!

Snacks

oi-Reena

By Hema S

Published: Tuesday, June 19, 2012, 11:51 [IST]

ಕುರುಕಲು ತಿಂಡಿಗಳು ತಿನ್ನಲು ರುಚಿ ಆದರೆ ಅನಾರೋಗ್ಯಕರ. ಇನ್ನು ಕೆಲವು ಬಾಯಿಗೆ ರುಚಿ ಇದ್ದರೂ ಹಸಿದಾಗ ತಿಂದರೆ ಹೊಟ್ಟೆ ತುಂಬುವುದಿಲ್ಲ. ಸಾಯಾಂಕಾಲ ಹೊತ್ತು ಹಸಿವು ಜಾಸ್ತಿ ಇರುತ್ತದೆ. ಆಗ ರುಚಿಕರ ಮತ್ತು ಆರೋಗ್ಯಕರ ಹಾಗೂ ಹೊಟ್ಟೆ ತುಂಬುವಂತಹ ತಿಂಡಿ ಬಯಸುವುದಾದರೆ ಈ ಚಪಾತಿ ಕೇಸಡಿಯ (quesadilla) ತಯಾರಿಸಿ. ಇದನ್ನು ಸುಲಭವಾಗಿ ಮಾಡಬಹುದಾಗಿದ್ದು, ಮಾಡುವ ವಿಧಾನ ನೋಡಿ ಇಲ್ಲಿದೆ.

ಬೇಕಾಗುವ ಸಾಮಗ್ರಿಗಳು:
1. ಚಪಾತಿ ಹಿಟ್ಟು
2. ಒಂದು ಈರುಳ್ಳಿ
3. 1 ಕಪ್ ಪಾಲಾಕ್ ಸೊಪ್ಪು
4. 1 ಕಪ್ ತುರಿದ ಚೀಸ್
5. ಹಸಿ ಮೆಣಸಿನಕಾಯಿ 2-3
6. ಎಣ್ಣೆ
7. ರುಚಿಗೆ ತಕ್ಕ ಉಪ್ಪು

ತಯಾರಿಸುವ ವಿಧಾನ:
1. ಈರುಳ್ಳಿಯನ್ನು ಸಿಪ್ಪೆ ಸುಲಿದು ಉದ್ದುದ್ದವಾಗಿ ಕತ್ತರಿಸಬೇಕು.
2. ಪಾಲಾಕ್ ಸೊಪ್ಪನ್ನು ತೊಳೆದು ಚಿಕ್ಕಾದಾಗಿ ಕತ್ತರಿಸಬೇಕು.
3. ಹಸಿ ಮೆಣಸಿನಕಾಯಿಯನ್ನು ಉದ್ದಕ್ಕೆ ಕತ್ತರಿಸಬೇಕು.

ಈರುಳ್ಳಿ ಮತ್ತು ಪಾಲಾಕ್ ಸಬ್ಜಿ:

1. ಬಾಣಲೆಯನ್ನು ಬಿಸಿ ಮಾಡಿ ಅದಕ್ಕೆ ಸ್ವಲ್ಪ ಎಣ್ಣೆ ಹಾಕಬೇಕು. ಎಣ್ಣೆ ಬಿಸಿಯಾದಾಗ ಈರುಳ್ಳಿಯನ್ನು ಸೇರಿಸಿ ಕಂದು ಬಣ್ಣ ಬರುವವರೆಗೆ ಹುರಿಯಬೇಕು.

2. ನಂತರ ಹಸಿಮೆಣಸಿನ ಕಾಯಿ ಹಾಕಿ, ಪಾಲಾಕ್ ಸೊಪ್ಪು, ರುಚಿಗೆ ತಕ್ಕ ಉಪ್ಪು ಹಾಕಿ ಚೆನ್ನಾಗಿ ಮಿಶ್ರ ಮಾಡಿ ಬೇಯಿಸಬೇಕು. ಬೆಂದ ಮೇಲೆ ಸ್ವಲ್ಪ ದೊಡ್ಡ ಬಟ್ಟಲಿನಲ್ಲಿ ಹಾಕಿಡಬೇಕು.

ಚಪಾತಿ ಕೇಸಡಿಯ:

1. ಚಪಾತಿಯನ್ನು ಮಾಮೂಲಿ ತಟ್ಟುವ ರೀತಿ ತಟ್ಟಿ ತವಾದಲ್ಲಿ ಹಾಕಿ ಚಪಾತಿಯ ಎರಡೂ ಬದಿಯನ್ನು ಬೇಯಿಸಬೇಕು. ನಂತರ ಸ್ವಲ್ಪ ಪಾಲಾಕ್ ಮತ್ತು ಈ ಈರುಳ್ಳಿಯ ಸಬ್ಜಿ ತೆಗೆದುಕೊಂಡು ಅದನ್ನು ಚಪಾತಿಯ ಒಂದು ಬದಿಯಲ್ಲಿ ಹಾಕಿ, ಸ್ವಲ್ಪ ತುರಿದ ಚೀಸ್ ಹಾಕಿ ಚಪಾತಿಯನ್ನು ಮಡಚಬೇಕು. ಹೀಗೆ ಮಡಚಿದ ಚಪಾತಿಯನ್ನು 10 ರಿಂದ 15 ಸೆಕೆಂಡ್ ಬೇಯಿಸಬೇಕು.

2. ಚೀಸ್ ಕರಗಿದ ನಂತರ ತೆಗೆದು ಚಪಾತಿಯ ತುದಿಗಳನ್ನು ಕತ್ತರಿಸಬೇಕು. ಈಗ ತಯಾರಾದ ಚಪಾತಿಕೇಸಡಿಯವನ್ನು ಬಿಸಿಯಾಗಿರುವವಾಗಲೇ ಸಾಸ್ ಜೊತೆ ತಿಂದರೆ ತುಂಬಾ ರುಚಿಕರವಾಗಿರುತ್ತದೆ.