ಆರೋಗ್ಯಕ್ಕೆ ಒಳ್ಳೆಯದು ಗೋಡಂಬಿ ಪಕೋಡ

ಹೊರಗಡೆ ಕುರುಕಲು ತಿಂಡಿಗಳನ್ನು ತಿಂದು ಆರಗ್ಯ ಹಾಳು ಮಾಡುವ ಬದಲು ಮನೆಯಲ್ಲಿಯೆ ಆರೋಗ್ಯಕರ ತಿಂಡಿ ತಯಾರಿಸಿ ತಿನ್ನುವುದು ಒಳ್ಳೆಯದು. ಅಂತಹ ಆರೋಗ್ಯಕರ ತಿಂಡಿಗಳಲ್ಲಿ ಬಾದಾಮಿ ಪಕೋಡ ಕೂಡ ಒಂದು. ಇದನ್ನು ಚಹಾ ಜೊತೆ ತಿನ್ನಲು ತುಂಬಾ ರುಚಿಕರವಾಗಿರುತ್ತದೆ. ಇವತ್ತು ನಾವು ಬಾದಾಮಿ ಪಕೋಡ ಮಾಡುವ ಸುಲಭ ವಿಧಾನ ತಿಳಿಯೋಣ:

ಬೇಕಾಗುವ ಸಾಮಾಗ್ರಿಗಳು:

* 1 ಕಪ್ ಗೋಡಂಬಿ
* 1 ಕಪ್ ಕಡಲೆ ಹಿಟ್ಟು
* 1 ಚಮಚ ಕೆಂಪು ಮೆಣಸಿನ ಪುಡಿ
* ಚಿಟಿಕೆಯಷ್ಟು ಅಜ್ವೈನ್
* ರುಚಿಗೆ ತಕ್ಕ ಉಪ್ಪು
* ಚಿಟಿಕೆಯಷ್ಟು ಸೋಡಾ
* ಎಣ್ಣೆ
* 1 ಚಮಚ ತುಪ್ಪ
* 1/2 ಕಪ್ ನೀರು

ತಯಾರಿಸುವ ವಿಧಾನ:

1. ತುಪ್ಪವನ್ನು ಬಿಸಿ ಮಾಡಿ ಅದರಲ್ಲಿ ಗೋಡಂಬಿ ಹಾಕಿ ಕಂದು ಬಣ್ಣ ಬರುವವರೆಗೆ ಹುರಿದು ಒಂದು ಬಟ್ಟಲಿನಲ್ಲಿ ಹಾಕಿ ಬದಿಯಲ್ಲಿ ಇಡಬೇಕು.

2. ಮತ್ತೊಂದು ಬಟ್ಟಲಿನಲ್ಲಿ ಕಡಲೆಹಿಟ್ಟು, ರುಚಿಗೆ ತಕ್ಕ ಉಪ್ಪು, ಕೆಂಪು ಮೆಣಸಿನ ಕಾಯಿ ಪುಡಿ, ಚಿಟಿಕೆಯಷ್ಟು ಸೋಡಾ ಮತ್ತು ನೀರು ಹಾಕಿ ಚೆನ್ನಾಗಿ ಮಿಶ್ರ ಮಾಡಬೇಕು.

3. ಈಗ ಹುರಿದ ಗೋಡಂಬಿಯನ್ನು ಈ ಮಿಶ್ರಣಕ್ಕೆ ಹಾಕಿ ಚೆನ್ನಾಗಿ ಕಲೆಸಬೇಕು. ನಂತರ ಅದರಿಂದ ಪಕೋಡಕ್ಕೆ ಉಂಡೆ ಕಟ್ಟಬೇಕು.

4. ನಂತರ ಬಾಣಲೆಯಲ್ಲಿ ಎಣ್ಣೆಯನ್ನು ಹಾಕಿ ಕುದಿಸಿ, ಅದಕ್ಕೆ ಪಕೋಡ ಹಾಕಿ ಕಂದು ಬಣ್ಣ ಬರುವಾಗ ತೆಗೆದರೆ ರುಚಿಕರ ಮತ್ತು ಆರೋಗ್ಯಕರ ಪಕೋಡ ರೆಡಿ.