ರುಚಿಕರವಾದ ಬ್ರೆಡ್ ರೋಲ್ ರೆಸಿಪಿ

Snacks

oi-Reena

By Hema S

Updated: Thursday, September 20, 2012, 16:05 [IST]

ಬ್ರೆಡ್ ಬಳಸಿ ಉಪ್ಪಿಟ್ಟು, ಸ್ಯಾಂಡ್ ವಿಚ್, ಬ್ರೆಡ್ ರೋಸ್ಟ್ ಹೋಗೆ ಅನೇಕ ಬಗೆಯ ತಿಂಡಿಗಳನ್ನು ತಯಾರಿಸಬಹುದು. ಅದರಲ್ಲೂ ಬ್ರೆಡ್ ನಿಂದ ತಯಾರಿಸುವ ಬ್ರೆಡ್ ರೋಲ್ ಸಾಯಂಕಾಲದ ಟೀ ಜೊತೆ ಸವಿಯಲು ತುಂಬಾ ರುಚಿಕರವಾಗಿರುತ್ತದೆ. ಈ ಬ್ರೆಡ್ ರೋಲ್ ಅನ್ನು ಸುಲಭವಾಗಿ ಮಾಡಬಹುದಾಗಿದ್ದು ರೆಸಿಪಿ ನೋಡಿ ಇಲ್ಲಿದೆ.

ಬೇಕಾಗುವ ಸಾಮಾಗ್ರಿಗಳು:

* ಬ್ರೆಡ್ ತುಂಡು 8-10
* ಅಲೂಗೆಡ್ಡೆ 2-3 (ಬೇಯಿಸಿದ್ದು)
* ಬೇಯಿಸಿದ ಬಟಾಣಿ ಅರ್ಧ ಕಪ್
* ನಿಂಬೆ ರಸ ಒಂದು ಚಮಚ
* ಕರಿಮೆಣಸಿನ ಪುಡಿ 2 ಚಮಚ
* ಚೀಸ್ 9-10
* ರುಚಿಗೆ ತಕ್ಕ ಉಪ್ಪು
* ಎಣ್ಣೆ

ತಯಾರಿಸುವ ವಿಧಾನ:

1. ಒಂದು ಬಟ್ಟಲಿನಲ್ಲಿ ಆಲೂಗಡ್ಡೆಯನ್ನು ಹಾಕಿ ರುಚಿಗೆ ತಕ್ಕ ಉಪ್ಪು ಹಾಕಿ ಚೆನ್ನಾಗಿ ಹಿಸುಕಬೇಕು. ನಂತರ ಬೇಯಿಸಿದ ಬಟಾಣಿ, ನಿಂಬೆ ರಸ, ಕರಿಮೆಣಸಿನ ಪುಡಿ, ಚೀಸ್ ಹಾಕಿ ಚೆನ್ನಾಗಿ ಮಿಶ್ರಣ ಮಾಡಿ ಬದಿಯಲ್ಲಿಡಬೇಕು.

2. ಈಗ ಬ್ರೆಡ್ ಪೇಸ್ (ಬ್ರೆಡ್ ಚೂರು) ತೆಗೆದುಕೊಂಡು ಅದರ ತುದಿಯನ್ನು ಚಾಕುವಿನಿಂದ ಕತ್ತರಿಸಬೇಕು. ನಂತರ ಅದರ ಎರಡೂ ಬದಿಗೆ ನೀರು ಚಿಮುಕಿಸಬೇಕು. ಆದರೆ ನೆನಪಿಡಿ ಬ್ರೆಡ್ ತುಂಬಾ ಮೆತ್ತಗಾಗಬಾರದು.

3. ನಂತರ ಬ್ರೆಡ್ ಅನ್ನು ಮೆತ್ತಗೆ ಅದುಮಿ ಅದರಲ್ಲಿರುವ ಅಧಿಕ ನೀರನ್ನು ಹಿಂಡಿ ತೆಗೆಯಬೇಕು. ನಂತರ ಅದರ ಒಳಗೆ ಆಲೂಗೆಡ್ಡೆ ಮಿಶ್ರಣ ಹಾಕಿ ಬ್ರೆಡ್ ಅನ್ನು ರೋಲ್ ಮಾಡಬೇಕು. ನಂತರ ಬ್ರೆಡ್ ರೋಲ್ ಮಾಡಿ ಅದರ ತುದಿಯನ್ನು ಮೆಲ್ಲಗೆ ಅದುಮಿದರೆ ಬ್ರೆಡ್ ಅಂಟಿಕೊಳ್ಳುತ್ತದೆ. ಈ ರೀತಿ ಎಲ್ಲಾ ಬ್ರೆಡ್ ತುಂಡುಗಳನ್ನು ಮಾಡಬೇಕು.

4. ಈಗ ಬಾಣಲೆಯನ್ನು ತೆಗೆದುಕೊಂಡು ಅದರಲ್ಲಿ ಅರ್ಧದಷ್ಟು ಎಣ್ಣೆ ಹಾಕಿ ಎಣ್ಣೆ ಸರಿಯಾಗಿ ಕಾದ ನಂತರ ಅದರಲ್ಲಿ ಬ್ರೆಡ್ ರೋಲ್ ಹಾಕಿ ಕಂದು ಬಣ್ಣ ಬರುವಾಗ ತೆಗೆದರೆ ರುಚಿಕರವಾದ ಬ್ರೆಡ್ ರೋಲ್ ರೆಡಿ.