ಚಾಟ್ಸ್ ಪ್ರಿಯರಿಗಾಗಿ ಬೂಂದಿ ಚಾಟ್ ಮಸಾಲ ರೆಸಿಪಿ

ಸಂಜೆ ಹೊತ್ತಿನಲ್ಲಿ ಬೀದಿ ಬದಿಯಲ್ಲಿ ಅನೇಕ ಬೀದಿ ಬದಿಯ ಚಾಟ್ ಅಂಗಡಿಗಳನ್ನು ಕಾಣುವಾಗ ತಿನ್ನಬೇಕೆನಿಸುತ್ತದೆ. ಆದರೆ ಹೈಜೆನಿಕ್ (ಸ್ವಚ್ಛತೆ) ಬಗ್ಗೆ ಯೋಚಿಸುವಾಗ ತಿನ್ನುವುದು ಬೇಡ ಅನಿಸುತ್ತದೆ.

ಬೀದಿ ಬದಿಯ ಚಾಟ್ ಗಳನ್ನು ಅಷ್ಟೇ ರುಚಿಕರವಾಗಿ ಮನೆಯಲ್ಲೂ ಮಾಡಬಹುದು. ಇಲ್ಲಿ ನಾವು ಬೂಂದಿ ಚಾಟ್ ನ ರೆಸಿಪಿ ನೀಡಿದ್ದೇವೆ ನೋಡಿ:

ಬೇಕಾಗುವ ಸಾಮಾಗ್ರಿಗಳು:
100 ಗ್ರಾಂ ಬೂಂದಿ
2-3 ತುಂಡು ಬ್ರೆಡ್
ಸ್ವಲ್ಪ ಸೇವ್
ಚಾಟ್ ಮಸಾಲ ಪುಡಿ ಅರ್ಧ ಚಮಚ
ಚಿಟಿಕೆಯಷ್ಟು ಗರಂ ಮಸಾಲ
ನಿಂಬೆ ಹಣ್ಣು 1
ಎಣ್ಣೆ 1 ಚಮಚ ಮತ್ತು ಸ್ವಲ್ಪ ಕೊತ್ತಂಬರಿ ಸೊಪ್ಪು

ತಯಾರಿಸುವ ವಿಧಾನ:

* ಬೂಂದಿಯನ್ನು ತಟ್ಟೆಯಲ್ಲಿ ಹಾಕಿಡಿ.

* ಬಾಣಲೆಯಲ್ಲಿ ಅ ಚಮಚ ಎಣ್ಣೆ ಹಾಕಿ ಅದರಲ್ಲಿ ಬ್ರೆಡ್ ತುಂಡುಗಳನ್ನು ಹುರಿಯಿರಿ. ನಂತರ ಅದನ್ನು ಬೂಂದಿ ತಟ್ಟೆಯಲ್ಲಿ ಹಾಕಿ.

* ಈಗ ಕತ್ತರಿಸಿದ ಈರುಳ್ಳಿ, ಟೊಮೆಟೊ, ಹಸಿ ಮೆಣಸಿನ ಕಾಯಿ ಹಾಕಿ, ರುಚಿಗೆ ತಕ್ಕ ಉಪ್ಪು ಸೇರಿಸಿ , ಗರಂ ಮಸಾಲ, ಚಾಟ್ ಮಸಾಲ ಹಾಕಿ ಕಲೆಸಿ, ನಿಂಬೆ ರಸ ಹಿಂಡಿ ಮಿಶ್ರ ಮಾಡಿ, ಕೊತ್ತಂಬರಿ ಸೊಪ್ಪಿನಿಂದ ಅಲಂಕರಿಸಿದರೆ ರುಚಿರುಚಿಯಾದ ಚಾಟ್ ರೆಡಿ.