ಗರಿಗರಿಯಾದ ಅವರೆಕಾಳಿನ ವಡೆ

ಕಡಲೆ ಬೇಳೆಯ ವಡೆಯನ್ನು ಎಲ್ಲಾ ಕಾಲದಲ್ಲೂ ಮಾಡಬಹುದು. ಆದರೆ ಅವರೆಕಾಳಿನ ವಡೆಯನ್ನು ಈ ಸಮಯದಲ್ಲಿ ಮಾತ್ರ ತಯಾರಿಸಲು ಸಾಧ್ಯ. ಕಡಲೆ ಬೇಳೆಯ ವಡೆ ಮತ್ತು ಅವರೆ ಕಾಳಿನ ವಡೆ ತಯಾರಿಸುವ ವಿಧಾನ ಸ್ವಲ್ಪ ಒಂದೇ ರೀತಿಯಿದ್ದರೂ ಇದು ರುಚಿಯಲ್ಲಿ ಸ್ವಲ್ಪ ಭಿನ್ನವಾಗಿರುತ್ತದೆ.

ಸಂಕ್ರಾಂತಿ ಹಬ್ಬಕ್ಕೆ ವಡೆ ಮಾಡುವ ಪ್ಲಾನ್ ಇದ್ದರೆ ಈ ವಡೆಯನ್ನು ಟ್ರೈ ಮಾಡಿ. ಅವರೆಕಾಳಿನ ವಡೆ ಮಾಡುವ ವಿಧಾನ ನೋಡಿ ಇಲ್ಲಿದೆ:

ಬೇಕಾಗುವ ಸಾಮಗಿಗಳು :
ಹೆಸರುಬೇಳೆ 1 ಕಪ್
ಕಡಲೆ ಬೇಳೆ 1 ಕಪ್
ಹಿಸುಕಿದ ಅವರೆ ಕಾಳು 1 ಹಿಡಿ
ಹೆಚ್ಚಿದ ಈರುಳ್ಳಿ 1 ಕಪ್
4 ಹಸಿಮೆಣಸಿನಕಾಯಿ (ಸಣ್ಣಗೆ ಹೆಚ್ಚಿದ್ದು)
ಕೊತ್ತಂಬರಿ
ಸ್ವಲ್ಪ ಕರಿಬೇವು
ಸ್ವಲ್ಪ ಪುದಿನಾ
ಸ್ವಲ್ಪ ಸಬ್ಬಸಿಗೆ ಸೊಪ್ಪು
1 ಇಂಚಿನಷ್ಟು ದೊಡ್ಡದಿರುವ ಶುಂಠಿ
ರುಚಿಗೆ ತಕ್ಕ ಉಪ್ಪು
ಎಣ್ಣೆ

ಮಾಡುವ ವಿಧಾನ :

1. ಹೆಸರುಬೇಳೆ, ಕಡಲೆ ಬೇಳೆ ಹಾಗೂ ಹಿಸುಕಿದ ಅವರೆ ಕಾಳುಗಳನ್ನು ಬೇರೆ ಬೇರೆ ಪಾತ್ರೆಯಲ್ಲಿ 1 ಗಂಟೆ ಕಾಲ ನೆನೆ ಹಾಕಿ.

2. ನಂತರ ಅವುಗಳ ನೀರು ತೆಗೆದು ಸ್ವಲ್ಪ ತರಿತರಿಯಾಗಿ ಗಟ್ಟಿಯಾಗಿ ರುಬ್ಬಿಕೊಳ್ಳಿ.

3. ಈಗ ರುಬ್ಬಿದ ಮಿಶ್ರಣವನ್ನು ಪಾತ್ರೆಗೆ ಹಾಕಿ ಅದಕ್ಕೆ ಕರಿಬೇವು, ಪುದೀನಾ ಎಲೆ, ಸಬ್ಬಸಿಗೆ ಸೊಪ್ಪು, ಜಜ್ಜಿದ ಶುಂಠಿ, ಈರುಳ್ಳಿ, ರುಚಿಗೆ ತಕ್ಕ ಉಪ್ಪು ಹಾಕಿ ಮಿಶ್ರಣ ಮಾಡಬೇಕು.

4. ನಂತರ ಈ ಮಿಶ್ರಣದಿಂದ ಉಂಡೆ ಕಟ್ಟಿ ವಡೆಗೆ ತಟ್ಟಿದಂತೆ ತಟ್ಟಿ.

5. ಇದೇ ಸಮಯಕ್ಕೆ ಅರ್ಧ ಬಾಣಲಿಯಷ್ಟು ಎಣ್ಣೆ ಹಾಕಿ ಎಣ್ಣೆಯನ್ನು ಕಾಯಿಸಿ. ಎಣ್ಣೆ ಕುದಿ ಬರುವಾಗ ಅದರಲ್ಲಿ ತಟ್ಟಿದ ವಡೆ ಹಾಕಿ ಕಂದು ಬಣ್ಣ ಬರುವಾಗ ತೆಗೆದರೆ ರುಚಿಕರವಾದ ಗರಿಗರಿಯಾದ ಅವರೆಕಾಳಿನ ವಡೆ ರೆಡಿ.