ರುಚಿಕರವಾದ ಅವಲಕ್ಕಿ ವಡೆ ರೆಸಿಪಿ

Snacks

oi-Reena

By Hema S

Updated: Saturday, September 15, 2012, 13:00 [IST]

ಅವಲಕ್ಕಿಯಿಂದ ನಾನಾ ಬಗೆಯ ತಿಂಡಿಗಳನ್ನು ತಯಾರಿಸಬಹುದು. ಇದರಿಂದ ತಯಾರಿಸುವ ವಡೆ ಸವೆಯಲು ತುಂಬಾ ರುಚಿಕರವಾಗಿರುತ್ತದೆ. ಇದನ್ನು ಸುಲಭವಾಗಿ ತಯಾರಿಸಬಹುದಾಗಿದ್ದರಿಂದ ಸಾಯಾಂಕಾಲದ ತಿಂಡಿಗೆ ಮಾಡಬಹುದು ಮತ್ತು ಹಬ್ಬ ಹರಿದಿನಗಳಲ್ಲಿ ಕೂಡ ತಯಾರಿಸಬಹುದು. ಇದನ್ನು ಮಾಡುವ ರೆಸಿಪಿ ನೋಡಿ ಇಲ್ಲಿದೆ.

ಬೇಕಾಗುವ ಸಾಮಾಗ್ರಿಗಳು

ಅವಲಕ್ಕಿ 2 ಕಪ್
ಎಣ್ಣೆ
ಈರುಳ್ಳಿ 2 (ಕತ್ತರಿಸಿದ್ದು)
ಹಸಿ ಮೆಣಸಿನ ಕಾಯಿ 3-4 ಅಥವಾ ಖಾರಕ್ಕೆ ತಕ್ಕಷ್ಟು (ಕತ್ತರಿಸಿದ್ದು)
ಚಿಟಿಕೆಯಷ್ಟು ಇಂಗು
ಅಕ್ಕಿ ಹಿಟ್ಟು 2 ಚಮಚ
ಕೊತ್ತಂಬರಿ ಸೊಪ್ಪು 1 ಚಮಚ
ತುರಿದ ತೆಂಗಿನಕಾಯಿ 2 ಚಮಚ
ರುಚಿಗೆ ತಕ್ಕ ಉಪ್ಪು

ತಯಾರಿಸುವ ವಿಧಾನ:

1. ಅವಲಕ್ಕಿಯನ್ನು 10-15 ನಿಮಿಷ ನೆನಸಿಡಬೇಕು.

2. ನಂತರ ಅದರಿಂದ ಅಧಿಕ ನೀರನ್ನು ಬಸಿದು ತೆಗೆಯಬೇಕು, ನಂತರ ಕೈಯಿಂದಲೇ ಚೆನ್ನಾಗಿ ಹಿಸುಕಬೇಕು.

3. ನಂತರ ಎಣ್ಣೆಯನ್ನು ಬಿಟ್ಟು ಉಳಿದೆಲ್ಲಾ ತರಕಾರಿಗಳನ್ನು ಹಾಕಬೇಕು. ರುಚಿಗೆ ತಕ್ಕ ಉಪ್ಪು ಹಾಕಿ ಚೆನ್ನಾಗಿ ಕೆಲಸಬೇಕು. ಮಿಶ್ರಣ ತುಂಬಾ ಗಟ್ಟಿಯಾಗಿರಬೇಕು. (ನೀರನ್ನು ಮಾತ್ರ ಸೇರಿಸಬಾರದು).

4. ನಂತರ ಅದರಿಂದ ಚಿಕ್ಕ-ಚಿಕ್ಕ ಉಂಡೆಗಳನ್ನು ಮಾಡಿ ಅದನ್ನು ಕೈಯಿಂದ ತಟ್ಟಬೇಕು.

5. ಈಗ ಬಾಣಲೆಯಲ್ಲಿ ಅರ್ಧದಷ್ಟು ಎಣ್ಣೆ ಹಾಕಿ ಕಾಯಿಸಬೇಕು. ಎಣ್ಣೆ ಕಾದ ನಂತರ ವಡೆಯನ್ನು ಎಣ್ಣೆಯಲ್ಲಿ ಕಂದು ಬಣ್ಣ ಬರುವವರೆಗೆ ಕರಿದರೆ ಅವಲಕ್ಕಿ ವಡೆ ರೆಡಿ.
ಇದನ್ನು ಚಟ್ನಿ ಜೊತೆ ತಿನ್ನಲು ತುಂಬಾ ರುಚಿಕರವಾಗಿರುತ್ತದೆ.