ಸ್ವಾದಿಷ್ಟ ಆಲೂ ಪಕೋಡದ ರೆಸಿಪಿ

ತಿಂಡಿಗಳಲ್ಲಿ ಹೊಸ ರುಚಿ ಮಾಡ ಬೇಕೆಂದು ಬಯಸುವವರು ಈ ಆಲೂ ಪಕೋಡ ಟ್ರೈ ಮಾಡಬಹುದು. ಸಾಮಾನ್ಯವಾಗಿ ಪಕೋಡವನ್ನು ಈರುಳ್ಳಿಯಲ್ಲಿ ತಯಾರಿಸಲಾಗುವುದು, ಪಕೋಡಕ್ಕೆ ಬಳಸುವ ಸಾಮಾಗ್ರಿಗಳನ್ನು ಬದಲಾಯಿಸಿದರೆ ಅನೇಕ ರುಚಿಯ ಪಕೋಡ ತಯಾರಿಸಬಹುದು.

ಇಲ್ಲಿ ನಾವು ಅವಲಕ್ಕಿ ಹಾಗೂ ಆಲೂಗೆಡ್ಡೆ ಬಳಸಿ ಮಾಡುವ ಆಲೂ ಪಕೋಡದ ರೆಸಿಪಿ ನೀಡಲಗಿದೆ ನೋಡಿ:

ಬೇಕಾಗುವ ಸಾಮಾಗ್ರಿಗಳು:
ಆಲೂಗೆಡ್ಡೆ 4-5
ಅವಲಕ್ಕಿ ಅರ್ಧ ಕಪ್
ಮೈದಾ 1 ಕಪ್
ಹಸಿ ಮಣಸಿನ ಕಾಯಿ 3-4
ಜೀರಿಗೆ 1 ಚಮಚ
ಗರಂ ಮಸಾಲ 1 ಚಮಚ
ಅರಿಶಿಣ ಪುಡಿ 1 ಚಮಚ
ಅಜ್ವೈನ್ ಚಿಟಿಕೆಯಷ್ಟು
ಅಡುಗೆ ಸೋಡಾ ಅರ್ಧ ಚಮಚ
ರುಚಿಗೆ ತಕ್ಕ ಉಪ್ಪು
ಎಣ್ಣೆ

ತಯಾರಿಸುವ ವಿಧಾನ:

* ಆಲೂಗೆಡ್ಡೆಯನ್ನು ಬೇಯಿಸಿ ಅದರ ಸಿಪ್ಪೆ ಸುಲಿದು ಚೆನ್ನಾಗಿ ಹಿಸುಕಿ ಅದಕ್ಕೆ ಕತ್ತರಿಸಿದ ಹಸಿ ಮೆಣಸಿನಕಾಯಿ, ಅರಿಶಿಣ ಪುಡಿ, ಗರಂ ಮಸಾಲ, ಅಡುಗೆ ಸೋಡಾ ಅವಲಕ್ಕಿ ಹಾಕಿ ಚೆನ್ನಾಗಿ ಕಲೆಸಬೇಕು.

* ಈಗ ಮೈದಾಕ್ಕೆ ರುಚಿಗೆ ತಕ್ಕ ಉಪ್ಪು ಸ್ವಲ್ಪ ಗಟ್ಟಿಯಾಗಿ ಕಲೆಸಬೇಕು.

* ಈಗ ಬಾಣಲೆಯಲ್ಲಿ ಎಣ್ಣೆ ಹಾಕಿ ಉರಿಯಲ್ಲಿಟ್ಟು ಕಾಯಿಸಬೇಕು. ಎಣ್ಣೆ ಚೆನ್ನಾಗಿ ಕಾದ ನಂತರ ಆಲೂಗೆಡ್ಡೆ ಮಿಶ್ರಣದಿಂದ ಉಂಡೆ ಕಟ್ಟಿ ಅದನ್ನು ಮೈದಾದಲ್ಲಿ ಅದ್ದಿ ಎಣ್ಣೆಯಲ್ಲಿ ಹಾಕಿ ಕಂದು ಬಣ್ಣ ಬರುವವರೆಗೆ ಹುರಿದು ಎಣ್ಣೆಯಿಂದ ತೆಗೆದರೆ ರುಚಿಕರವಾದ ಆಲೂ ಪಕೋಡ ರೆಡಿ.