ಆಲೂ ಕಬಾಬ್-ಪ್ಯೂರ್ ವೆಜ್

Snacks

oi-Staff

By Super

Updated: Monday, October 12, 2015, 12:13 [IST]

ಸಾಯಾಂಕಾಲದ ಹೊತ್ತಿನಲ್ಲಿ ಬೋಂಡ, ಬಜ್ಜಿ, ಸಮೋಸ ಅಂತ ಕಣ್ಣಿಗೆ ಬಿದ್ದಾಗ ಅದನ್ನು ತಿನ್ನಬೇಕೆಂದು ಅನ್ನಿಸುವುದು ಸಹಜ. ಆದರೆ ಇಂತಹ ತಿಂಡಿಗಳನ್ನು ಬೀದಿ ಬದಿಯಲ್ಲಿ ತಿನ್ನುವುದಕ್ಕಿಂತ ಮನೆಯಲ್ಲಿಯೇ ತಿನ್ನುವುದು ಒಳ್ಳೆಯದು. ಇವತ್ತು ನಾವು ಮನೆಯಲ್ಲಿಯೇ ಸುಲಭದಲ್ಲಿ ತಯಾರಿಸಬಹುದಾದ ಆಲೂಬೋಂಡ ಅಥವಾ ಆಲೂ ಕಬಾಬ್ ಮಾಡುವುದು ಹೇಗೆ ಎಂದು ತಿಳಿಯೋಣ:

ಬೇಕಾಗುವ ಸಾಮಾಗ್ರಿಗಳು:
* ಆಲೂಗೆಡ್ಡೆ 4
* ಈರುಳ್ಳಿ 1
* ಹಸಿ ಮೆಣಸಿನ ಕಾಯಿ 3
* ಸ್ವಲ್ಪ ಕೊತ್ತಂಬರಿ ಸೊಪ್ಪು
* ಗರಂ ಮಸಾಲೆ ಪುಡಿ ಅರ್ಧ ಚಮಚ
* ಅರಿಶಿಣ ಪುಡಿ 1/4 ಚಮಚ
* 4 ಬ್ರೆಡ್ ಚೂರು ಅಥವಾ ಪೀಸ್
* ಸ್ವಲ್ಪ ಪುದೀನಾ ಎಲೆ
* ಕೆಂಪು ಮೆಣಸಿನ ಪುಡಿ 1/2 ಚಮಚ
* ಅಕ್ಕಿ ಹಿಟ್ಟು 1/4 ಕಪ್
* ಜೋಳದ ಹಿಟ್ಟು 1/4 ಕಪ್
* ಎಣ್ಣೆ
* ರುಚಿಗೆ ತಕ್ಕ ಉಪ್ಪು

ತಯಾರಿಸುವ ವಿಧಾನ:

1. ಆಲೂಗೆಡ್ಡೆಯನ್ನು ಬೇಯಿಸಿ ಸಿಪ್ಪೆ ಸುಲಿದು, ಚೆನ್ನಾಗಿ ಹಿಸುಕಬೇಕು.

2. ಬ್ರೆಡ್ ಚೂರುಗಳನ್ನು ನೀರಿನಲ್ಲಿ ಅದ್ದಿ , ನಂತರ ಅದರಿಂದ ನೀರನ್ನು ಹಿಂಡಿ, ಬ್ರೆಡ್ ಚೂರುಗಳನ್ನು ಹಿಸುಕಿದ ಆಲೂಗೆಡ್ಡೆ ಜೊತೆ ಹಾಕಿ ಮಿಶ್ರ ಮಾಡಬೇಕು.

3. ಈಗ ಕತ್ತರಿಸಿದ ಈರುಳ್ಳಿ, ಹಸಿಮೆಣಸಿನ ಕಾಯಿ, ಕೊತ್ತಂಬರಿ ಸೊಪ್ಪು, ಪುದೀನಾ ಸೊಪ್ಪು, ಸ್ವಲ್ಪ ಉಪ್ಪು ಹಾಕಿ ಮಿಶ್ರ ಮಾಡಬೇಕು.ನಂತರ ಈ ಮಿಶ್ರಣದಿಂದ ಚಿಕ್ಕ ಉಂಡೆ ಕಟ್ಟಬೇಕು.

4. ಈಗ ಜೋಳದ ಹಿಟ್ಟು ಮತ್ತು ಅಕ್ಕಿ ಹಿಟ್ಟನ್ನು ಒಂದು ಪಾತ್ರೆಯಲ್ಲಿ ಹಾಕಿ ಸ್ವಲ್ಪ ನೀರು ಹಾಕಿ ಸ್ವಲ್ಪ ಗಟ್ಟಿಯಾದ ಪೇಸ್ಟ್ ರೀತಿಯಲ್ಲಿ ಕಲೆಸಬೇಕು. ನಂತರ ರುಚಿಗೆ ತಕ್ಕ ಉಪ್ಪು, ಗರಂ ಮಸಾಲೆ ಪುಡಿ, ಕೆಂಪು ಮೆಣಸಿನ ಪುಡಿ, ಅರಿಶಿಣಪುಡಿ ಹಾಕಿ ಮಿಶ್ರ ಮಾಡಬೇಕು.

5. ಈಗ ಬಾಣಲೆಯಲ್ಲಿ ಅರ್ಧದಷ್ಟು ಎಣ್ಣೆ ಹಾಕಿ ಎಣ್ಣೆಯನ್ನು ಕುದಿಸಬೇಕು. ಎಣ್ಣೆ ಕುದಿಯುತ್ತಿರುವಾಗ ಉಂಡೆ ಕಟ್ಟಿದ ಆಲೂಗೆಡ್ಡೆ ಮಿಶ್ರಣವನ್ನು ಬೇಕಾದ ಆಕಾರದಲ್ಲಿ ತಟ್ಟಿ ಅದನ್ನು ಕಲೆಸಿದ ಹಿಟ್ಟಿನಲ್ಲಿ ಅದ್ದಿ ಎಣ್ಣೆಗೆ ಹಾಕಬೇಕು. ಈ ತಿಂಡಿ ಕಂದು ಬಣ್ಣ ಬರುವಾಗ ತೆಗೆದರೆ ರುಚಿಕರವಾದ ಆಲೂ ಕಬಾಬ್ ರೆಡಿ.

ಇದನ್ನುಇದನ್ನು ಬಿಸಿಬಿಸಿಯಾಗಿ ಟೊಮೆಟೊ ಸಾಸ್ ಅಥವಾ ಚಟ್ನಿ ಜೊತೆ ತಿನ್ನಲು ರುಚಿಕರವಾಗಿರುತ್ತದೆ.