ವೆರಿ ಟೇಸ್ಟಿ ಕ್ರಿಸ್ಮಸ್ ಸ್ಪೆಷಲ್ ಬ್ರೆಡ್ ಪುಡ್ಡಿಂಗ್

Snacks

oi-Sumalatha

By Sumalatha

Published: Saturday, December 24, 2011, 21:40 [IST]

ಕ್ರಿಸ್ಮಸ್ ಗೆ ತರಾವರಿ ತಿಂಡಿಗಳಿದ್ದರೆ ಚೆಂದ. ಕೇವಲ ಸಿಹಿ ತಿಂಡಿ ಮಾತ್ರವಲ್ಲ, ಕುರುಕಲು ತಿಂಡಿಯೂ ಬೇಕು. ಅದಕ್ಕೆಂದು ಈ ಬ್ರೆಡ್ ಪುಡ್ಡಿಂಗ್ ಮಾಡಿ ನೋಡಿ. ಬ್ರೆಡ್ ಪುಡ್ಡಿಂಗ್ ಮಕ್ಕಳಿಂದ ಹಿಡಿದು ಪ್ರತಿಯೊಬ್ಬರಿಗೂ ಇಷ್ಟವಾಗುತ್ತೆ. ಸುಲಭವಾಗಿ ತಯಾರಿಸಬಹುದಾದ ಬ್ರೆಡ್ ಪುಡ್ಡಿಂಗ್ ಮಾಡೋದು ಹೇಗೆ ಎಂದು ಇಲ್ಲಿ ತಿಳಿದುಕೊಳ್ಳಿ.

ಬ್ರೆಡ್ ಪುಡ್ಡಿಂಗ್ ಗೆ ಬೇಕಾಗುವ ಪದಾರ್ಥ:

* 2 ಕಪ್ ಹಾಲು
* 1/4 ಕಪ್ ಬೆಣ್ಣೆ
* 1/3 ಕಪ್ ಸಕ್ಕರೆ
* 3 ಮೊಟ್ಟೆ
* 2 ಚಮಚ ಏಲಕ್ಕಿ ಪುಡಿ
* 1/4 ಚಮಚ ಜಾಕಾಯಿ ಪುಡಿ
* 1 ಚಮಚ ವೆನಿಲ್ಲಾ ಎಕ್ಸ್ ಟ್ರಾಕ್ಟ್
* 3 ಕಪ್ ಬ್ರೆಡ್
* ಬಾದಾಮಿ ಮತ್ತು ಪಿಸ್ತಾ
ಸಾಸ್ ಗೆ:
* 1 ಕಪ್ ಹಾಲು
* 2 ಚಮಚ ಬೆಣ್ಣೆ
* 1/3 ಕಪ್ ಸಕ್ಕರೆ
* 1 ಚಮಚ ವೆನಿಲ್ಲಾ
* 1 ಚಮಚ ಹಿಟ್ಟು
* ಸ್ವಲ್ಪ ಉಪ್ಪು

ಬ್ರೆಡ್ ಪುಡ್ಡಿಂಗ್ ತಯಾರಿಸುವ ವಿಧಾನ:

* ಮೊದಲು ಚಿಕ್ಕ ಬಾಣಲೆಯಲ್ಲಿ ಬೆಣ್ಣೆಯೊಂದಿಗೆ ಹಾಲನ್ನು ಕಾಯಿಸಿಕೊಳ್ಳಬೇಕು. ಬೆಣ್ಣೆ ಪೂರ್ಣ ಕರಗುವವರೆಗೂ ತಿರುಗಿಸಬೇಕು. ಅದನ್ನು ತಣ್ಣಗಾಗಲು ಬಿಡಬೇಕು.

* ಈಗ ಸಕ್ಕರೆ, ಮೊಟ್ಟೆ, ವೆನಿಲ್ಲಾ, ಏಲಕ್ಕಿ ಮತ್ತು ಜಾಕಾಯಿ ಪುಡಿಯನ್ನು ಹಾಕಿ ಚೆನ್ನಾಗಿ ಕದಡಬೇಕು.

* ನಿಧಾನವಾಗಿ ಇದಕ್ಕೆ ಹಾಲನ್ನು ಬೆರೆಸಿ ತಿರುಗಿಸಬೇಕು.

* ತುಪ್ಪ ಸವರಿದ ತಟ್ಟೆಗೆ ಬ್ರೆಡ್ ತುಂಡುಗಳನ್ನು ಹಾಕಿ ಇದರ ಮೇಲೆ ಚಿಕ್ಕದಾಗಿ ಕತ್ತರಿಸಿದ ಬಾದಾಮಿ ಮತ್ತು ಪಿಸ್ತಾವನ್ನು ಹಾಕಬೇಕು.

* ನಂತರ ಹಾಲಿನ ಮಿಶ್ರಣವನ್ನು ಇದರ ಮೇಲೆ ಹಾಕಿ ಓವೆನ್ ನಲ್ಲಿ 45-50 ನಿಮಿಷ (350 ಡಿಗ್ರಿ F ಶಾಖದಲ್ಲಿ) ಬೇಯಿಸಬೇಕು.

* ಪ್ರತ್ಯೇಕ ಬಟ್ಟಲಿನಲ್ಲಿ ಸಾಸ್ ಮಿಶ್ರಣವನ್ನು ಕಲೆಸಿ ಬ್ರೆಡ್ ಪುಡ್ಡಿಂಗ್ ಜೊತೆ ಬಿಸಿ ಬಿಸಿಯಾಗಿ ನೀಡಬೇಕು.