ಬಾಯಲ್ಲಿಟ್ಟರೆ ಕರಗುತ್ತೆ ಬಿಸಿ ಬಿಸಿ ಬೇಬಿ ಕಾರ್ನ್ ಫ್ರೈ

Published: Saturday, November 26, 2011, 12:50 [IST]

ನೀವು ಎಂದಾದರೂ ಬೇಬಿ ಕಾರ್ನ್ ಚಿಲ್ಲಿ ಅಥವಾ ಬೇಬಿ ಕಾರ್ನ್ ಮಂಚೂರಿಯನ್ ರುಚಿ ನೋಡಿದ್ದೀರಾ? ಇಲ್ಲವೆಂದರೆ ಇದೀಗ ನಿಮ್ಮ ಸರದಿ. ಬೇಬಿ ಕಾರ್ನ್ ಬಳಸಿಕೊಂಡು ರುಚಿ ರುಚಿಯಾದ ಫ್ರೈ ಅಥವಾ ಮಂಚೂರಿಯನ್ ಮಾಡುವುದು ಹೇಗೆ ಎಂದು ಇಲ್ಲಿ ತಿಳಿದುಕೊಳ್ಳಿ.

ಬೇಬಿ ಕಾರ್ನ್ ಫ್ರೈ ಗೆ ಬೇಕಾಗುವ ಸಾಮಾನು:
* 250 ಗ್ರಾಂ ಬೇಬಿ ಕಾರ್ನ್
* 1/2 ಕಪ್ ಜೋಳದ ಹಿಟ್ಟು
* 2 ಈರುಳ್ಳಿ
* 4-5 ಹಸಿರು ಮೆಣಸಿನಕಾಯಿ
* 1 ಕ್ಯಾಪ್ಸಿಕಂ
* 1 ಚಮಚ ನಿಂಬೆರಸ
* 1 ಚಮಚ ಸೋಯಾ ಸಾಸ್
* 1 ಚಮಚ ಚಿಲ್ಲಿ ಸಾಸ್
* ಟೊಮೆಟೊ ಕೆಚಪ್
* ಕೆಂಪು ಮೆಣಸಿನ ಪುಡಿ, ಉಪ್ಪು, ಮೆಣಸಿನ ಪುಡಿ, ಎಣ್ಣೆ
* ಕತ್ತರಿಸಿದ ಸಾಂಬಾರು ಈರುಳ್ಳಿ (ಈರುಳ್ಳಿ ಹೂವು)

ಬೇಬಿ ಕಾರ್ನ್ ಫ್ರೈ ತಯಾರಿಸುವ ವಿಧಾನ:
* ಬೇಬಿ ಕಾರ್ನ್ ಗಳನ್ನು ಉದ್ದುದ್ದವಾಗಿ ಕತ್ತರಿಸಿಕೊಂಡು ನೀರಿನಲ್ಲಿ ಸ್ವಲ್ಪ ಉಪ್ಪಿನೊಂದಿಗೆ ಬೇಯಿಸಬೇಕು. ಇದು ಮೃದುವಾಗುವವರೆಗೂ ಬೇಯಿಸಿ ಬಸಿದು ಒಂದೆಡೆ ಇಡಬೇಕು.

* ಒಂದು ಬಟ್ಟಲಿನಲ್ಲಿ ಜೋಳದ ಹಿಟ್ಟು, ಕೆಂಪು ಮೆಣಸಿನ ಕಾಯಿ ಪುಡಿ ಮತ್ತು ಉಪ್ಪನ್ನು ಬೆರೆಸಿ ಅದರಲ್ಲಿ ಬೇಯಿಸಿದ ಬೇಬಿ ಕಾರ್ನ್ ಗಳನ್ನು ಹಾಕಿ ತಿರುಗಿಸಿ ಹಿಟ್ಟು ಚೆನ್ನಾಗಿ ಅಂಟಿಕೊಳ್ಳುವಂತೆ ಮಾಡಿ ಸ್ವಲ್ಪ ನಿಂಬೆರಸ ಬೆರೆಸಬೇಕು.

* ಒಂದು ಬಾಣಲೆಗೆ ಸ್ವಲ್ಪ ಎಣ್ಣೆ ಹಾಕಿ ಅದರಲ್ಲಿ ಬೇಬಿ ಕಾರ್ನ್ ಗಳನ್ನು ಸ್ವಲ್ಪ ಕೆಂಪಗಾಗುವವರೆಗೂ ಹುರಿದು ಒಂದೆಡೆ ಇಟ್ಟುಕೊಳ್ಳಬೇಕು.

* ಅದೇ ಬಾಣಲೆಗೆ ಒಂದು ಚಮಚ ಎಣ್ಣೆ ಹಾಕಿ ಕಾಯಿಸಿ ಅದರಲ್ಲಿ ಈರುಳ್ಳಿಯನ್ನು ಕೆಂಪಗೆ ಹುರಿದು ನಂತರ ಕತ್ತರಿಸಿದ ಕ್ಯಾಪ್ಸಿಕಂ ಹಾಕಿ 3-4 ನಿಮಿಷ ತಿರುಗಿಸಬೇಕು.

* ರುಚಿಗೆ ತಕ್ಕಷ್ಟು ಉಪ್ಪು, ಕೆಂಪು ಮೆಣಸಿನ ಪುಡಿ, ಸೋಯಾ ಸಾಸ್, ಚಿಲ್ಲಿ ಸಾಸ್, ಟೊಮೆಟೊ ಕೆಚಪ್, ಮೆಣಸಿನ ಪುಡಿ ಮತ್ತು ಹಸಿರು ಮೆಣಸಿನಕಾಯಿಯನ್ನು ಹಾಕಿ ಚೆನ್ನಾಗಿ ಹುರಿಯಬೇಕು.

* ಕೊನೆಯಲ್ಲಿ ಈ ಮಿಶ್ರಣಕ್ಕೆ ಬೇಬಿ ಕಾರ್ನ್ ಹಾಕಿ ಅದು ಚೆನ್ನಾಗಿ ಮಿಶ್ರಣದೊಂದಿಗೆ ಹೊಂದಿಕೊಳ್ಳುವವರೆಗು ಹುರಿಯಬೇಕು. ಕೊನೆಗೆ ಉರಿಯನ್ನು ಆರಿಸಿ ಮೇಲೆ ಈರುಳ್ಳಿಯ ಹೂವನ್ನು ಹಾಕಿ ಅಲಂಕರಿಸಿದರೆ ಬೇಬಿ ಕಾರ್ನ್ ಫ್ರೈ ತಿನ್ನಲು ರೆಡಿಯಾಗಿರುತ್ತೆ.