ಸಾಯಂಕಾಲದ ತಿಂಡಿಗಾಗಿ ವೆಜೆಟೇರಿಯನ್ ರೋಲ್

Snacks

oi-Reena

By Hema S

Published: Wednesday, November 9, 2011, 16:08 [IST]

ವೆಜಿಟೇರಿಯನ್ ರೋಲ್ ಚಿಕ್ಕನ್ ಅಥವಾ ಇತರ ಮಾಂಸದ ಶವರ್ಮಕ್ಕಿಂತ ಭಿನ್ನವಾಗಿದ್ದು ತಿನ್ನಲು ತುಂಬಾ ರುಚಿಕರವಾಗಿರುತ್ತದೆ. ಸಾಯಂಕಾಲದ ತಿಂಡಿಗೆ ಇದನ್ನು ಮಾಡಿದರೆ ರುಚಿಯ ಜೊತೆಗೆ ಹೊಟ್ಟೆಯು ತುಂಬುತ್ತದೆ.ಈ ತಿಂಡಿಯನ್ನು ಮಾಡಲು ಸುಲಭವಾಗಿದ್ದು ಮಾಡುವ ವಿಧಾನ ನೋಡಿ ಇಲ್ಲಿದೆ.

ಬೇಕಾಗುವ ಸಾಮಾಗ್ರಿಗಳು:

1. ಬೇಯಿಸಿದ ಬೀನ್ಸ್ 200 ಗ್ರಾಂ
2. ಕತ್ತರಿಸಿದ ಈರುಳ್ಳಿ 1
3. ಕತ್ತರಿಸಿದ ಕ್ಯಾರೆಟ್ 1
4. ಕತ್ತರಿಸಿದ ಹಸಿ ಮೆಣಸು 4-5
5. ಹುಳಿ ಮಜ್ಜಿಗೆ 200 ಗ್ರಾಂ
6. ಕತ್ತರಿಸಿ ಹುರಿದ ದುಂಡು ಮೆಣಸು
7. ಬೆಳ್ಳುಳ್ಳಿ 3 (ಎಸಳು ಬಿಡಿಸಿರಬೇಕು)
8. ಸಕ್ಕರೆ
9. ವನಸ್ಪತಿ 1 ಚಮಚ
10. ನಿಂಬೆ ರಸ
11. ಮೆಣಸಿನ ಪುಡಿ
12. ಕರಿಮೆಣಸಿನ ಪುಡಿ
14. ಕೊತ್ತಂಬರಿ ಪುಡಿ
15. ಜೀರಿಗೆ 1/2 ಚಮಚ
16. ತಾಜಾ ಪಿಟ್ಟಾ ಬ್ರೆಡ್
17. ಉಪ್ಪು

ಮಾಡುವ ವಿಧಾನ:

1. ಬಾಣಲೆಯಲ್ಲಿ ಎಣ್ಣೆ ಹಾಕಿ ಬಿಸಿ ಮಾಡಿ ಅದಕ್ಕೆ ಕರಿಮೆಣಸು, ಈರುಳ್ಳಿ, ಬೆಳ್ಳುಳ್ಳಿ ಹಾಕಿ ಅವು ಮೃದುವಾಗಿರವರೆಗೆ ಹುರಿಯಬೇಕು.

2. ನಂತರ ಬಾಣಲೆಗೆ ಕ್ಯಾರೆಟ್, ಬೀನ್ಸ್, ದುಂಡು ಮೆಣಸು, ಸಕ್ಕರೆ ಮತ್ತು ಉಪ್ಪು ಹಾಕಿ ಬೆರೆಸಬೇಕು.

3. ಹುಳಿ ಮಜ್ಜಿಗೆಗೆ ಹಸಿಮೆಣಸು, ಮೆಣಸಿನ ಪುಡಿ, ಕೊತ್ತಂಬರಿ ಹಾಕಿ ಅರೆಯಬೇಕು, ನಂತರ ಈ ಪೇಸ್ಟ್ ಅನ್ನು ಬಾಣಲೆಗೆ ಹಾಕಬೇಕು, ನಂತರ ನಿಂಬೆ ರಸ, ಜೀರಿಗೆ ಪುಡಿ ಮತ್ತು ದೊಡ್ಡ ಮೆಣಸನ್ನು ಹಾಕಬೇಕು.

4. ಈ ಮಿಶ್ರಣವು ಗಟ್ಟಿಯಾಗುವರೆಗೆ ಬೇಯಿಸಬೇಕು.

5. ಬ್ರೆಡ್ ಅನ್ನು ಬಿಸಿ ಮಾಡಿ ಅದರ ಮೇಲೆ ಗಟ್ಟಿಯಾದ ಮಿಶ್ರಣವನ್ನು ಹರಡಿ ಬ್ರೆಡ್ ಅನ್ನು ಸುತ್ತಬೇಕು. ಈಗ ವೆಜಿಟೇರಿಯನ್ ರೋಲ್ ರೆಡಿ.